UPI rules change : 1 ਅਗਸਤ ਤੋਂ UPI ਨਿਯਮਾਂ ''ਚ ਹੋ ਰਿਹੈ ਵੱਡਾ ਬਦਲਾਅ, ਹੁਣ ਸਿਰਫ਼...

ਬਿਜ਼ਨੈੱਸ ਡੈਸਕ : 1 ਅਗਸਤ ਤੋਂ UPI ਨਿਯਮਾਂ 'ਚ ਕਈ ਵੱਡੇ ਬਦਲਾਅ ਹੋਣ ਜਾ ਰਹੇ ਹਨ, ਜੋ ਦੇਸ਼ ਦੇ ਡਿਜੀਟਲ ਭੁਗਤਾਨ ਪ੍ਰਣਾਲੀ ਦੀ ਮਜ਼ਬੂਤੀ ਅਤੇ ਸਥਿਰਤਾ ਲਈ ਜ਼ਰੂਰੀ ਵੀ ਹਨ। UPI 'ਤੇ ਵੱਧ ਰਹੇ ਲੈਣ-ਦੇਣ ਦੇ ਦਬਾਅ ਨੂੰ ਘਟਾਉਣ ਅਤੇ ਸਿਸਟਮ ਦੀ ਗਤੀ ਬਣਾਈ ਰੱਖਣ ਲਈ ਨਵੀਆਂ ਪਾਬੰਦੀਆਂ ਲਾਗੂ ਕੀਤੀਆਂ ਜਾ ਰਹੀਆਂ ਹਨ। ਖਾਸ ਤੌਰ 'ਤੇ ਬੈਂਕ ਬੈਲੇਂਸ ਚੈੱਕਿੰਗ, ਬੈਂਕ ਖਾਤੇ ਦੀ ਜਾਣਕਾਰੀ ਦੇਖਣ ਅਤੇ ਆਟੋਮੈਟਿਕ ਸਬਸਕ੍ਰਿਪਸ਼ਨ ਭੁਗਤਾਨਾਂ 'ਤੇ ਸੀਮਾਵਾਂ ਲਗਾਈਆਂ ਜਾਣਗੀਆਂ। ਆਓ ਜਾਣਦੇ ਹਾਂ ਇਨ੍ਹਾਂ ਬਦਲਾਵਾਂ ਦੇ ਪੂਰੇ ਵੇਰਵੇ ਅਤੇ ਉਨ੍ਹਾਂ ਦਾ ਤੁਹਾਡੇ ਡਿਜੀਟਲ ਲੈਣ-ਦੇਣ 'ਤੇ ਕੀ ਪ੍ਰਭਾਵ ਪਵੇਗਾ।

ਇਹ ਵੀ ਪੜ੍ਹੋ :     ਰਿਕਾਰਡ ਪੱਧਰ ਤੋਂ ਮੂਧੇ ਮੂੰਹ ਡਿੱਗਾ Gold, ਜਾਣੋ ਹੋਰ ਕਿੰਨੀ ਘਟੇਗੀ ਕੀਮਤ

UPI ਨਵੇਂ ਨਿਯਮ: ਬਦਲਾਅ ਕਿਉਂ ਜ਼ਰੂਰੀ ਹੈ?

UPI ਰਾਹੀਂ ਦੇਸ਼ ਵਿੱਚ ਕਈ ਵੱਡੇ ਅਤੇ ਜ਼ਿਆਦਾ ਸੰਖਿਆ ਵਿਚ ਲੈਣ-ਦੇਣ ਹੋਣ ਕਾਰਨ, ਸਿਸਟਮ 'ਤੇ ਭਾਰ ਕਾਫ਼ੀ ਵੱਧ ਗਿਆ ਹੈ। ਤਕਨੀਕੀ ਨਿਯਮਾਂ ਵਿੱਚ ਬਦਲਾਅ ਦਾ ਉਦੇਸ਼ ਬੇਲੋੜੀਆਂ ਅਤੇ ਵਾਰ-ਵਾਰ API ਬੇਨਤੀਆਂ ਨੂੰ ਕੰਟਰੋਲ ਕਰਨਾ ਹੈ ਤਾਂ ਜੋ UPI ਸਿਸਟਮ ਦੀ ਸਥਿਰਤਾ ਬਣੀ ਰਹੇ ਅਤੇ ਇਹ ਤੇਜ਼ੀ ਨਾਲ ਕੰਮ ਕਰਦਾ ਰਹੇ।

ਇਹ ਬਦਲਾਅ 1 ਅਗਸਤ ਤੋਂ ਲਾਗੂ ਹੋਣਗੇ:

ਇਹ ਵੀ ਪੜ੍ਹੋ :     Gold Loan ਲੈਣ ਸਮੇਂ ਨਹੀਂ ਹੋਵੇਗੀ ਕੋਈ ਪਰੇਸ਼ਾਨੀ, ਆਸਾਨ ਨਿਯਮਾਂ ਨਾਲ ਗਾਹਕਾਂ ਨੂੰ ਮਿਲਣਗੇ ਜ਼ਿਆਦਾ ਫ਼ਾਇਦੇ

1. ਬੈਂਕ ਬੈਲੇਂਸ ਚੈੱਕ ਕਰਨ ਦੀ ਸੀਮਾ

ਹੁਣ ਤੁਸੀਂ UPI ਐਪ ਰਾਹੀਂ ਦਿਨ ਵਿੱਚ ਸਿਰਫ਼ 50 ਵਾਰ ਹੀ ਆਪਣੇ ਬੈਂਕ ਖਾਤੇ ਦੇ ਬੈਲੇਂਸ ਦੀ ਜਾਂਚ ਕਰ ਸਕੋਗੇ। ਇਹ ਉਹਨਾਂ ਉਪਭੋਗਤਾਵਾਂ ਨੂੰ ਕੰਟਰੋਲ ਕਰੇਗਾ ਜੋ ਬਹੁਤ ਜ਼ਿਆਦਾ ਬੈਲੇਂਸ ਚੈੱਕ ਕਰਦੇ ਹਨ।

2. ਮੋਬਾਈਲ ਨੰਬਰ ਨਾਲ ਲਿੰਕ ਕੀਤੇ ਬੈਂਕ ਖਾਤਿਆਂ ਦੇ ਵੇਰਵੇ

ਜੇਕਰ ਤੁਹਾਡੇ ਮੋਬਾਈਲ ਨੰਬਰ ਨਾਲ ਕਈ ਬੈਂਕ ਖਾਤੇ ਲਿੰਕ ਕੀਤੇ ਹੋਏ ਹਨ, ਤਾਂ ਤੁਸੀਂ ਇਹਨਾਂ ਖਾਤਿਆਂ ਦੀ ਜਾਣਕਾਰੀ ਦਿਨ ਵਿੱਚ ਸਿਰਫ਼ 25 ਵਾਰ ਹੀ ਦੇਖ ਸਕੋਗੇ। ਇਸ ਨਾਲ ਸਿਸਟਮ 'ਤੇ ਵਾਧੂ ਡੇਟਾ ਅਤੇ ਬੇਲੋੜਾ ਲੋਡ ਘੱਟ ਜਾਵੇਗਾ।

3. ਭੁਗਤਾਨਾਂ ਵਿਚ ਸਮਾਂ ਸੀਮਾ

ਨੈੱਟਫਲਿਕਸ, ਐਮਾਜ਼ੋਨ ਪ੍ਰਾਈਮ, SIP ਵਰਗੀਆਂ ਸੇਵਾਵਾਂ ਲਈ ਆਟੋਮੈਟਿਕ ਭੁਗਤਾਨ ਹੁਣ ਸਿਰਫ਼ ਗੈਰ-ਪੀਕ ਘੰਟਿਆਂ ਦੌਰਾਨ ਹੀ ਕੀਤੇ ਜਾ ਸਕਦੇ ਹਨ। ਇਹ ਸਮਾਂ ਇਹ ਹੋਣਗੇ:

ਇਹ ਵੀ ਪੜ੍ਹੋ :     12,000 ਰੁਪਏ ਸਸਤਾ ਹੋਣ ਜਾ ਰਿਹੈ Gold, ਵੱਡੀ ਗਿਰਾਵਟ ਦੀ ਚਿਤਾਵਨੀ! ਮਾਹਿਰਾਂ ਨੇ ਦੱਸਿਆ ਕਾਰਨ

ਸਵੇਰੇ 10 ਵਜੇ ਤੋਂ ਪਹਿਲਾਂ

ਦੁਪਹਿਰ 1 ਵਜੇ ਤੋਂ ਸ਼ਾਮ 5 ਵਜੇ ਤੱਕ

ਰਾਤ 9:30 ਵਜੇ ਤੋਂ ਬਾਅਦ

ਇਸ ਨਾਲ ਲੈਣ-ਦੇਣ ਦੀ ਭੀੜ ਨੂੰ ਸੰਗਠਿਤ ਕਰਨਾ ਆਸਾਨ ਹੋ ਜਾਵੇਗਾ ਅਤੇ ਸਿਸਟਮ 'ਤੇ ਦਬਾਅ ਘੱਟ ਜਾਵੇਗਾ।

ਇਹ ਵੀ ਪੜ੍ਹੋ :     ਸਰਕਾਰੀ ਬੈਂਕ 'ਚੋਂ 52 ਕਰੋੜ ਦਾ ਸੋਨਾ ਗਾਇਬ, ਚੋਰੀ ਵਾਲੀ ਥਾਂ 'ਤੇ ਮਿਲੀ ਕਾਲੀ...

ਭਾਰਤ ਵਿੱਚ UPI ਦੀ ਮਹੱਤਤਾ

UPI ਨੇ ਲੋਕਾਂ ਲਈ ਡਿਜੀਟਲ ਭੁਗਤਾਨ ਸਹੂਲਤ ਦਿੱਤੀ ਹੈ। ਹੁਣ ਸਿਰਫ਼ ਮੋਬਾਈਲ ਨੰਬਰ ਜਾਂ QR ਕੋਡ ਦੁਆਰਾ ਬੈਂਕ ਵੇਰਵਿਆਂ ਤੋਂ ਬਿਨਾਂ ਲੈਣ-ਦੇਣ ਕਰਨਾ ਆਮ ਹੋ ਗਿਆ ਹੈ। ਲੱਖਾਂ ਛੋਟੇ ਵਪਾਰੀ, ਰਿਕਸ਼ਾ ਚਾਲਕ ਅਤੇ ਖਪਤਕਾਰ ਇਸ ਨਾਲ ਜੁੜੇ ਹੋਏ ਹਨ, ਜੋ ਦੇਸ਼ ਦੀ ਆਰਥਿਕਤਾ ਨੂੰ ਮਜ਼ਬੂਤ ​​ਕਰਨ ਵਿੱਚ ਮਦਦ ਕਰ ਰਿਹਾ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ UPI ਸਿਸਟਮ ਦੀ ਲਗਾਤਾਰ ਵੱਧ ਰਹੀ ਵਰਤੋਂ ਦੇ ਮੱਦੇਨਜ਼ਰ, ਇਹ ਕਦਮ ਜ਼ਰੂਰੀ ਸੀ ਤਾਂ ਜੋ ਪਲੇਟਫਾਰਮ ਸੁਚਾਰੂ ਢੰਗ ਨਾਲ ਕੰਮ ਕਰਦਾ ਰਹੇ। ਨਵੇਂ ਨਿਯਮ ਤਕਨੀਕੀ ਸੁਧਾਰ ਲਿਆਉਣਗੇ, ਪਰ ਉਪਭੋਗਤਾ ਅਨੁਭਵ 'ਤੇ ਵੀ ਵਿਸ਼ੇਸ਼ ਧਿਆਨ ਦਿੱਤਾ ਗਿਆ ਹੈ ਤਾਂ ਜੋ ਆਮ ਲੋਕਾਂ ਨੂੰ ਕਿਸੇ ਵੀ ਅਸੁਵਿਧਾ ਦਾ ਸਾਹਮਣਾ ਨਾ ਕਰਨਾ ਪਵੇ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8