42% ਕਰਿਆਨੇ ਦੀਆਂ ਦੁਕਾਨਾਂ ਨੇ Paytm ਤੋਂ ਬਣਾਈ ਦੂਰੀ, ਹੋਰ Payment Apps ਦੀ ਕਰ ਰਹੇ ਨੇ ਵਰਤੋਂ
Friday, Feb 09, 2024 - 01:08 PM (IST)
ਬਿਜ਼ਨੈੱਸ ਡੈਸਕ : ਭਾਰਤੀ ਰਿਜ਼ਰਵ ਬੈਂਕ ਵਲੋਂ Paytm ਪੇਮੈਂਟਸ ਬੈਂਕ 'ਤੇ ਪਾਬੰਦੀ ਦੇ ਐਲਾਨ ਤੋਂ ਬਾਅਦ Paytm ਨੂੰ ਹਰ ਰੋਜ਼ ਨਵੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਕ ਪਾਸੇ Paytm ਦੀ ਪੇਰੈਂਟ ਕੰਪਨੀ ਵਨ97 ਕਮਿਊਨੀਕੇਸ਼ਨ ਦੇ ਸ਼ੇਅਰ ਡਿੱਗੇ ਹਨ, ਉਥੇ ਦੂਜੇ ਪਾਸੇ ਦੁਕਾਨਦਾਰ ਹੁਣ Paytm ਐਪ ਤੋਂ ਦੂਰ ਰਹਿਣ ਲੱਗੇ ਹਨ। ਦੇਸ਼ ਭਰ ਦੇ ਕਰਿਆਨਾ ਦੁਕਾਨਦਾਰ ਇਕ ਆਵਾਜ਼ ਵਿਚ ਗਾਹਕਾਂ ਨੂੰ ਕਹਿ ਰਹੇ ਹਨ ਕਿ ਉਹ Paytm ਦੀ ਵਰਤੋਂ ਨਾ ਕਰਨ! ਕਿਰਾਨਾ ਕਲੱਬ ਦੇ ਇਕ ਸਰਵੇਖਣ ਮੁਤਾਬਕ ਪਿਛਲੇ ਹਫ਼ਤੇ Paytm ਪੇਮੈਂਟਸ ਬੈਂਕ ਦੇ ਖ਼ਿਲਾਫ਼ ਆਰਬੀਆਈ ਦੀਆਂ ਪਾਬੰਦੀਆਂ ਤੋਂ ਬਾਅਦ ਭਾਰਤ ਵਿਚ 42 ਫ਼ੀਸਦੀ ਕਿਰਾਨਾ ਸਟੋਰਸ Paytm ਤੋਂ ਦੂਰ ਹੋ ਗਏ ਹਨ ਅਤੇ ਹੋਰ ਪੇਮੈਂਟ ਐਪ ਵਿਚ ਬਦਲ ਗਏ ਹਨ।
ਇਹ ਵੀ ਪੜ੍ਹੋ - Amazon ਤੇ Flipkart ਨੂੰ ਟੱਕਰ ਦੇਣ ਦੀ ਤਿਆਰੀ 'ਚ ਸਰਕਾਰ, ਹੁਣ ਵੇਚੇਗੀ ਅਗਰਬਤੀ ਤੇ ਟੁੱਥਬਰੱਸ਼
ਇਕ ਸਰਵੇਖਣ ਵਿਚ 5000 ਕਰਿਆਨਾ ਦੁਕਾਨਦਾਰਾਂ ਨੂੰ ਸ਼ਾਮਲ ਕੀਤਾ ਗਿਆ ਸੀ। ਕਿਰਾਨਾ ਕਲੱਬ ਦੇ ਸੰਸਥਾਪਕ ਅਤੇ ਸੀਈਓ ਅੰਸ਼ੁਲ ਗੁਪਤਾ ਨੇ ਕਿਹਾ ਕਿ ਭਾਰਤੀ ਰਿਜ਼ਰਵ ਬੈਂਕ ਦੁਆਰਾ ਲਗਾਈਆਂ ਗਈਆਂ ਪਾਬੰਦੀਆਂ ਕਾਰਨ ਕਰਿਆਨਾ ਦੁਕਾਨਦਾਰਾਂ ਨੂੰ ਕੁਝ ਮੁਸ਼ਕਲਾਂ ਹੋ ਸਕਦੀਆਂ ਹਨ। ਪਰ ਦੁਕਾਨਦਾਰ ਜ਼ਿਆਦਾ ਚਿੰਤਾ ਵਿਚ ਨਹੀਂ ਹਨ, ਕਿਉਂਕਿ ਭੁਗਤਾਨ ਵਿਚ ਕਈ ਵਿਕਲਪ ਉਪਲਬਧ ਹਨ। ਸਰਵੇਖਣ ਮੁਤਾਬਕ ਕਰੀਬ 20 ਫ਼ੀਸਦੀ ਨੇ ਕਿਹਾ ਕਿ ਉਹ ਹੋਰ ਪੇਮੈਂਟ ਐਪਸ ਦੀ ਵਰਤੋਂ ਕਰਨਾ ਚਾਹੁੰਦੇ ਹਨ। ਕਿਰਾਨਾ ਕਲੱਬ ਦੇ ਸਰਵੇਖਣ ਤੋਂ ਪਤਾ ਲੱਗਾ ਹੈ ਕਿ ਆਰਬੀਆਈ ਦੀ ਕਾਰਵਾਈ ਤੋਂ ਬਾਅਦ 68 ਫ਼ੀਸਦੀ ਭਾਰਤੀ ਕਰਿਆਨਾ ਸਟੋਰਾਂ ਦਾ ਪੇਟੀਐੱਮ ਤੋਂ ਭਰੋਸਾ ਘੱਟ ਹੋ ਗਿਆ ਹੈ।
ਇਹ ਵੀ ਪੜ੍ਹੋ - ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ ਨੂੰ ਲੈ ਕੇ ਨਹੀਂ ਮਿਲੇਗੀ ਅਜੇ ਰਾਹਤ, ਕਰਨਾ ਪੈ ਸਕਦੈ ਲੰਬਾ ਇੰਤਜ਼ਾਰ
PhonePe ਨੂੰ ਹੋਇਆ ਸਭ ਤੋਂ ਵੱਧ ਫ਼ਾਇਦਾ
ਕਿਰਨਾ ਕਲੱਬ ਦੇ ਸਰਵੇਖਣ ਤੋਂ ਪਤਾ ਚੱਲਦਾ ਹੈ ਕਿ ਜਿਹੜੇ ਪ੍ਰਚੂਨ ਵਿਕਰੇਤਾ ਭੁਗਤਾਨ ਲਈ ਹੋਰ ਐਪਸ ਦੀ ਵਰਤੋਂ ਕਰ ਰਹੇ ਹਨ ਜਾਂ ਉਨ੍ਹਾਂ ਦੀ ਵਰਤੋਂ ਕਰਨ ਬਾਰੇ ਸੋਚ ਰਹੇ ਹਨ, ਉਨ੍ਹਾਂ ਵਿੱਚੋਂ 50 ਫ਼ੀਸਦੀ ਵਿਕਰੇਤਾਵਾਂ ਨੇ PhonePe ਵਿੱਚ ਸਵਿਚ ਕੀਤਾ ਹੈ। ਇਸ ਤੋਂ ਇਲਾਵਾ 30 ਫ਼ੀਸਦੀ ਵਿਕਰੇਤਾਵਾਂ ਨੇ Google Pay (Google Pay) ਅਤੇ 10 ਫ਼ੀਸਦੀ ਨੇ BharatPe ਨੂੰ ਅਪਣਾਇਆ ਹੈ।
ਇਹ ਵੀ ਪੜ੍ਹੋ - ਇੱਕ ਪੈਨ ਕਾਰਡ ਨਾਲ ਜੋੜੇ 1000 ਤੋਂ ਵੱਧ ਖਾਤੇ, ਇੰਝ RBI ਦੇ ਰਾਡਾਰ 'ਤੇ ਆਇਆ Paytm ਪੇਮੈਂਟਸ ਬੈਂਕ
31 ਜਨਵਰੀ ਨੂੰ ਲਗਾਈ ਸੀ ਰੋਕ
ਰਿਜ਼ਰਵ ਬੈਂਕ ਨੇ 31 ਜਨਵਰੀ ਨੂੰ ਪੇਟੀਐੱਮ ਪੇਮੈਂਟਸ ਬੈਂਕ (ਪੀਪੀਬੀਐੱਲ) ਨੂੰ ਆਪਣੇ ਖਾਤਿਆਂ ਅਤੇ ਡਿਜੀਟਲ ਵਾਲਿਟ ਵਿੱਚ 1 ਮਾਰਚ ਤੋਂ ਨਵੀਂ ਜਮ੍ਹਾਂ ਰਕਮਾਂ ਨੂੰ ਸਵੀਕਾਰ ਕਰਨ ਤੋਂ ਰੋਕ ਦਿੱਤਾ ਸੀ। RBI ਨੇ ਆਪਣੇ ਨੋਟਿਸ 'ਚ ਕਿਹਾ ਸੀ ਕਿ Paytm ਪੇਮੈਂਟਸ ਬੈਂਕ ਦੇ ਖ਼ਿਲਾਫ਼ ਇਹ ਕਾਰਵਾਈ Know Your Customer (KYC) ਨਿਯਮਾਂ ਦੀ ਵਿਆਪਕ ਉਲੰਘਣਾ ਕਾਰਨ ਮਨੀ ਲਾਂਡਰਿੰਗ ਦੀ ਚਿੰਤਾ ਦੇ ਮੱਦੇਨਜ਼ਰ ਕੀਤੀ ਗਈ ਹੈ। RBI ਨੇ ਕਿਹਾ ਸੀ ਕਿ PPBL ਦੇ ਖ਼ਿਲਾਫ਼ ਕਾਰਵਾਈ ਇੱਕ ਵਿਆਪਕ ਸਿਸਟਮ ਆਡਿਟ ਰਿਪੋਰਟ ਅਤੇ ਬਾਹਰੀ ਆਡੀਟਰਾਂ ਦੁਆਰਾ ਰਿਪੋਰਟ ਦੀ ਤਸਦੀਕ ਤੋਂ ਬਾਅਦ ਕੀਤੀ ਗਈ ਸੀ।
ਇਹ ਵੀ ਪੜ੍ਹੋ - ਤੇਲ ਮਾਰਕੀਟਿੰਗ ਕੰਪਨੀਆਂ ਨੇ ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ ਨੂੰ ਕੀਤਾ ਅਪਡੇਟ, ਜਾਣੋ ਕਿਥੇ ਹੋਇਆ ਸਸਤਾ ਤੇ ਮਹਿੰਗਾ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
