Air India Express ਦੀ ਫ੍ਰੀਡਮ ਸੇਲ ਦਾ ਐਲਾਨ, ਸਿਰਫ਼ 1947 ਰੁਪਏ ''ਚ ਕਰੋ ਫਲਾਈਟ ਦਾ ਸਫ਼ਰ

ਨਵੀਂ ਦਿੱਲੀ - 77ਵੀਂ ਆਜ਼ਾਦੀ ਦੀ ਵਰ੍ਹੇਗੰਢ ਦੇ ਮੌਕੇ 'ਤੇ ਟਾਟਾ ਗਰੁੱਪ ਦੀ ਏਅਰਲਾਈਨ ਏਅਰ ਇੰਡੀਆ ਐਕਸਪ੍ਰੈਸ ਨੇ ਫ੍ਰੀਡਮ ਸੇਲ ਦਾ ਐਲਾਨ ਕੀਤਾ ਹੈ। ਸੁਤੰਤਰਤਾ ਦਿਵਸ ਤੋਂ ਪਹਿਲਾਂ ਹੀ, ਏਅਰਲਾਈਨ ਆਜ਼ਾਦੀ ਦੇ ਜਸ਼ਨਾਂ ਵਿੱਚ ਸ਼ਾਮਲ ਹੋ ਗਈ ਹੈ ਅਤੇ ਯਾਤਰੀਆਂ ਨੂੰ ਸਿਰਫ਼ 1947 ਰੁਪਏ ਵਿੱਚ ਯਾਤਰਾ ਕਰਨ ਦਾ ਵਧੀਆ ਮੌਕਾ ਦੇ ਰਹੀ ਹੈ। ਇਸ ਆਫਰ ਦਾ ਲਾਭ ਲੈਣ ਲਈ ਯਾਤਰੀ 5 ਅਗਸਤ ਤੱਕ ਬੁੱਕ ਕਰਵਾ ਸਕਦੇ ਹਨ।

ਇਨ੍ਹਾਂ ਰੂਟਾਂ 'ਤੇ ਫ੍ਰੀਡਮ ਸੇਲ ਆਫਰ ਉਪਲਬਧ ਹੋਵੇਗਾ

ਏਅਰ ਇੰਡੀਆ ਐਕਸਪ੍ਰੈਸ ਨੇ ਕਿਹਾ ਕਿ ਇਹ ਆਫਰ 15 ਅੰਤਰਰਾਸ਼ਟਰੀ ਅਤੇ 32 ਘਰੇਲੂ ਰੂਟਾਂ 'ਤੇ ਉਪਲਬਧ ਹੈ। ਇਨ੍ਹਾਂ ਵਿੱਚ ਦਿੱਲੀ-ਜੈਪੁਰ, ਬੈਂਗਲੁਰੂ-ਗੋਆ ਅਤੇ ਦਿੱਲੀ-ਗਵਾਲੀਅਰ ਵਰਗੇ ਪ੍ਰਮੁੱਖ ਮਾਰਗ ਸ਼ਾਮਲ ਹਨ। ਯਾਤਰੀ ਇਨ੍ਹਾਂ ਰੂਟਾਂ 'ਤੇ ਇਸ ਸ਼ਾਨਦਾਰ ਆਫਰ ਦਾ ਲਾਭ ਲੈ ਸਕਦੇ ਹਨ।

ਬੁਕਿੰਗ ਦੀ ਮਿਤੀ

ਏਅਰਲਾਈਨ ਨੇ ਦੱਸਿਆ ਕਿ ਇਹ ਸੇਲ 5 ਅਗਸਤ 2024 ਤੱਕ ਗਾਹਕਾਂ ਲਈ ਲਾਗੂ ਹੈ। ਯਾਤਰੀ 20 ਅਗਸਤ ਤੋਂ 30 ਸਤੰਬਰ, 2024 ਵਿਚਕਾਰ ਯਾਤਰਾ ਲਈ ਬੁੱਕਿੰਗ ਕਰਵਾ ਸਕਦੇ ਹਨ। ਆਫਰ ਦਾ ਲਾਭ ਲੈਣ ਲਈ ਹਵਾਈ ਯਾਤਰੀਆਂ ਨੂੰ 5 ਅਗਸਤ ਤੋਂ ਪਹਿਲਾਂ ਆਪਣੀ ਬੁਕਿੰਗ ਕਰਵਾਉਣੀ ਹੋਵੇਗੀ।

ਵਾਧੂ ਲਾਭ

ਏਅਰ ਇੰਡੀਆ ਐਕਸਪ੍ਰੈਸ ਵੈੱਬਸਾਈਟ airindiaexpress.com 'ਤੇ ਬੁਕਿੰਗ ਕਰਦੇ ਸਮੇਂ ਗਾਹਕ ਐਕਸਕਲੂਸਿਵ ਜ਼ੀਰੋ-ਚੈਕ-ਇਨ ਬੈਗੇਜ ਐਕਸਪ੍ਰੈਸ ਲਾਈਟ ਕਿਰਾਏ ਦਾ ਵੀ ਲਾਭ ਲੈ ਸਕਦੇ ਹਨ। ਐਕਸਪ੍ਰੈਸ ਲਾਈਟ ਕਿਰਾਏ ਵਿੱਚ ਬਿਨਾਂ ਕਿਸੇ ਵਾਧੂ ਚਾਰਜ ਦੇ 3 ਕਿਲੋਗ੍ਰਾਮ ਕੈਬਿਨ ਸਮਾਨ ਦੀ ਪ੍ਰੀ-ਬੁਕਿੰਗ ਅਤੇ ਘਰੇਲੂ ਉਡਾਣਾਂ 'ਤੇ 15 ਕਿਲੋਗ੍ਰਾਮ ਸਮਾਨ ਲਈ 1000 ਰੁਪਏ ਅਤੇ ਅੰਤਰਰਾਸ਼ਟਰੀ ਉਡਾਣਾਂ 'ਤੇ 20 ਕਿਲੋਗ੍ਰਾਮ ਸਮਾਨ ਲਈ 1300 ਰੁਪਏ ਦੇ ਰਿਆਇਤੀ ਖਰਚੇ ਸ਼ਾਮਲ ਹਨ।