Paytm ਦੇ ਗਾਹਕਾਂ ਨੂੰ ਆਕਰਸ਼ਿਤ ਕਰਨ ਦਾ ਖ਼ਾਸ ਮੌਕਾ, ਕਾਫੀ ਪ੍ਰਮੋਸ਼ਨ ਕਰ ਰਹੀਆਂ ਨੇ ਇਹ ਕੰਪਨੀਆਂ

ਬਿਜ਼ਨੈੱਸ ਡੈਸਕ : ਭਾਰਤੀ ਰਿਜ਼ਰਵ ਬੈਂਕ (ਆਰਬੀਆਈ) ਦੁਆਰਾ ਪੇਟੀਐੱਮ ਪੇਮੈਂਟਸ ਬੈਂਕ ਦੇ ਸੰਚਾਲਨ 'ਤੇ ਪਾਬੰਦੀ ਦੇ ਐਲਾਨ ਤੋਂ ਇੱਕ ਪੰਦਰਵਾੜੇ ਬਾਅਦ ਕੇਂਦਰੀ ਬੈਂਕ ਨੇ ਪਿਛਲੇ ਹਫ਼ਤੇ ਅਕਸਰ ਪੁੱਛੇ ਜਾਂਦੇ ਪ੍ਰਸ਼ਨਾਂ ਦੀ ਸੂਚੀ ਜਾਰੀ ਕਰਕੇ ਡਿਜੀਟਲ ਭੁਗਤਾਨ ਪਲੇਟਫਾਰਮ ਬਾਰੇ ਭੰਬਲਭੂਸਾ ਦੂਰ ਕਰਨ ਦੀ ਕੋਸ਼ਿਸ਼ ਕੀਤੀ। ਇਸ ਦੇ ਬਾਵਜੂਦ ਕਾਰੋਬਾਰੀਆਂ ਨੂੰ ਲੁਭਾਉਣ ਲਈ ਪ੍ਰਤੀਯੋਗੀ ਕੰਪਨੀਆਂ ਦਾ ਮੁਕਾਬਲਾ ਹੈ। Google Pay, PhonePe, HDFC ਅਤੇ ਭਾਰਤੀ ਸਟੇਟ ਬੈਂਕ (SBI) ਵੀ ਕਿਰਨਾ ਅਤੇ ਰਿਟੇਲਰਾਂ ਸਮੇਤ ਵਪਾਰੀਆਂ ਨੂੰ ਉਨ੍ਹਾਂ ਦੀ ਤਕਨਾਲੋਜੀ, ਉਤਪਾਦਾਂ ਅਤੇ ਸੇਵਾਵਾਂ ਨੂੰ ਅਪਣਾਉਣ ਲਈ ਆਕਰਸ਼ਿਤ ਕਰਨ ਲਈ ਭਾਰੀ ਪ੍ਰਚਾਰ ਕਰ ਰਹੇ ਹਨ।

ਇਹ ਵੀ ਪੜ੍ਹੋ - ਕਿਸਾਨਾਂ ਲਈ ਚੰਗੀ ਖ਼ਬਰ: ਪਿਆਜ਼ ਦੇ ਨਿਰਯਾਤ ਤੋਂ ਮੋਦੀ ਸਰਕਾਰ ਨੇ ਹਟਾਈ ਪਾਬੰਦੀ

ਕੋਲਕਾਤਾ ਦੇ ਪ੍ਰਸਿੱਧ ਬਾਜ਼ਾਰ ਨਿਊ ​​ਮਾਰਕਿਟ ਦੇ ਇੱਕ ਰਿਟੇਲਰ ਨੇ ਕਿਹਾ ਕਿ ਐੱਸਬੀਆਈ ਪੇਟੀਐੱਮ ਸੰਕਟ ਤੋਂ ਬਾਅਦ ਆਪਣੀ ਪੁਆਇੰਟ ਆਫ਼ ਸੇਲ (ਪੀਓਐੱਸ) ਮਸ਼ੀਨਾਂ ਨੂੰ ਅਪਣਾਉਣ ਲਈ ਜ਼ੋਰ ਦੇ ਰਿਹਾ ਹੈ। ਨਿਊ ਮਾਰਕਿਟ ਵਿੱਚ ਬਹੁਤ ਸਾਰੇ ਰਿਟੇਲ ਸਟੋਰ ਹਨ, ਜਿੱਥੇ ਕੱਪੜਿਆਂ ਤੋਂ ਲੈ ਕੇ ਕਾਸਮੈਟਿਕਸ ਅਤੇ ਖਾਣ-ਪੀਣ ਦੀਆਂ ਵਸਤੂਆਂ ਤੱਕ ਹਰ ਚੀਜ਼ ਵਿਕਦੀ ਹੈ। ਅਜਿਹੇ 'ਚ ਡਿਜੀਟਲ ਪੇਮੈਂਟ ਪ੍ਰੋਵਾਈਡਰ ਅਤੇ ਬੈਂਕ ਇੱਥੇ ਵਪਾਰੀਆਂ ਨੂੰ ਜੋੜਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਅਜਿਹਾ ਸਿਰਫ਼ ਕੋਲਕਾਤਾ 'ਚ ਹੀ ਨਹੀਂ, ਪੇਟੀਐੱਮ ਦੇ ਮੁਕਾਬਲੇਬਾਜ਼ ਦੇਸ਼ ਦੇ ਸਾਰੇ ਹਿੱਸਿਆਂ 'ਚ ਵਪਾਰੀਆਂ ਨੂੰ ਆਕਰਸ਼ਿਤ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।

ਇਹ ਵੀ ਪੜ੍ਹੋ - Today Gold Silver Price: ਸੋਨੇ ਦੀਆਂ ਕੀਮਤਾਂ 'ਚ ਵਾਧਾ, ਚਾਂਦੀ 71 ਹਜ਼ਾਰ ਤੋਂ ਹੋਈ ਪਾਰ

ਦਿੱਲੀ ਦੇ ਇੱਕ ਦੁਕਾਨਦਾਰ ਨੇ ਕਿਹਾ, ‘ਪਿਛਲੇ ਹਫ਼ਤੇ PhonePe ਦਾ ਇੱਕ ਸੇਲਜ਼ ਐਗਜ਼ੀਕਿਊਟਿਵ ਮੇਰੀ ਦੁਕਾਨ ‘ਤੇ ਆਇਆ ਅਤੇ ਦੱਸਿਆ ਕਿ ਪੇਟੀਐੱਮ ਸੇਵਾਵਾਂ ਅੱਗੇ ਉਪਲਬਧ ਨਹੀਂ ਹੋਣਗੀਆਂ ਅਤੇ ਉਸਨੇ ਮੈਨੂੰ ਇਸ ਨੂੰ ਬਦਲਣ ਦੀ ਸਲਾਹ ਦਿੱਤੀ।’ ਦਿੱਲੀ ਦੇ ਇੱਕ ਦੁਕਾਨਦਾਰ ਨੇ ਅਜੇ ਤੱਕ ਕਿਸੇ ਹੋਰ ਪਲੇਟਫਾਰਮ 'ਤੇ ਜਾਣ ਦਾ ਮਨ ਨਹੀਂ ਬਣਾਇਆ, ਕਿਉਂਕਿ ਪੇਟੀਐੱਮ ਐਪ ਦੇ ਨਾਲ-ਨਾਲ ਸਾਊਂਡਬਾਕਸ 'ਤੇ ਸੰਦੇਸ਼ ਆ ਰਹੇ ਹਨ ਕਿ ਪੇਟੀਐੱਮ ਦੀਆਂ ਸੇਵਾਵਾਂ ਪਹਿਲਾਂ ਵਾਂਗ ਜਾਰੀ ਰਹਿਣਗੀਆਂ। ਪੁਣੇ ਵਿੱਚ ਇੱਕ ਮੋਬਾਈਲ ਫੋਨ ਸਟੋਰ ਚਲਾਉਣ ਵਾਲੇ ਸਤੀਸ਼ ਸਾਲੁੰਕੇ ਕੋਲ ਪੇਟੀਐਮ ਪੇਮੈਂਟਸ ਬੈਂਕ ਨਾਲ ਜੁੜਿਆ ਪੇਟੀਐੱਮ ਸਾਊਂਡਬਾਕਸ ਹੋਇਆ ਹੈ।

ਇਹ ਵੀ ਪੜ੍ਹੋ - Paytm Fastag ਨੂੰ ਲੈ ਕੇ NHAI ਦਾ ਵੱਡਾ ਫ਼ੈਸਲਾ, ਪ੍ਰਭਾਵਿਤ ਹੋ ਸਕਦੇ ਹਨ 2 ਕਰੋੜ ਲੋਕ

ਉਸਨੇ ਕਿਹਾ ਕਿ PhonePe ਦੇ ਇੱਕ ਸੇਲਜ਼ ਐਗਜ਼ੀਕਿਊਟਿਵ ਨੇ ਨਵਾਂ QR ਲੈਣ ਲਈ ਉਨ੍ਹਾਂ ਨਾਲ ਸੰਪਰਕ ਕੀਤਾ ਸੀ। ਉਸ ਨੇ ਕਿਹਾ, 'ਆਰਬੀਆਈ ਦੀਆਂ ਪਾਬੰਦੀਆਂ ਅਤੇ ਪਿਛਲੇ ਹਫ਼ਤੇ ਜਾਰੀ ਕੀਤੇ ਗਏ ਅਕਸਰ ਪੁੱਛੇ ਜਾਂਦੇ ਸਵਾਲਾਂ ਦੀ ਸੂਚੀ ਤੋਂ ਬਾਅਦ ਮੈਨੂੰ ਨਵਾਂ ਖਾਤਾ ਖੋਲ੍ਹਣਾ ਹੋਵੇਗਾ ਅਤੇ ਇਸ ਵਿੱਚ ਬਕਾਇਆ ਟ੍ਰਾਂਸਫਰ ਕਰਨਾ ਹੋਵੇਗਾ ਅਤੇ ਨਵੀਂ ਮਸ਼ੀਨ ਖਰੀਦਣੀ ਹੋਵੇਗੀ। ਮੈਂ ਖਾਤਾ ਟ੍ਰਾਂਸਫਰ ਬਾਰੇ ਜਾਣਕਾਰੀ ਲਈ ਪੇਟੀਐੱਮ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹਾਂ ਪਰ ਇਸਦਾ ਹੈਲਪਲਾਈਨ ਨੰਬਰ ਹਮੇਸ਼ਾ ਵਿਅਸਤ ਰਹਿੰਦਾ ਹੈ।''

ਇਹ ਵੀ ਪੜ੍ਹੋ - Paytm ਦਾ FASTag ਇਸਤੇਮਾਲ ਕਰਨ ਵਾਲੇ ਸਾਵਧਾਨ! ਦੇਣਾ ਪੈ ਸਕਦੈ ਦੁੱਗਣਾ ਟੋਲ

ਉਨ੍ਹਾਂ ਨੇ ਕਿਹਾ, 'ਜੇਕਰ ਸਮੱਸਿਆ ਇਸੇ ਤਰ੍ਹਾਂ ਜਾਰੀ ਰਹੀ ਤਾਂ ਮੈਨੂੰ ਕਿਸੇ ਹੋਰ ਪਲੇਟਫਾਰਮ 'ਤੇ ਜਾਣ ਲਈ ਮਜਬੂਰ ਹੋਣਾ ਪਵੇਗਾ।' ਇਹ ਸਪੱਸ਼ਟ ਕੀਤਾ ਗਿਆ ਹੈ ਕਿ ਵਪਾਰੀ 15 ਮਾਰਚ ਤੋਂ ਬਾਅਦ ਵੀ Paytm QR ਕੋਡ, Soundbox ਜਾਂ POS ਟਰਮੀਨਲ ਦੀ ਵਰਤੋਂ ਕਰ ਸਕਦੇ ਹਨ ਪਰ ਭੁਗਤਾਨ ਕਿਸੇ ਹੋਰ ਬੈਂਕ ਦੇ ਖਾਤੇ ਵਿੱਚ ਲਿਆ ਜਾਂਦਾ ਹੈ। Paytm ਪੇਮੈਂਟਸ ਬੈਂਕ ਨਾਲ ਜੁੜੇ QR ਕੋਡ, POS ਅਤੇ Soundbox 15 ਮਾਰਚ ਤੋਂ ਬਾਅਦ ਕੰਮ ਨਹੀਂ ਕਰਨਗੇ। ਵਪਾਰੀਆਂ ਨੇ ਕਿਹਾ ਕਿ ਸਪੱਸ਼ਟੀਕਰਨ ਫ਼ੈਸਲੇ ਲੈਣ ਵਿੱਚ ਮਦਦ ਕਰੇਗਾ।

ਇਹ ਵੀ ਪੜ੍ਹੋ - 15 ਜਨਵਰੀ ਤੋਂ 15 ਜੁਲਾਈ ਦੇ ਸ਼ੁੱਭ ਮਹੂਰਤ 'ਚ ਹੋਣਗੇ 42 ਲੱਖ ਵਿਆਹ, 5.5 ਲੱਖ ਕਰੋੜ ਰੁਪਏ ਦੇ ਕਾਰੋਬਾਰ ਦਾ ਅਨੁਮਾਨ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8