ਬਜਟ ''ਚ ਵਿਕਾਸ ਦਰ ਨੂੰ ਹੁਲਾਰਾ ਦੇਣ ਤੇ ਵਿੱਤੀ ਮਜ਼ਬੂਤੀ ''ਤੇ ਫੋਕਸ ਦੀ ਉਮੀਦ : BoB ਰਿਪੋਰਟ
01/29/2022 12:55:11 PM
ਕੋਲਕਾਤਾ : ਬੈਂਕ ਆਫ ਬੜੌਦਾ (ਬੀਓਬੀ) ਨੇ ਸ਼ੁੱਕਰਵਾਰ ਨੂੰ ਜਾਰੀ ਕੀਤੀ ਆਪਣੀ ਤਾਜ਼ਾ ਆਰਥਿਕ ਖੋਜ ਰਿਪੋਰਟ ਵਿੱਚ ਕਿਹਾ ਕਿ ਵਿੱਤੀ ਸਾਲ 2022-23 ਲਈ ਕੇਂਦਰੀ ਬਜਟ ਤੋਂ ਵਿਕਾਸ ਨੂੰ ਹੁਲਾਰਾ ਦੇਣ, ਵਿੱਤੀ ਮਜ਼ਬੂਤੀ ਪ੍ਰਾਪਤ ਕਰਨ ਅਤੇ ਖਪਤ ਨੂੰ ਹੁਲਾਰਾ ਦੇਣ ਦੀ ਉਮੀਦ ਹੈ। ਰਿਪੋਰਟ 'ਚ ਇਹ ਵੀ ਕਿਹਾ ਗਿਆ ਹੈ ਕਿ ਬਜਟ 'ਚ ਟੈਕਸ ਰਿਆਇਤਾਂ 'ਚ ਕੁਝ ਬਦਲਾਅ ਹੋ ਸਕਦੇ ਹਨ, ਜਦਕਿ ਉਤਪਾਦਨ-ਲਿੰਕਡ ਇਨਸੈਂਟਿਵ (ਪੀ.ਐੱਲ.ਆਈ.) ਸਕੀਮਾਂ ਦੇ ਤਹਿਤ ਨਿਵੇਸ਼ ਵਧਾਉਣ ਲਈ ਜ਼ਿਆਦਾ ਅਲਾਟਮੈਂਟ ਕੀਤੀ ਜਾ ਸਕਦੀ ਹੈ।
ਇਸ ਰਿਪੋਰਟ ਅਨੁਸਾਰ, ਬਾਂਡ ਮਾਰਕੀਟ ਵਿੱਚ ਅਸਥਿਰਤਾ ਤੋਂ ਬਚਣ ਲਈ ਕੁੱਲ ਉਧਾਰ 12,000-13,000 ਅਰਬ ਰੁਪਏ ਦੀ ਰੇਂਜ ਵਿੱਚ ਬਣਾਏ ਜਾਣਗੇ। ਇਸ ਤਰ੍ਹਾਂ ਵਿੱਤੀ ਸਾਲ 2022-23 'ਚ ਵਿੱਤੀ ਘਾਟਾ 6-6.25 ਫੀਸਦੀ ਦੇ ਦਾਇਰੇ 'ਚ ਰਹਿਣ ਦੀ ਉਮੀਦ ਹੈ।
BoB ਦੀ ਖੋਜ ਰਿਪੋਰਟ ਅਨੁਸਾਰ, ਮੌਜੂਦਾ ਕੀਮਤਾਂ 'ਤੇ ਜੀਡੀਪੀ ਵਿੱਚ 13 ਫੀਸਦੀ ਵਾਧੇ ਦੇ ਨਾਲ ਕੇਂਦਰ ਦੀ ਸ਼ੁੱਧ ਆਮਦਨ 12.2 ਫੀਸਦੀ ਅਤੇ ਖਰਚੇ 4.5 ਫੀਸਦੀ ਵਧਣ ਦੀ ਉਮੀਦ ਹੈ। ਰਿਪੋਰਟ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਅਗਲੇ ਵਿੱਤੀ ਸਾਲ 'ਚ ਵਿਨਿਵੇਸ਼ ਦੀ ਉਮੀਦ ਲਗਭਗ 750 ਅਰਬ ਰੁਪਏ ਹੋ ਸਕਦੀ ਹੈ।
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
