ਹੁੰਡਈ ਦੀ ਨੈਕਸਟ-ਜਨਰੇਸ਼ਨ ਵਰਨਾ ਅਗਸਤ 2017 ''ਚ ਹੋਵੇਗੀ ਲਾਂਚ, ਜਾਣੋ ਖੂਬੀਆਂ
06/16/2017 6:28:45 PM
ਜਲੰਧਰ- ਕੋਰੀਆਈ ਕਾਰ ਨਿਰਮਾਤਾ ਹੁੰਡਈ ਮੋਟਰ ਕੰਪਨੀ ਨੇ ਪਿਛਲੇ ਸਾਲ ਚੀਨ 'ਚ ਵਰਨਾ ਨੂੰ ਲਾਂਚ ਕਰ ਚੁੱਕੀ ਹੈ ਅਤੇ ਹੁਣ ਅਗਸਤ 2017 ਆਪਣੀ ਮਸ਼ਹੂਰ ਕਾਰ ਵਰਨਾ ਦੇ ਨੈਕਸਟ- ਜਨਰੇਸ਼ਨ ਮਾਡਲ ਨੂੰ ਭਾਰਤ 'ਚ ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਪਿਛਲੇ ਕਈ ਦਿਨਾਂ ਤੋਂ ਲੋਕ ਇਸ ਦੇ ਲਾਂਚ ਹੋਣ ਦਾ ਅਨੁਮਾਨ ਲਗਾ ਰਹੇ ਸਨ ਪਰ ਹੁਣ ਜਾ ਕੇ ਕੰਪਨੀ ਨੇ ਸਪਸ਼ਟ ਕਰ ਦਿੱਤਾ ਹੈ ਕਿ ਹੁੰਡਈ ਵਰਨਾ 2017 ਅਗਸਤ 'ਚ ਹੀ ਰਿਲੀਜ਼ ਹੋਵੇਗੀ।
ਵਰਨਾ 'ਚ ਦੋ ਪੈਟਰੋਲ ਅਤੇ ਡੀਜ਼ਲ ਇੰਜਣ ਆਪਸ਼ਨਸ ਦਿੱਤੇ ਜਾਣਗੇ। ਕਾਰ ਦਾ ਪੈਟਰੋਲ ਵਰਜਣ ਕਰੀਬ ਕਰੀਬ 1.4-ਲਿਟਰ ਅਤੇ 1.6 ਲਿਟਰ ਇੰਜਣ ਦੁਆਰਾ 106bhp ਅਤੇ 121bhp ਦਾ ਉਉਤਪਾਦਨ ਕਰਦਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਨ੍ਹਾਂ ਦੋਨਾਂ ਇੰਜਣ ਨੂੰ ਰਿਟਿਊਨ ਕੀਤਾ ਜਾ ਸਕਦਾ ਹੈ। ਇਸ ਦਾ ਮੁਕਾਬਲਾ ਫਾਕਸਵੈਗਨ ਦੀ ਵੈਂਟੋ ਨਾਲ ਹੋਵੇਗਾ।
ਇੰਟੀਰਿਅਰ ਨਵੇਂ ਮਟੀਰਿਅਲ ਨਾਲ ਬਣਿਆ ਡੈਸ਼ਬੋਰਡ ਹੈ ਜੋ ਕਾਫ਼ੀ ਸ਼ਾਨਦਾਰ ਲੱਗ ਰਿਹਾ ਹੈ ਅਤੇ ਇਸ ਦੇ ਟਾਪ ਮਾਡਲ 'ਚ 7.0 ਇੰਚ ਦੀ ਟੱਚ-ਸਕਰੀਨ ਇੰਫੋਮੇਂਟ ਸਿਸਟਮ ਹੋਵੇਗਾ ਜੋ ਸਮਾਰਟਫੋਨ ਇੰਟੀਗਰੇਸ਼ਨ ਦੇ ਨਾਲ ਮੌਜੂਦ ਹੋਵੇਗਾ। ਸੁਰੱਖਿਆ ਦੇ ਹਿਸਾਬ ਨਾਲ ਇਸ 'ਚ ਡਿਊਲ ਏਅਰਬੈਗ ਦੇ ਨਾਲ ABS ਹੋਵੇਗਾ ਜੋ ਰੇਂਜ ਦੇ ਹਿਸਾਬ ਨਾਲ ਆਵੇਗਾ।
2017 ਹੁੰਡਈ ਵਰਨਾ ਪਹਿਲਾਂ ਨਾਲੋਂ ਜ਼ਿਆਦਾ ਸਪੋਰਟੀ ਹੋਵੇਗੀ। ਇਸ ਅਪਗ੍ਰੇਟਡ ਸੇਡਾਨ ਨੂੰ ਇਕ ਕ੍ਰੋਮ ਲੀਕ ਵਾਲਾ ਕੈਸਕੇਡਿੰਗ ਗਰਿਲ, ਸਵੇਪਟ-ਬੈਕ ਪ੍ਰੋਜੈਕਟਰ ਹੈੱਡਲੈਂਪ, ਦਿਨ ਦੇ ਚੱਲਦੇ ਐੱਲ. ਈ. ਡੀ ਲਾਈਟ ਅਤੇ ਇਕ ਨਵਾਂ ਫ੍ਰੰਟ ਬੰਪਰ, ਨਵੇਂ 5-ਸਪੋਕ ਅਲੌਏ ਵ੍ਹੀਲ ਸ਼ਾਮਿਲ ਹਨ। ਕਾਰ ਦੇ ਪਿੱਛੇ ਵਾਲੇ ਹਿੱਸੇ 'ਚ ਰੈਪ-ਅਰਾਊਂਡ ਟੇਲ-ਲਾਈਟ, ਬੂਟ ਸਪਿਅਲਰ ਅਤੇ ਬੰਪਰ ਹਨ।
ਨਵਾਂ ਮਾਡਲ ਕਾਫੀ ਸਾਰੇ ਐਡਵਾਂਸ ਫ਼ੀਚਰਸ ਦੇ ਨਾਲ ਆਉਂਦਾ ਹੈ ਜਿਸ 'ਚ ਨਵੀਂ ਹੈੱਡਲਾਈਟ, ਐੱਲ. ਈ. ਡੀ ਡੇ-ਟਾਇਮ, 17 ਇੰਚ ਅਲੌਏ ਵ੍ਹੀਲ, 7 ਇੰਚ ਦਾ ਕਲਰ ਟੀ. ਐੱਫ. ਟੀ ਐੱਲ. ਸੀ. ਡੀ ਇੰਸਟਰੂਮੇਂਟ ਡਿਸਪਲੇ, 7 ਇੰਚ ਡਿਸਪਲੇ ਆਡੀਓ ਟੱਚ ਸਕਰੀਨ ਇੰਫੋਟੇਨਮੇਂਟ ਸਿਸਟਮ, ਐਪਲ ਕਾਰਪਲੇ ਅਤੇ ਐਂਡ੍ਰਾਇਡ ਆਟੋ, ਰਿਵਰਸਿੰਗ ਕੈਮਰਾ, ਪੁਸ਼ ਬਟਨ ਸਟਾਰਟ, 6 ਏਅਰਬੈਗਸ, ਏ. ਬੀ. ਐੱਸ, ਇਲੈਕਟ੍ਰਾਨਿਕ ਸਟੇਬੀਲਿਟੀ ਕੰਟਰੋਲ, ਵ੍ਹੀਕਲ ਸਟੇਬੀਲਿਟੀ ਮੈਨੇਜਮੇਂਟ ਅਤੇ ਟਰੈਫਿਕ ਕੰਟਰੋਲ ਆਦਿ ਸ਼ਾਮਿਲ ਹਨ।
