SBI ਦੇ ਬਾਅਦ ਹੁਣ ਇਲਾਹਾਬਾਦ ਬੈਂਕ ਨੇ ਵੀ ਕੀਤੀ ਵਿਆਜ਼ ਦਰਾਂ ''ਚ ਕਟੌਤੀ
02/13/2020 5:18:03 PM
ਨਵੀਂ ਦਿੱਲੀ—ਇਲਾਹਾਬਾਦ ਬੈਂਕ ਨੇ ਵੱਖ-ਵੱਖ ਪਰਿਪੱਕਤਾ ਮਿਆਦ ਦੇ ਲਈ ਸੀਮਾਂਤ ਲਾਗਤ ਆਧਾਰਿਤ ਵਿਆਜ਼ ਦਰ (ਐੱਮ.ਸੀ.ਐੱਲ.ਆਰ.) 'ਚ 0.05 ਫੀਸਦੀ ਦੀ ਕਟੌਤੀ ਕੀਤੀ ਹੈ। ਸੰਸ਼ੋਧਿਤ ਦਰਾਂ 14 ਫਰਵਰੀ ਤੋਂ ਪ੍ਰਭਾਵੀ ਹੋਣਗੀਆਂ। ਬੈਂਕ ਨੇ ਬੀ.ਐੱਸ.ਈ. ਨੂੰ ਕਿਹਾ ਕਿ ਉਸ ਦੀ ਸੰਪਤੀ ਜ਼ਿੰਮੇਵਾਰੀ ਪ੍ਰਬੰਧਨ ਕਮੇਟੀ ਨੇ ਮੌਜੂਦਾ ਐੱਮ.ਸੀ.ਐੱਲ.ਆਰ. ਦੀ ਸਮੀਖਿਆ ਵਲੋਂ ਸਾਰੇ ਪਰਿਪੱਕਤਾ ਮਿਆਦ ਦੇ ਕਰਜ਼ਿਆਂ ਲਈ ਇਸ 'ਚ 0.05 ਫੀਸਦੀ ਦੀ ਕਟੌਤੀ ਕਰਨ ਦਾ ਫੈਸਲਾ ਲਿਆ ਹੈ।
ਬੈਂਕ ਨੇ ਕਿਹਾ ਕਿ ਇਕ ਸਾਲ ਦੀ ਪਰਿਪੱਕਤਾ ਮਿਆਦ ਵਾਲੇ ਕਰਜ਼ ਦਾ ਐੱਮ.ਸੀ.ਐੱਲ.ਆਰ. ਹੁਣ 8.30 ਫੀਸਦੀ ਤੋਂ ਘੱਟ ਹੋ ਕੇ 8.25 ਫੀਸਦੀ 'ਤੇ ਆ ਗਿਆ ਹੈ। ਇਸ ਤਰ੍ਹਾਂ ਇਕ ਦਿਨ, ਤਿੰਨ ਮਹੀਨੇ ਅਤੇ ਛੇ ਮਹੀਨੇ ਦਾ ਐੱਨ.ਸੀ.ਐੱਲ.ਆਰ. ਘੱਟ ਹੋ ਕੇ 7.75 ਫੀਸਦੀ ਤੋਂ 8.10 ਫੀਸਦੀ 'ਤੇ ਆ ਗਿਆ ਹੈ। ਇਕ ਮਹੀਨੇ ਦੀ ਪਰਿਪੱਕਤਾ ਮਿਆਦ ਵਾਲੇ ਕਰਜ਼ ਦਾ ਐੱਮ.ਸੀ.ਐੱਲ.ਆਰ. ਨਾ-ਬਦਲਣਯੋਗ ਹੈ। ਇਸ ਤੋਂ ਪਹਿਲਾਂ ਭਾਰਤੀ ਸਟੇਟ ਬੈਂਕ ਵੀ ਐੱਮ.ਸੀ.ਐੱਲ.ਆਰ. ਘੱਟ ਹੋਣ ਦੀ ਘੋਸ਼ਣਾ ਕਰ ਚੁੱਕਾ ਹੈ।
ਦੱਸ ਦੇਈਏ ਕਿ ਭਾਰਤੀ ਰਿਜ਼ਰਵ ਬੈਂਕ ਦੀ ਮੌਦਰਿਕ ਨੀਤੀ ਦੀ ਘੋਸ਼ਣਾ ਦੇ ਇਕ ਦਿਨ ਬਾਅਦ ਭਾਰਤ ਦੇ ਸਭ ਤੋਂ ਵੱਡੇ ਬੈਂਕ ਐੱਸ.ਬੀ.ਆਈ. ਨੇ ਆਪਣੀਆਂ ਕਰਜ਼ ਦਰਾਂ 'ਚ ਕਟੌਤੀ ਕੀਤੀ ਸੀ, ਜਿਸ ਨਾਲ ਘਰ ਅਤੇ ਆਟੋ ਕਰਜ਼ ਸਸਤੇ ਹੋ ਗਏ ਹਨ। ਐੱਸ.ਬੀ.ਆਈ. ਨੇ ਆਪਣੀ ਫਿਕਸਡ ਡਿਪਾਜ਼ਿਟ ਜਾਂ ਐੱਫ.ਡੀ. ਦਰਾਂ 'ਚ ਵੀ ਕਟੌਤੀ ਕੀਤੀ ਹੈ। ਪਰ ਨਾਲ ਹੀ ਐੱਫ.ਡੀ. 'ਤੇ ਮਿਲਣ ਵਾਲੇ ਵਿਆਜ਼ 'ਚ ਵੀ ਕਮੀ ਕੀਤੀ ਹੈ।
