ਅਡਾਨੀ ਐਂਟਰਪ੍ਰਾਈਜ਼ਜ਼ 20,000 ਰੁਪਏ ਕਰੋੜ ਦਾ  FPO ਖੁੱਲ੍ਹਿਆ

ਨਵੀਂ ਦਿੱਲੀ- ਦੁਨੀਆ ਦੇ ਤੀਜੇ ਸਭ ਤੋਂ ਅਮੀਰ ਵਿਅਕਤੀ ਗੌਤਮ ਅਡਾਨੀ ਦੀ ਪ੍ਰਮੁੱਖ ਕੰਪਨੀ ਅਡਾਨੀ ਐਂਟਰਪ੍ਰਾਈਜ਼ਿਜ਼ ਦੀ ਫਾਲੋ-ਆਨ ਪਬਲਿਕ ਪੇਸ਼ਕਸ਼ (ਐੱਫ.ਪੀ.ਓ.) ਅੱਜ ਪ੍ਰਾਇਮਰੀ ਬਾਜ਼ਾਰਾਂ 'ਚ ਨਿਵੇਸ਼ ਲਈ ਉਪਲਬਧ ਹੋ ਗਈ ਹੈ ਅਤੇ ਇਹ 31 ਜਨਵਰੀ, 2023 ਤੱਕ ਬੋਲੀ ਲਗਾਉਣ ਲਈ ਖੁੱਲ੍ਹਾ ਰਹੇਗਾ। ਪ੍ਰਮੁੱਖ ਅਡਾਨੀ ਸਮੂਹ ਦੀ ਕੰਪਨੀ ਟੀਚਾ ਆਪਣੇ ਇਸ ਫਾਲੋ-ਆਨ ਜਨਤਕ ਪੇਸ਼ਕਸ਼ ਰਾਹੀਂ 20,000 ਕਰੋੜ ਰੁਪਏ ਜੁਟਾਉਣਾ ਹੈ। ਪੇਸ਼ਕਸ਼ ਦੇ ਸਬੰਧ 'ਚ, ਕੰਪਨੀ ਨੇ ਪਹਿਲਾਂ ਹੀ ਸਪੱਸ਼ਟ ਕੀਤਾ ਹੈ ਕਿ ਐੱਫ.ਪੀ.ਓ. ਦੀ ਸ਼ੁੱਧ ਆਮਦਨ ਦੀ ਵਰਤੋਂ ਅਡਾਨੀ ਐਂਟਰਪ੍ਰਾਈਜਿਜ਼ ਲਿਮਟਿਡ ਅਤੇ ਇਸ ਦੀਆਂ ਸਹਾਇਕ ਕੰਪਨੀਆਂ ਦੇ ਕਰਜ਼ੇ ਅਤੇ ਪੂੰਜੀ ਖਰਚਿਆਂ ਦੀ ਅਦਾਇਗੀ ਲਈ ਕੀਤੀ ਜਾਵੇਗੀ।
ਕੰਪਨੀ ਨੇ ਅਡਾਨੀ ਐਂਟਰਪ੍ਰਾਈਜ਼ਿਜ਼ ਦਾ ਐੱਫ.ਪੀ.ਓ ਪ੍ਰਾਈਸ ਬੈਂਡ ਨੂੰ 3,112 ਰੁਪਏ ਤੋਂ 3,276 ਰੁਪਏ ਪ੍ਰਤੀ ਇਕੁਇਟੀ ਸ਼ੇਅਰ ਤੈਅ ਕੀਤਾ ਹੈ, ਜਦੋਂ ਕਿ ਅਡਾਨੀ ਐਂਟਰਪ੍ਰਾਈਜ਼ਿਜ਼ ਦੇ ਸ਼ੇਅਰ ਦੀ ਕੀਮਤ ਅੱਜ 3,405 ਰੁਪਏ ਹੈ। ਇਸ ਲਈ ਐੱਫ.ਪੀ.ਓ. ਲਗਭਗ 5 ਫੀਸਦੀ ਦੀ ਛੂਟ ਵਾਲੀ ਕੀਮਤ 'ਤੇ ਉਪਲਬਧ ਹੈ। ਇਸ ਦੌਰਾਨ, ਅਡਾਨੀ ਐਂਟਰਪ੍ਰਾਈਜ਼ਿਜ਼ ਐੱਫ.ਪੀ.ਓ ਨੂੰ ਲੈ ਕੇ ਗ੍ਰੇਅ ਮਾਰਕੀਟ ਸੈਂਟੀਮੇਂਟ ਸਪਾਟ ਰਿਹਾ ਹੈ। ਮਾਰਕੀਟ ਵਿਸ਼ਲੇਸ਼ਕਾਂ ਦੇ ਅਨੁਸਾਰ, ਅਡਾਨੀ ਐਂਟਰਪ੍ਰਾਈਜ਼ ਐੱਫ.ਪੀ.ਓ ਗ੍ਰੇਅ ਮਾਰਕੀਟ ਪ੍ਰੀਮੀਅਮ (ਜੀ.ਐੱਮ.ਪੀ) ਅੱਜ 45 ਰੁਪਏ 'ਤੇ ਬੁੱਧਵਾਰ ਸਵੇਰੇ 100 ਰੁਪਏ ਪ੍ਰਤੀ ਇਕੁਇਟੀ ਸ਼ੇਅਰ ਦੇ ਜੀ.ਐੱਮ.ਪੀ ਤੋਂ 55 ਰੁਪਏ ਘੱਟ ਹੈ।
ਆਓ ਜਾਣਦੇ ਹਾਂ ਇਸ ਨਾਲ ਜੁੜੀਆਂ ਜ਼ਰੂਰੀ ਗੱਲਾਂ
ਅਡਾਨੀ ਐਂਟਰਪ੍ਰਾਈਜਿਜ਼ ਐੱਫ.ਪੀ.ਓ. ਕੀਮਤ: ਪ੍ਰਮੁੱਖ ਅਡਾਨੀ ਸਮੂਹ ਕੰਪਨੀ ਨੇ ਆਪਣੇ ਐੱਫ.ਪੀ.ਓ. ਦੀ ਕੀਮਤ 3,112 ਰੁਪਏ ਤੋਂ 3,276 ਰੁਪਏ ਪ੍ਰਤੀ ਇਕੁਇਟੀ ਸ਼ੇਅਰ ਰੱਖੀ ਹੈ।
ਅਡਾਨੀ ਐਂਟਰਪ੍ਰਾਈਜਿਜ਼ ਐੱਫ.ਪੀ.ਓ. ਮਿਤੀ: ਐੱਫ.ਪੀ.ਓ. ਅੱਜ ਖੁੱਲ ਗਿਆ ਹੈ ਅਤੇ 31 ਜਨਵਰੀ 2023 ਤੱਕ ਖੁੱਲ੍ਹਾ ਰਹੇਗਾ।
ਅਡਾਨੀ ਐਂਟਰਪ੍ਰਾਈਜ਼ਜ਼ ਐੱਫ.ਪੀ.ਓ ਦਾ ਆਕਾਰ: ਅਡਾਨੀ ਸਮੂਹ ਦੀ ਕੰਪਨੀ ਨੇ ਆਪਣੀ ਫਾਲੋ-ਆਨ ਪੇਸ਼ਕਸ਼ ਤੋਂ 20,000 ਕਰੋੜ ਰੁਪਏ ਇਕੱਠੇ ਕਰਨ ਦਾ ਟੀਚਾ ਰੱਖਿਆ ਹੈ।
ਅਡਾਨੀ ਐਂਟਰਪ੍ਰਾਈਜ਼ਜ਼ ਐੱਫ.ਪੀ.ਓ.ਅਲਾਟਮੈਂਟ ਦੀ ਮਿਤੀ: ਸ਼ੇਅਰਾਂ ਦੀ ਅਲਾਟਮੈਂਟ ਦੀ ਅਸਥਾਈ ਮਿਤੀ 3 ਫਰਵਰੀ 2023 ਹੈ।
ਅਡਾਨੀ ਐਂਟਰਪ੍ਰਾਈਜ਼ਜ਼ ਐੱਫ.ਪੀ.ਓ ਲਾਟ ਸਾਈਜ਼: ਇੱਕ ਬੋਲੀ ਲਗਾਉਣ ਵਾਲਾ ਲਾਟ 'ਚ ਅਪਲਾਈ ਕਰਨ ਦੇ ਯੋਗ ਹੋਵੇਗਾ ਅਤੇ ਇੱਕ ਲਾਟ 'ਚ ਅਡਾਨੀ ਐਂਟਰਪ੍ਰਾਈਜ਼ਿਜ਼ ਦੇ ਚਾਰ ਸ਼ੇਅਰ ਸ਼ਾਮਲ ਹੁੰਦੇ ਹਨ।