ਉਲਕਾ ਪਿੰਡ ਨਾਲ ਟਕਰਾਇਆ ਸੀ ਨਾਸਾ ਦੇ ਚੰਦਰਯਾਨ ਦਾ ਕੈਮਰਾ

ਜਲੰਧਰ- ਵਿਗਿਆਨੀਆਂ ਨੇ ਇਸ ਗੱਲ ਦਾ ਪਤਾ ਲਾਇਆ ਹੈ ਕਿ ਸਾਲ 2014 'ਚ ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਦੇ ਲੂਨਰ ਰੀਕਨਾਨੀਸ ਓਰਬਿਟਰ (LRO) ਨਾਲ ਲੱਗਾ ਕੈਮਰਾ ਉਲਕਾ ਪਿੰਡ ਨਾਲ ਟਕਰਾਇਆ ਸੀ, ਜਦਕਿ ਇਸ ਨਾਲ ਉਪਕਰਨ ਨੂੰ ਕੋਈ ਨੁਕਸਾਨ ਨਹੀਂ ਹੋਇਆ। ਚੰਦਰਮਾ ਦੀ ਸਤ੍ਹਾ ਦੀ ਸਪੱਸ਼ਟ ਅਤੇ ਖੂਬਸੂਰਤ ਤਸਵੀਰਾਂ ਖਿੱਚਣ ਵਾਲਾ ਲੂਨਰ ਰੀਕਨਾਨੀਸ ਓਰਬਿਟਰ ਕੈਮਰੇ ਨੇ 13 ਅਕਤੂਬਰ 2014 ਨੂੰ ਇਕ ਤਸਵੀਰ ਭੇਜੀ ਸੀ, ਜੋ ਬਿਲਕੁਲ ਵੱਖ ਸੀ। ਨਾਸਾ ਨੇ ਸ਼ੁੱਕਰਵਾਰ ਨੂੰ ਇਕ ਬਿਆਨ 'ਚ ਕਿਹਾ ਹੈ ਕਿ ਤਸਵੀਰ ਨੂੰ ਦੇਖ ਕੇ ਐੱਲ. ਆਰ. ਓ. ਸੀ. ਦੀ ਟੀਮ ਨੇ ਇਹ ਨਿਰਧਾਰਿਤ ਕੀਤਾ ਹੈ ਕਿ ਕੈਮਰੇ ਨਾਲ ਕੋਈ ਛੋਟਾ ਉਲਕਾ ਪਿੰਡ ਟਕਰਾਇਆ ਸੀ।
ਮੇਰੀਲੈਂਡ ਸਥਿਤ ਗ੍ਰੀਨਬੇਲਟ 'ਚ ਨਾਸਾ ਦੇ ਗਦਾਦ ਸਪੇਸ ਫਲਾਈਟ ਸੇਂਟਰ 'ਚ ਐੱਲ. ਆਰ. ਓ. ਪਰਿਯੋਜਨਾ ਜਾਨ ਕੇਲਰ ਨੇ ਕਿਹਾ ਹੈ ਕਿ ਉਲਕਾ ਪਿੰਡ ਦੇ ਟਕਰਾਉਣ ਨਾਲ ਕੋਈ ਨੁਕਸਾਨ ਨਹੀਂ ਹੋਇਆ ਪਰ ਦਲ ਇਸ ਘਟਨਾ ਨੂੰ ਇਕ ਆਕਰਸ਼ਕ ਉਦਾਹਰਨ ਦੇ ਤੌਰ 'ਤੇ ਪੇਸ਼ ਕਰ ਰਿਹਾ ਹੈ ਕਿ ਕਿਸ ਪ੍ਰਕਾਰ ਇੰਜੀਨੀਅਰਿੰਗ ਦੇ ਆਂਕੜਿਆਂ ਦਾ ਇਸਤੇਮਾਲ ਇਸ ਦੱਲ ਨੂੰ ਸਮਝਾਉਣ ਲਈ ਕੀਤਾ ਜਾ ਸਕਦਾ ਹੈ ਕਿ ਧਰਤੀ ਤੋਂ 380,000 ਕਿਲੋਮੀਟਰ ਦੀ ਦੂਰੀ 'ਤੇ ਸਥਿਤ ਪੁਲਾੜਯਾਨ ਨਾਲ ਕੀ ਹੋ ਰਿਹਾ ਹੈ।
ਅਰੀਜ਼ੋਨਾ ਸਟੇਟ ਯੂਨੀਵਰਸਿਟੀ ਦੇ ਸਕੂਲ ਆਫ ਅਰਥ ਐਂਡ ਸਪੇਸ ਐਕਸਪਲੋਰੇਸ਼ਨ 'ਚ ਐੱਲ. ਆਰ. ਓ. ਸੀ. ਦੇ ਪ੍ਰੋਫੈਸਰ ਅਤੇ ਮੁੱਖ ਜਾਂਚਕਰਤਾ ਮਾਰਕ ਰਾਬਿਨਸਨ ਨੇ ਕਿਹਾ ਉਲਕਾਪਿੰਡ ਦੀ ਗਤੀ ਗੋਲੀ ਤੋਂ ਵੀ ਤੇਜ਼ ਸੀ। ਐੱਲ. ਆਰ. ਓ. ਸੀ. ਤਿੰਨ ਕੈਮਰਿਆਂ ਦਾ ਇਕ ਤੰਤਰ ਹੈ, ਜੋ ਪੁਲਾੜ ਯਾਨ 'ਤੇ ਲੱਗਾ ਹੈ, ਦੋ ਨੈਰੋ ਐਂਗਲ ਕੈਮਰੇ (ਐੱਨ. ਏ. ਸੀ.) ਹਾਈ ਰੈਜ਼ੋਲਿਊਸ਼ਨ ਦੀ ਬਲੈਕ ਐਂਡ ਵਾਈਟ ਤਸਵੀਰਾਂ ਖਿੱਚਦੇ ਹਨ।