Siti ​​network ਨੂੰ ਖ਼ਰੀਦਣ ਲਈ ਰਿਲਾਇੰਸ ਜਿਓ ਸਮੇਤ 14 ਕੰਪਨੀਆਂ ਵਿਚਾਲੇ ਮੁਕਾਬਲਾ

ਮੁੰਬਈ - ਰਿਲਾਇੰਸ ਜੀਓ ਦੀ ਹੈਥਵੇਅ ਡਿਜੀਟਲ ਅਤੇ ਹਿੰਦੂਜਾ ਗਰੁੱਪ ਦੀ ਇੰਡਸਇੰਡ ਮੀਡੀਆ ਐਂਡ ਕਮਿਊਨੀਕੇਸ਼ਨ ਸਮੇਤ 14 ਕੰਪਨੀਆਂ Essel Group ਦੀ  ਸਿਟੀ ਨੈੱਟਵਰਕ ਲਿਮਟਿਡ ਨੂੰ ਖਰੀਦਣ ਲਈ ਅੱਗੇ ਆਈਆਂ ਹਨ।

ਪੋਟੈਂਸ਼ੀਅਲ ਰੈਜ਼ੋਲਿਊਸ਼ਨ ਪ੍ਰਪੋਜ਼ਲ (ਪੀਆਰਏ) ਦੇਣ ਵਾਲੀਆਂ ਇਹ ਕੰਪਨੀਆਂ 17 ਜਨਵਰੀ ਤੱਕ ਆਪਣੇ ਪ੍ਰਸਤਾਵ ਪੇਸ਼ ਕਰ ਸਕਦੀਆਂ ਹਨ। ਹੈਥਵੇਅ ਅਤੇ ਇੰਡਸਇੰਡ ਨੇ ਇਸ ਮਾਮਲੇ 'ਤੇ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ।

ਇਹ ਵੀ ਪੜ੍ਹੋ :     DGCA ਨੇ ਜਾਰੀ ਕੀਤੇ ਨਵੇਂ ਨਿਯਮ, ਫਲਾਈਟ ਕਰੂ ਨੂੰ ਮਿਲੇਗਾ ਜ਼ਿਆਦਾ ਆਰਾਮ, ਵਧੇਗੀ ਜਹਾਜ਼ਾਂ ਦੀ ਸੁਰੱਖਿਆ

ਸਿਟੀ ਨੈੱਟਵਰਕਸ ਲਿਮਟਿਡ ਇੱਕ ਮਲਟੀ-ਸਿਸਟਮ ਆਪਰੇਟਰ ਅਤੇ 33,000 ਕਿਲੋਮੀਟਰ ਤੋਂ ਵੱਧ ਆਪਟੀਕਲ ਫਾਈਬਰ ਅਤੇ ਕੋਐਕਸ਼ੀਅਲ ਕੇਬਲ ਨੈੱਟਵਰਕ ਦੇ ਨਾਲ ਵਾਇਰਡ ਬ੍ਰੌਡਬੈਂਡ ਪ੍ਰਦਾਤਾ ਹੈ। ਇਹ ਦੇਸ਼ ਵਿੱਚ 580 ਸਥਾਨਾਂ ਵਿੱਚ 1.15 ਕਰੋੜ ਤੋਂ ਵੱਧ ਦਰਸ਼ਕਾਂ ਨੂੰ ਕੇਬਲ ਸੇਵਾਵਾਂ ਪ੍ਰਦਾਨ ਕਰਦਾ ਹੈ। ਇੱਕ ਸੀਨੀਅਰ ਸਲਾਹਕਾਰ ਨੇ ਕਿਹਾ, 'ਪੂਰਬੀ ਖੇਤਰ ਵਿੱਚ ਕੰਪਨੀ ਦੀ ਸਾਖ਼ ਨੂੰ ਦੇਖਦੇ ਹੋਏ, ਸਿਟੀ ਨੈੱਟਵਰਕ ਦੀ ਪ੍ਰਾਪਤੀ ਕੰਪਨੀਆਂ ਦੇ ਵਿਸਥਾਰ ਨੂੰ ਮਹੱਤਵਪੂਰਨ ਹੁਲਾਰਾ ਦੇਵੇਗੀ। ਕੰਪਨੀ ਦਾ ਫਾਈਬਰ ਆਪਟਿਕ ਕਾਰੋਬਾਰ ਵੀ ਬਹੁਤ ਵਧੀਆ ਹੈ।

30 ਨਵੰਬਰ, 2022 ਨੂੰ, ਸਿਟੀ ਨੈੱਟਵਰਕ ਨੇ ਇੱਕ ਬਿਆਨ ਜਾਰੀ ਕਰਕੇ ਕਿਹਾ ਸੀ ਕਿ ਉਸ 'ਤੇ ਸੱਤ ਰਿਣਦਾਤਿਆਂ ਦਾ 1,173 ਕਰੋੜ ਰੁਪਏ ਬਕਾਇਆ ਹੈ। ਇਨ੍ਹਾਂ ਵਿੱਚ ਐਚਡੀਐਫਸੀ ਦੇ 279 ਕਰੋੜ ਰੁਪਏ, ਐਕਸਿਸ ਬੈਂਕ ਦੇ 269 ਕਰੋੜ ਰੁਪਏ, ਇੰਡਸਇੰਡ ਬੈਂਕ ਦੇ 156 ਕਰੋੜ ਰੁਪਏ ਅਤੇ ਆਈਡੀਬੀਆਈ ਬੈਂਕ ਦੇ 147 ਕਰੋੜ ਰੁਪਏ ਸ਼ਾਮਲ ਹਨ। ਇਨ੍ਹਾਂ ਬੈਂਕਾਂ ਨੇ ਕੰਪਨੀ ਨੂੰ 9 ਤੋਂ 13 ਫੀਸਦੀ ਵਿਆਜ ਦਰਾਂ 'ਤੇ ਮਿਆਦੀ ਕਰਜ਼ੇ ਦਿੱਤੇ ਸਨ।

ਇਹ ਵੀ ਪੜ੍ਹੋ :     ਰਾਮ ਦੇ ਨਾਮ ਦਾ ਚੜ੍ਹਿਆ ਰੰਗ ਤੇ ਵਧਿਆ ਕੰਮ, ਲੱਖ ਰੁਪਏ ਤੱਕ ਪਹੁੰਚੀ ਸਾੜ੍ਹੀ ਦੀ ਕੀਮਤ

ਸਿਟੀ ਨੈੱਟਵਰਕ ਲਿਮਟਿਡ ਨੇ ਸਟਾਕ ਐਕਸਚੇਂਜ ਨੂੰ ਸੂਚਿਤ ਕੀਤਾ ਸੀ ਕਿ ਇਸ ਦੇ ਕਰਜ਼ਦਾਰਾਂ ਦੀ ਕਮੇਟੀ ਦੀ ਚੌਥੀ ਮੀਟਿੰਗ ਪਿਛਲੇ ਸਾਲ 15 ਦਸੰਬਰ ਨੂੰ ਹੋਈ ਸੀ।

ਇਸ ਮੀਟਿੰਗ ਵਿੱਚ ਹੱਲ ਪ੍ਰਸਤਾਵ ਪੇਸ਼ ਕੀਤਾ ਗਿਆ। ਕੰਪਨੀ ਨੇ ਕਿਹਾ ਕਿ ਇਸ ਪ੍ਰਸਤਾਵ ਦੇ ਨਾਲ-ਨਾਲ ਸੀਆਈਆਰਪੀ ਨਾਲ ਸਬੰਧਤ ਮੁੱਦਿਆਂ 'ਤੇ ਸੀਓਸੀ ਮੈਂਬਰਾਂ ਨਾਲ ਮੀਟਿੰਗ ਵਿੱਚ ਚਰਚਾ ਕੀਤੀ ਗਈ।

ਇਹ ਵੀ ਪੜ੍ਹੋ :     ਪ੍ਰਾਣ ਪ੍ਰਤਿਸ਼ਠਾ ਤੋਂ ਪਹਿਲਾਂ ਰਾਮਨਗਰੀ ਦੀ ਪ੍ਰਕਰਮਾ ਨਹੀਂ ਕਰਨਗੇ 'ਰਾਮਲਲਾ', ਜਾਣੋ ਕਿਉਂ ਰੱਦ ਹੋਇਆ ਪ੍ਰੋਗਰਾਮ

Citi ਨੈੱਟਵਰਕ ਵਿੱਤੀ ਸਾਲ 2022-23 ਦੀ ਪਹਿਲੀ ਛਿਮਾਹੀ ਤੋਂ ਘਾਟਾ ਸਹਿ ਰਿਹਾ ਹੈ ਅਤੇ 30 ਸਤੰਬਰ ਤੱਕ, ਕੰਪਨੀ ਦੀ ਕਾਰਜਸ਼ੀਲ ਪੂੰਜੀ ਅਤੇ ਨਕਾਰਾਤਮਕ ਨੈੱਟਵਰਥ ਸੀ। H1FY23 ਦੌਰਾਨ, ਕੰਪਨੀ ਨੂੰ 683.9 ਕਰੋੜ ਰੁਪਏ ਦੇ ਮਾਲੀਏ 'ਤੇ 145.4 ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ। ਇਸ ਤੋਂ ਪਹਿਲਾਂ ਵਿੱਤੀ ਸਾਲ 2022 ਵਿੱਚ, ਕੰਪਨੀ ਨੂੰ ਕੁੱਲ 1460.8 ਕਰੋੜ ਰੁਪਏ ਦੀ ਕਮਾਈ 'ਤੇ 260.9 ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਸੀ।

ਇਨਸੋਲਵੈਂਸੀ ਰੈਜ਼ੋਲਿਊਸ਼ਨ ਪ੍ਰੋਫੈਸ਼ਨਲ (IRP) ਰੋਹਿਤ ਮਹਿਰਾ ਨੇ 16 ਅਗਸਤ, 2023 ਨੂੰ ਕੰਪਨੀ ਦਾ ਕੰਟਰੋਲ ਲੈ ਲਿਆ। ਸਿਟੀ ਨੈੱਟਵਰਕ ਨੇ ਸਟਾਕ ਐਕਸਚੇਂਜ ਨੂੰ ਦਿੱਤੀ ਜਾਣਕਾਰੀ 'ਚ ਕਿਹਾ, 'ਇਸ ਸਮੇਂ ਕੰਪਨੀ ਦੇ ਬੋਰਡ ਆਫ ਡਾਇਰੈਕਟਰਜ਼ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ ਅਤੇ ਨਿਯਮਾਂ ਮੁਤਾਬਕ ਆਈਆਰਪੀ ਰੋਹਿਤ ਮਹਿਰਾ ਇਸ ਕੰਮ ਨੂੰ ਸੰਭਾਲ ਰਹੇ ਹਨ।'

ਇਹ ਵੀ ਪੜ੍ਹੋ :     ਰਾਮ ਮੰਦਰ 'ਚ ਐਂਟਰੀ ਲਈ ਲਾਜ਼ਮੀ ਹੈ ਇਨ੍ਹਾਂ ਨਿਯਮਾਂ ਦੀ ਪਾਲਣਾ, ਇਹ ਚੀਜ਼ਾਂ ਲਿਜਾਉਣ 'ਤੇ ਰਹੇਗੀ ਰੋਕ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8