ਭਾਰਤ ''ਚ ਲਾਂਚ ਹੋਈ ਪਾਵਰਫੁੱਲ benelli 302r ਬਾਈਕ, ਜਾਣੋ ਖਾਸੀਅਤਾਂ

ਜਲੰਧਰ- DSK ਨੇ ਭਾਰਤ 'ਚ ਆਪਣੀ ਨਵੀਂ ਪਾਵਰਫੁੱਲ ਬਾਈਕ ਬੇਨੇਲੀ 302R ਲਾਂਚ ਕਰ ਦਿੱਤੀ ਹੈ। ਇਸ ਬਾਈਕ ਨੂੰ ਪਹਿਲੀ ਵਾਰ ਕੰਪਨੀ ਨੇ 2016 'ਚ ਹੋਏ ਆਟੋ ਐਕਸਪੋ 'ਚ ਸ਼ੋਅ-ਕੇਸ ਕੀਤਾ ਸੀ। ਇਟਲੀ ਦੀ ਮੈਨਿਊਫੈਕਚਰ ਕੰਪਨੀ ਦੀ ਇਸ ਫੁੱਲ ਫੇਅਰਡ ਬਾਈਕ ਨੂੰ ਟੋਰਨੇਡੋ 302 ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ। ਕੰਪਨੀ ਨੇ ਇਸ ਬਾਈਕ 'ਚ ਬਿਲਕੁੱਲ ਨਵੀਂ ਟਰੈਲਿਸ ਫ੍ਰੇਮ ਲਗਾਈ ਹੈ ਅਤੇ ਨਵੇਂ ਡਬਲ ਸਾਇਡ ਸਵਿੰਗਆਰਮ ਦੇ ਨਾਲ ਨਵੀਂ ਜਗ੍ਹਾ ਲਗਾਏ ਗਏ ਫੁੱਟ ਪੈਗਸ ਇਸ ਨੂੰ ਹੋਰ ਵੀ ਜ਼ਿਆਦਾ ਬਿਹਤਰ ਲੁੱਕ ਦਿੰਦੇ ਹਨ। ਭਾਰਤ 'ਚ ਇਸ ਬਾਈਕ ਦੀ ਐਕਸਸ਼ੋਰੂਮ ਕੀਮਤ 3.84 ਲੱਖ ਰੁਪਏ ਹੈ। ਇਹ ਬਾਈਕ ਏ.ਬੀ. ਐੱਸ ਅਤੇ ਨਾਨ-ਏ. ਬੀ. ਐੱਸ ਦੋ ਵੇਰਿਅੰਟਸ ਚ ਉਪਲੱਬਧ ਹੋਵੇਗੀ।

ਬੇਨੇਲੀ 302R 'ਚ ਕੰਪਨੀ ਨੇ ਰਟਿੰਨ ਹੈੱਡਲੈਂਪ ਦੇ ਨਾਲ ਇਟਲੀ ਦੇ ਝੰਡੇ ਵਰਗੀ ਕਲਰ ਸਕੀਮ ਦਿੱਤੀ ਹੈ। ਇਸ ਦੇ ਨਾਲ ਹੀ ਸਪਲਿਟ ਸੀਟ, ਐੱਲ. ਈ. ਡੀ ਟੇਲ ਲਾਈਟ ਅਤੇ ਕਲਿਅਰ ਲੈਂਸ ਇੰਡੀਕੇਟਰਸ ਇਸ ਨੂੰ ਆਕਰਸ਼ਕ ਲੁੱਕ ਦਿੰਦੇ ਹਨ। ਇਸ ਬਾਈਕ 'ਚ DSK ਨੇ ਸਾਈਡ ਮਾਉਂਟੇਡ ਐਗਜ਼ਹਾਸਟ ਦਿੱਤਾ ਹੈ ਜੋ ਇਸ ਨੂੰ ਟਿਪਿਕਲ ਸਾਊਂਡ ਦਿੰਦਾ ਹੈ। ਬੇਨੇਲੀ 302R 'ਚ ਵੀ ਫੈਮਿਲੀ ਦੀ ਬਾਕੀ ਬਾਈਕਸ ਦੀ ਤਰ੍ਹਾਂ ਐਨਲਾਗ-ਡਿਜੀਟਲ ਇੰਸਟਰੂਮੇਂਟ ਕਲਸਟਰ ਦਿੱਤਾ ਗਿਆ ਹੈ। ਦੱਸ ਦਈਏ ਕਿ ਜੂਨ 2017 ਤੋਂ ਹੀ ਇਸ ਬਾਈਕ ਦੀ ਬੁਕਿੰਗ ਸ਼ੁਰੂ ਕਰ ਦਿੱਤੀ ਗਈ ਹੈ।

ਕੰਪਨੀ ਨੇ ਇਸ ਬਾਈਕ 'ਚ ਬੀ. ਐੱਸ4 ਐਮਿਸ਼ਨ ਵਾਲਾ 300 cc ਪੈਰੇਲਲ-“win ਲਿਕਵਿਡ ਕੂਲਡ ਇੰਜਣ ਦਿੱਤਾ ਹੈ। ਇਹ ਇੰਜਣ 38 bhp ਪਾਵਰ ਅਤੇ 26 Nm ਟਾਰਕ ਜਨਰੇਟ ਕਰਦਾ ਹੈ। ਇਸ ਦੇ ਨਾਲ ਹੀ ਬਾਈਕ 'ਚ 6-ਸਪੀਡ ਗਿਅਰਬਾਕਸ ਲਗਾਇਆ ਗਿਆ ਹੈ। ਬੇਨੇਲੀ 302R  ਦੇ ਫ੍ਰੰਟ 'ਚ 41 mm ਅਪਸਾਈਡ ਡਾਊਨ ਫੋਰਕ ਸਸਪੇਂਸ਼ਨ ਅਤੇ ਰਿਅਰ ਸਾਇਡ ਮੋਨੋਸ਼ਾਕ ਸਸਪੇਂਸ਼ਨ ਦਿੱਤਾ ਗਿਆ ਹੈ। ਬਾਈਕ 'ਚ 260 ਅਤੇ 220 mm ਦਾ ਡਿਊਲ ਡਿਸਕ ਬ੍ਰੇਕਿੰਗ ਸੈਟਅਪ ਲਗਾਇਆ ਗਿਆ ਹੈ। ਬੇਨੇਲੀ 302R 'ਚ ਡਿਊਲ- ਚੈਨਲ ABS ਵੀ ਦਿੱਤਾ ਗਿਆ ਹੈ ਜੋ ਇਸ ਤੋਂ ਮੁਕਾਬਲਾ ਕਰਨ ਵਾਲੀ ਕਈ ਬਾਈਕਸ 'ਚ ਨਹੀਂ ਹੈ। ਭਾਰਤ 'ਚ ਕੰਪਨੀ ਇਸ ਬਾਈਕ ਨੂੰ 26 ਆਉਟਲੇਟਸ 'ਤੇ ਵੇਚੇਗੀ।