ਸਕੂਲਾਂ ਦੇ ਸਲਾਨਾ ਨਿਰੀਖਣ ਸਬੰਧੀ ਅਧਿਆਪਕਾਂ ਨੂੰ ਕੀਤਾ ਪੱਤਰ ਜਾਰੀ

ਮਾਨਸਾ (ਅਮਰਜੀਤ)—ਮਾਨਸਾ ਜ਼ਿਲੇ 'ਚ 26 ਅਕਤੂਬਰ ਨੂੰ ਪੰਜਾਬ ਦੇ ਸਿੱਖਿਆ ਸੈਕਟਰੀ ਕ੍ਰਿਸ਼ਨ ਕੁਮਾਰ ਸਕੂਲ ਦਾ ਨਿਰੀਖਣ ਕਰਨਗੇ। ਇਸ ਬਾਰੇ 'ਚ ਜ਼ਿਲਾ ਸਿੱਖਿਆ ਅਧਿਕਾਰੀ ਨੇ ਸਾਰੇ ਸਕੂਲ ਦੇ ਮੁੱਖ ਅਧਿਆਪਕਾਂ ਨੂੰ ਇਕ ਪੱਤਰ ਜਾਰੀ ਕੀਤਾ ਹੈ, ਜਿਸ 'ਚ ਨਿਰਦੇਸ਼ ਦਿੱਤਾ ਗਿਆ ਸੀ ਕਿ ਸਕੂਲਾਂ 'ਚ ਜੋ ਵੀ ਕਮੀਆਂ ਹਨ, ਉਨ੍ਹਾਂ ਨੂੰ ਪੂਰਾ ਕੀਤਾ ਜਾਵੇ ਅਤੇ ਸਕੂਲਾਂ 'ਚ ਸਫਾਈ ਦਾ ਪ੍ਰਬੰਧ ਅਤੇ ਉਸ ਦਿਨ ਬੱਚਿਆਂ ਨੂੰ ਵਰਦੀ 'ਚ ਆਉਣਾ ਜ਼ਰੂਰੀ ਹੋਵੇਗਾ। ਇਸ ਪੱਤਰ ਦੇ ਬਾਅਦ ਬੱਚਿਆਂ ਦੇ ਮਾਪਿਆਂ ਨੇ ਦੋਸ਼ ਲਗਾਇਆ ਕਿ ਜੇਕਰ ਇਸ ਤਰ੍ਹਾਂ ਨਿਰੀਖਣ ਪਹਿਲਾਂ ਤੋਂ ਹੀ ਸਮਾਂ ਤੈਅ ਕਰਕੇ ਹੋਣਗੇ ਤਾਂ ਇਸ 'ਚ ਸਕੂਲਾਂ ਦਾ ਸੁਧਾਰ ਨਹੀਂ ਹੋਵੇਗਾ। ਇਸ ਤਰ੍ਹਾਂ ਤਾਂ ਸਕੂਲ ਪ੍ਰਬੰਧਕ ਆਪਣੀਆਂ ਨਾਕਾਮੀਆਂ ਲੁਕਾਉਣ ਦੀ ਕੋਸ਼ਿਸ਼ ਕਰੇਗਾ। 1 ਦਿਨ ਦੇ ਲਈ ਕੀਤੇ ਗਏ ਪ੍ਰਬੰਧ ਪੂਰਾ ਸਾਲ ਸਕੂਲ ਪ੍ਰਸ਼ਾਸਨ ਆਪਣੀ ਮਨਮਰਜੀ ਕਰੇਗਾ।

ਇਸ ਲਈ ਜ਼ਿਲਾ ਸਿੱਖਿਆ ਅਧਿਕਾਰੀ ਨੇ ਸਕੂਲ ਪ੍ਰਬੰਧਕਾਂ ਨੂੰ ਨਿਰੀਖਣ ਦੇ ਬਾਰੇ 'ਚ ਗੱਲ ਕਕੇ ਹਲਕੀ ਸ਼ੋਹਰਤ ਹਾਸਲ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਦੂਜੇ ਪਾਸੇ ਜ਼ਿਲਾ ਸਿੱਖਿਆ ਅਧਿਕਾਰੀ ਮੁਕੇਸ਼ ਚੰਦ ਅੰਬਾਨੀ ਨੇ ਦੱਸਿਆ ਕਿ ਚੈਕਿੰਗ 2 ਤਰ੍ਹਾਂ ਦੀ ਹੁੰਦੀ ਹੈ, ਇਕ ਅਚਾਨਕ ਅਤੇ ਦੂਜੀ ਦੱਸ ਕੇ। 26 ਅਕਤੂਬਰ ਨੂੰ ਜੋ ਚੈਕਿੰਗ ਸਿੱਖਿਆ ਸੈਕਟਰੀ ਕ੍ਰਿਸ਼ਨ ਕੁਮਾਰ ਕਰ ਰਹੇ ਹਨ, ਇਸ ਦੇ ਬਾਰੇ 'ਚ ਪਹਿਲਾਂ ਹੀ ਦੱਸ ਦਿੱਤਾ ਗਿਆ ਸੀ। ਇਸ ਲਈ ਉਹ ਸਕੂਲਾਂ ਨੂੰ ਇਹ ਆਦੇਸ਼ ਦੇ ਰਹੇ ਹਨ ਕਿ ਆਪਣਾ ਰਿਕਾਰਡ ਪੂਰਾ ਰੱਖਣ।