ਅਡਾਨੀ ਸਮੂਹ ਦਾ ਸਮੂਹਿਕ ਪ੍ਰੀ-ਟੈਕਸ ਪਹਿਲੀ ਛਿਮਾਹੀ 'ਚ 47 ਫ਼ੀਸਦੀ ਵਧ ਕੇ ਹੋਇਆ 43,688 ਕਰੋੜ ਰੁਪਏ

ਨਵੀਂ ਦਿੱਲੀ (ਭਾਸ਼ਾ) - ਅਡਾਨੀ ਸਮੂਹ ਦੀ ਸੇਬ ਤੋਂ ਲੈ ਕੇ ਹਵਾਈ ਅੱਡਿਆਂ ਤੱਕ ਫੈਲੀ ਕੰਪਨੀਆਂ ਦਾ ਸਮੂਹਿਕ ਪ੍ਰੀ-ਟੈਕਸ ਲਾਭ ਚਾਲੂ ਵਿੱਤੀ ਸਾਲ 2023-24 ਦੀ ਪਹਿਲੀ ਛਿਮਾਹੀ 'ਚ 47 ਫ਼ੀਸਦੀ ਵਧ ਕੇ 43,688 ਕਰੋੜ ਰੁਪਏ ਹੋ ਗਿਆ। ਸਮੂਹ ਵਲੋਂ ਸੋਮਵਾਰ ਨੂੰ ਜਾਰੀ ਕੀਤੇ ਗਏ ਇਕ ਬਿਆਨ ਅਨੁਸਾਰ ਬੁਨਿਆਦੀ ਢਾਂਚਾ ਕਾਰੋਬਾਰ ਦਾ ਯੋਗਦਾਨ ਟੈਕਸ ਆਮਦਨ 'ਚ 86 ਫ਼ੀਸਦੀ ਰਿਹਾ। 

ਇਹ ਵੀ ਪੜ੍ਹੋ - ਵੱਧਦੀ ਮਹਿੰਗਾਈ ਦੌਰਾਨ ਲੋਕਾਂ ਨੂੰ ਮਿਲੇਗੀ ਰਾਹਤ, ਹੁਣ ਇੰਨੇ ਰੁਪਏ ਸਸਤੇ ਹੋਣਗੇ ਗੰਢੇ

ਕੰਪਨੀ ਦੇ ਅਨੁਸਾਰ ਇਸ ਤੋਂ ਪਿਛਲੇ 12 ਮਹੀਨਿਆਂ ਵਿੱਚ 71,253 ਕਰੋੜ ਰੁਪਏ (8.6 ਅਰਬ ਅਮਰੀਕੀ ਡਾਲਰ) ਦੀ ਪ੍ਰੀ-ਟੈਕਸ ਆਮਦਨ ਵਿੱਤੀ ਸਾਲ 2019 (ਅਪ੍ਰੈਲ 2018 ਤੋਂ ਮਾਰਚ 2019 ਵਿੱਤੀ ਸਾਲ) ਦੀ ਟੈਕਸ ਤੋਂ ਪਹਿਲਾਂ ਦੀ ਆਮਦਨ ਤੋਂ ਲਗਭਗ ਤਿੰਨ ਗੁਣਾ ਹੈ। ਸਤੰਬਰ ਦੇ ਅੰਤ ਵਿੱਚ ਸਮੂਹ ਕੋਲ 45,895 ਕਰੋੜ ਰੁਪਏ (5.5 ਅਰਬ ਅਮਰੀਕੀ ਡਾਲਰ) ਦਾ ਹੁਣ ਤੱਕ ਦਾ ਸਭ ਤੋਂ ਉੱਚਾ ਨਕਦ ਬਕਾਇਆ ਸੀ।

ਇਹ ਵੀ ਪੜ੍ਹੋ - ਸੋਨਾ-ਚਾਂਦੀ ਦੀਆਂ ਕੀਮਤਾਂ 'ਚ ਭਾਰੀ ਉਛਾਲ, ਜਾਣੋ 10 ਗ੍ਰਾਮ ਸੋਨੇ ਦਾ ਅੱਜ ਦਾ ਭਾਅ

ਗਰੁੱਪ ਦੇ ਮੁੱਖ ਵਿੱਤੀ ਅਫ਼ਸਰ (ਸੀਐੱਫਓ) ਜੁਗੇਸ਼ਿੰਦਰ (ਰੌਬੀ) ਸਿੰਘ ਨੇ ਕਿਹਾ, "ਏਅਰਪੋਰਟ, ਗ੍ਰੀਨ ਹਾਈਡ੍ਰੋਜਨ ਅਤੇ ਹੋਰ 'ਇਨਕਿਊਬਟਿੰਗ' ਸੰਪਤੀਆਂ ਦੇ ਮਜ਼ਬੂਤੀ ਨਾਲ ​​​​ਉਭਰਨ ਕਾਰਨ ਇਸ ਹਿੱਸੇ ਨੇ ਟੈਕਸ ਤੋਂ ਪਹਿਲਾਂ ਦੀ ਆਮਦਨ ਵਿੱਚ ਲਗਭਗ 8 ਫ਼ੀਸਦੀ ਦਾ ਯੋਗਦਾਨ ਪਾਇਆ ਹੈ।'' ਅਪ੍ਰੈਲ-ਸਤੰਬਰ ਦੀ ਮਿਆਦ 'ਚ ਖੰਡ ਪੱਧਰ 'ਤੇ ਟੈਕਸ ਤੋਂ ਪਹਿਲਾਂ ਦੀ ਆਮਦਨ ਸਾਲਾਨਾ ਆਧਾਰ 'ਤੇ 47 ਫ਼ੀਸਦੀ ਵਧ ਕੇ 43,688 ਕਰੋੜ ਰੁਪਏ (5.3 ਅਰਬ ਅਮਰੀਕੀ ਡਾਲਰ) ਹੋ ਗਈ।

ਇਹ ਵੀ ਪੜ੍ਹੋ - ਦਸੰਬਰ ਮਹੀਨੇ ਪੈਨਸ਼ਨ ਅਤੇ LPG ਦੀਆਂ ਕੀਮਤਾਂ ਸਣੇ ਹੋਏ ਕਈ ਬਦਲਾਅ, ਹੁਣ ਲਾਗੂ ਹੋਣਗੇ ਇਹ ਨਿਯਮ

ਬਿਆਨ ਵਿੱਚ ਕਿਹਾ ਗਿਆ ਹੈ, "ਵਿੱਤੀ ਸਾਲ 2023-24 ਦੀ ਪਹਿਲੀ ਛਿਮਾਹੀ ਦੀ ਟੈਕਸ ਤੋਂ ਪਹਿਲਾਂ ਦੀ ਆਮਦਨ ਵਿੱਤੀ ਸਾਲ 2022 ਦੇ ਮੁਕਾਬਲੇ ਵੱਧ ਸੀ।" ਇਸ ਦੇ ਨਾਲ ਹੀ, 12-ਮਹੀਨੇ ਦੀ ਪ੍ਰੀ-ਟੈਕਸ ਆਮਦਨ ਵਿੱਤੀ ਸਾਲ 2019 ਦੇ ਮੁਕਾਬਲੇ ਤਿੰਨ ਗੁਣਾ ਦੇ ਨੇੜੇ ਹੈ। ਵਿਕਾਸ ਦੇ ਤੌਰ 'ਤੇ ਬੁਨਿਆਦੀ ਢਾਂਚੇ ਦੇ ਕਾਰੋਬਾਰਾਂ ਦੇ ਬਿਹਤਰ ਪ੍ਰਦਰਸ਼ਨ ਦੁਆਰਾ ਯੋਗਦਾਨ ਪਾਇਆ ਗਿਆ ਸੀ। ਇਹ 52 ਫ਼ੀਸਦੀ ਵਧ ਕੇ 37,379 ਕਰੋੜ ਰੁਪਏ ਹੋ ਗਿਆ, ਜੋ ਟੈਕਸ ਤੋਂ ਪਹਿਲਾਂ ਦੀ ਕੁੱਲ ਕਮਾਈ ਦਾ 86 ਫ਼ੀਸਦੀ ਹੈ। ਇਹਨਾਂ ਕਾਰੋਬਾਰਾਂ ਵਿੱਚ ਅਡਾਨੀ ਗ੍ਰੀਨ ਐਨਰਜੀ, ਅਡਾਨੀ ਐਨਰਜੀ ਸਲਿਊਸ਼ਨਜ਼, ਅਡਾਨੀ ਪਾਵਰ ਅਤੇ ਅਡਾਨੀ ਟੋਟਲ ਗੈਸ, ਅਡਾਨੀ ਪੋਰਟਸ ਅਤੇ SEZ, ਅਡਾਨੀ ਇੰਟਰਪ੍ਰਾਈਜਿਜ਼ ਆਦਿ ਸ਼ਾਮਲ ਹਨ।

ਇਹ ਵੀ ਪੜ੍ਹੋ - ਪਹਿਲੀ ਵਾਰ ਐਨਾ ਮਹਿੰਗਾ ਹੋਇਆ ਸੋਨਾ, ਤੋੜੇ ਸਾਰੇ ਰਿਕਾਰਡ, ਜਾਣੋ ਤਾਜ਼ਾ ਭਾਅ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8