ਹੁਣ ਈ-ਕਾਮਰਸ ਪਲੇਟਫਾਰਮ 'ਤੇ ਡਾਬਰ ਉਤਾਰੇਗੀ ਗਾਂ ਦਾ ਘਿਓ, ਵੇਖੋ ਵੇਰਵਾ

ਨਵੀਂ ਦਿੱਲੀ- ਰੋਜ਼ਾਨਾ ਦੇ ਇਸਤੇਮਾਲ ਦੀਆਂ ਚੀਜ਼ਾਂ (ਐੱਫ. ਐੱਮ. ਸੀ. ਜੀ.) ਅਤੇ ਆਯੁਰਵੈਦਿਕ ਉਤਪਾਦ ਬਣਾਉਣ ਵਾਲੀ ਕੰਪਨੀ ਡਾਬਰ ਹੁਣ ਘਿਓ ਵੀ ਵੇਚਣ ਵਾਲੀ ਹੈ। ਡਾਬਰ ਇੰਡੀਆ ਨੇ ਆਪਣੇ ਉਤਪਾਦਾਂ ਦੀ ਸੂਚੀ ਵਿਚ ਘਿਓ ਨੂੰ ਸ਼ਾਮਲ ਕਰਨ ਦਾ ਫ਼ੈਸਲਾ ਕੀਤਾ ਹੈ।

ਕੋਵਿਡ-19 ਮਹਾਮਾਰੀ ਤੋਂ ਬਾਅਦ ਕਈ ਨਵੇਂ ਉਤਪਾਦਾਂ ਨੂੰ ਤੇਜ਼ੀ ਨਾਲ ਲਾਂਚ ਕਰਨ ਵਾਲੀ ਇਹ ਕੰਪਨੀ ਈ-ਕਾਮਰਸ ਪਲੇਟਫਾਰਮ  'ਤੇ ਗਾਂ ਦੇ ਘਿਓ 'ਨੂੰ ਵਿਸ਼ੇਸ਼ ਤੌਰ' ਤੇ ਲਾਂਚ ਕਰੇਗੀ।

ਡਾਬਰ ਇੰਡੀਆ ਦੀ ਮਾਰਕੀਟਿੰਗ ਇਕਾਈ ਦੇ ਡੀ. ਜੀ. ਐੱਮ. (ਇਨੋਵੇਸ਼ਨਸ) ਕੇ. ਗਣਪਤੀ ਸੁਬਰਾਮਣੀਅਮ ਨੇ ਕਿਹਾ, ''ਡਾਬਰ ਇੰਡੀਆ ਹਰ ਘਰ ਦੀ ਸਿਹਤ ਤੇ ਬਿਹਤਰੀ ਲਈ ਸਮਰਪਿਤ ਹੈ। ਅਸੀਂ ਡਾਬਰ ਦਾ 100 ਫ਼ੀਸਦੀ ਗਾਂ ਦਾ ਸ਼ੁੱਧ ਘਿਓ ਪੇਸ਼ ਕਰਕੇ ਇਸ ਦਿਸ਼ਾ ਵਿਚ ਅੱਗੇ ਵੱਧ ਰਹੇ ਹਾਂ।'' ਉਨ੍ਹਾਂ ਕਿਹਾ ਕਿ ਇਹ ਐਂਟੀਆਕਸੀਡੈਂਟ ਗੁਣਾ ਦੇ ਨਾਲ ਕੁਦਰਤੀ ਇਮਿਊਨਿਟੀ ਬੂਸਟਰ ਹੈ। ਇਸ ਤੋਂ ਪਹਿਲਾਂ ਡਾਬਰ ਨੇ ਸਰ੍ਹੋਂ ਦਾ ਤੇਲ ਵੀ ਪੇਸ਼ ਕੀਤਾ ਹੈ। ਉੱਥੇ ਹੀ, ਗ੍ਰੋਫਰਸ ਦੇ ਅਨੀਸ਼ ਸ੍ਰੀਵਾਸਤਵ ਨੇ ਕਿਹਾ ਕਿ ਜ਼ਿਆਦਾ ਤੋਂ ਜ਼ਿਆਦਾ ਖ਼ਪਤਕਾਰ ਖਾਣ-ਪੀਣ ਦੀਆਂ ਵਸਤਾਂ ਖਰੀਦਣ ਲਈ ਈ-ਕਾਮਰਸ ਚੈਨਲਾਂ ਦੀ ਵਰਤੋਂ ਕਰ ਰਹੇ ਹਨ। ਅਸੀਂ ਆਪਣੇ ਗਾਹਕਾਂ ਨੂੰ ਕੁਦਰਤੀ ਅਤੇ ਸਿਹਤਮੰਦ ਉਤਪਾਦਾਂ ਤੱਕ ਅਸਾਨ ਅਤੇ ਤੇਜ਼ੀ ਨਾਲ ਪਹੁੰਚ ਪ੍ਰਦਾਨ ਕਰਨ ਲਈ ਹੱਥ ਮਿਲਾਏ ਹਨ।