ਧਨਸ਼੍ਰੀ ਵਰਮਾ ਨਾਲ ਤਲਾਕ ਦੀਆਂ ਖਬਰਾਂ 'ਤੇ ਯੁਜਵੇਂਦਰ ਚਾਹਲ  ਦਾ ਪਹਿਲਾ ਰਿਐਕਸ਼ਨ, ਦੱਸੀ ਚੁੱਪ ਰਹਿਣ ਦੀ ਵਜ੍ਹਾ

ਸਪੋਰਟਸ ਡੈਸਕ- ਕੋਰੀਓਗ੍ਰਾਫਰ ਧਨਸ਼੍ਰੀ ਵਰਮਾ ਦੇ ਕ੍ਰਿਕਟਰ ਪਤੀ ਯੁਜਵੇਂਦਰ ਚਾਹਲ ਤੋਂ ਤਲਾਕ ਦੀਆਂ ਖਬਰਾਂ ਹਨ। ਦੋਵਾਂ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ 'ਤੇ ਇਕ-ਦੂਜੇ ਨੂੰ ਅਨਫਾਲੋ ਵੀ ਕਰ ਦਿੱਤਾ ਹੈ। ਇਸ ਦੌਰਾਨ, ਉਹ ਸੋਸ਼ਲ ਮੀਡੀਆ 'ਤੇ ਕ੍ਰਿਪਟਿਕ ਪੋਸਟ ਵੀ ਕਰ ਰਹੇ ਹਨ। ਹੁਣ ਧਨਸ਼੍ਰੀ ਤੋਂ ਤਲਾਕ ਦੀ ਖਬਰ 'ਤੇ ਯੁਜਵੇਂਦਰ ਚਾਹਲ ਦੀ ਪਹਿਲੀ ਪ੍ਰਤੀਕਿਰਿਆ ਸਾਹਮਣੇ ਆਈ ਹੈ।

ਇਹ ਵੀ ਪੜ੍ਹੋ : ਜਸਪ੍ਰੀਤ ਬੁਮਰਾਹ ਦੀ Injury ਨਾਲ ਜੁੜੀ ਵੱਡੀ ਅਪਡੇਟ, ਇੰਨੀ ਦੇਰ ਲਈ ਹੋ ਸਕਦੇ ਨੇ ਬਾਹਰ

ਯੁਜਵੇਂਦਰ ਚਾਹਲ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਇਕ ਕ੍ਰਿਪਟਿਕ ਪੋਸਟ ਕੀਤੀ ਹੈ ਜਿਸ ਨੂੰ ਧਨਸ਼੍ਰੀ ਤੋਂ ਤਲਾਕ ਦੀ ਖਬਰ ਨਾਲ ਜੋੜਿਆ ਜਾ ਰਿਹਾ ਹੈ। ਪੋਸਟ 'ਚ ਲਿਖਿਆ ਹੈ- 'ਚੁੱਪ ਸਭ ਤੋਂ ਡੂੰਘੀ ਆਵਾਜ਼ ਹੈ, ਉਨ੍ਹਾਂ ਲਈ ਜੋ ਇਸ ਨੂੰ ਸਾਰੇ ਰੌਲੇ-ਰੱਪੇ ਤੋਂ ਉੱਪਰ ਸੁਣ ਸਕਦੇ ਹਨ।'

ਪਹਿਲਾਂ ਵੀ ਯੁਜਵੇਂਦਰ ਨੇ ਕੀਤੀ ਸੀ ਕ੍ਰਿਪਟਿਕ ਪੋਸਟ 
ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਯੁਜਵੇਂਦਰ ਚਾਹਲ ਨੇ ਇੱਕ ਪੋਸਟ ਪਾਈ ਸੀ ਜਿਸ ਵਿੱਚ ਉਨ੍ਹਾਂ ਨੇ ਸਖ਼ਤ ਮਿਹਨਤ ਕਰਨ ਅਤੇ ਆਪਣੇ ਮਾਤਾ-ਪਿਤਾ ਉੱਤੇ ਮਾਣ ਹੋਣ ਦੀ ਗੱਲ ਕੀਤੀ ਸੀ। ਪੋਸਟ 'ਚ ਉਨ੍ਹਾਂ ਲਿਖਿਆ- 'ਮਿਹਨਤ ਲੋਕਾਂ ਦੇ ਚਰਿੱਤਰ ਨੂੰ ਉਜਾਗਰ ਕਰਦੀ ਹੈ। ਤੁਸੀਂ ਆਪਣੀ ਯਾਤਰਾ ਨੂੰ ਜਾਣਦੇ ਹੋ। ਤੁਸੀਂ ਆਪਣੇ ਦਰਦ ਨੂੰ ਜਾਣਦੇ ਹੋ। ਤੁਸੀਂ ਜਾਣਦੇ ਹੋ ਕਿ ਤੁਸੀਂ ਇੱਥੇ ਪਹੁੰਚਣ ਲਈ ਕੀ ਕੀਤਾ ਹੈ। ਦੁਨੀਆਂ ਜਾਣਦੀ ਹੈ। ਤੁਸੀਂ ਡੱਟ ਕੇ ਖੜ੍ਹੇ ਹੋ। ਤੁਸੀਂ ਆਪਣੇ ਪਿਤਾ ਅਤੇ ਮਾਤਾ ਨੂੰ ਮਾਣ ਦੇਣ ਲਈ ਸਖ਼ਤ ਮਿਹਨਤ ਕੀਤੀ ਹੈ। ਹਮੇਸ਼ਾ ਇੱਕ ਮਾਣਮੱਤੇ ਪੁੱਤਰ ਵਾਂਗ ਛਾਤੀ ਤਾਨ ਕੇ ਖੜ੍ਹੇ ਰਹੋ। 

ਹੋਟਲ ਦੇ ਬਾਹਰ ਮਿਸਟਰੀ ਗਰਲ ਨਾਲ ਨਜ਼ਰ ਆਏ ਯੁਜ਼ਵੇਂਦਰ
ਧਨਸ਼੍ਰੀ ਤੋਂ ਤਲਾਕ ਦੀਆਂ ਖਬਰਾਂ ਦੇ ਵਿਚਕਾਰ, ਯੁਜਵੇਂਦਰ ਚਾਹਲ ਨੂੰ ਹਾਲ ਹੀ ਵਿੱਚ ਇੱਕ ਮਿਸਟਰੀ ਗਰਲ ਨਾਲ ਦੇਖਿਆ ਗਿਆ ਸੀ। ਦਿ ਨਿਊ ਇੰਡੀਆ ਦੁਆਰਾ ਸ਼ੇਅਰ ਕੀਤੇ ਗਏ ਵੀਡੀਓ ਵਿੱਚ ਯੁਜਵੇਂਦਰ ਚਾਹਲ ਇੱਕ ਕੁੜੀ ਨਾਲ ਹੋਟਲ ਤੋਂ ਬਾਹਰ ਨਿਕਲਦੇ ਹੋਏ ਨਜ਼ਰ ਆਏ। ਇਸ ਦੌਰਾਨ ਕ੍ਰਿਕਟਰ ਨੇ ਕੈਮਰੇ ਨੂੰ ਦੇਖ ਕੇ ਆਪਣਾ ਚਿਹਰਾ ਵੀ ਛੁਪਾ ਲਿਆ। ਇਨ੍ਹੀਂ ਦਿਨੀਂ ਧਨਸ਼੍ਰੀ ਵਰਮਾ ਆਪਣੇ ਆਉਣ ਵਾਲੇ ਮਿਊਜ਼ਿਕ ਵੀਡੀਓ ਜੁੱਤੀ ਕਸੂਰੀ ਦੀ ਸ਼ੂਟਿੰਗ 'ਚ ਰੁੱਝੀ ਹੋਈ ਹੈ। ਇਸ ਦੇ ਨਾਲ ਹੀ ਨਾ ਤਾਂ ਧਨਸ਼੍ਰੀ ਅਤੇ ਨਾ ਹੀ ਯੁਜਵੇਂਦਰ ਨੇ ਆਪਣੇ ਤਲਾਕ ਦੀ ਖਬਰ ਨੂੰ ਲੈ ਕੇ ਅਜੇ ਤੱਕ ਕੋਈ ਪ੍ਰਤੀਕਿਰਿਆ ਦਿੱਤੀ ਹੈ।

ਇਹ ਵੀ ਪੜ੍ਹੋ : Champions Trophy ਲਈ ਭਾਰਤੀ ਟੀਮ ਦਾ ਐਲਾਨ, ਇਸ ਖਿਡਾਰੀ ਨੂੰ ਮਿਲੀ ਕਪਤਾਨੀ

ਧਨਸ਼੍ਰੀ ਨੇ ਹਟਾ ਦਿੱਤਾ ਸੀ ਆਪਣੇ ਪਤੀ ਦਾ ਸਰਨੇਮ 
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਧਨਸ਼੍ਰੀ ਅਤੇ ਯੁਜਵੇਂਦਰ ਦੇ ਤਲਾਕ ਦੀ ਖਬਰ ਸਾਹਮਣੇ ਆ ਰਹੀ ਹੈ। ਜਦੋਂ ਧਨਸ਼੍ਰੀ ਨੇ ਆਪਣੇ ਇੰਸਟਾਗ੍ਰਾਮ ਬਾਇਓ ਤੋਂ ਆਪਣੇ ਪਤੀ ਦਾ ਸਰਨੇਮ 'ਚਾਹਲ' ਹਟਾ ਦਿੱਤਾ ਸੀ, ਤਾਂ ਉਨ੍ਹਾਂ ਦੇ ਰਿਸ਼ਤੇ ਵਿੱਚ ਦਰਾਰ ਦੀਆਂ ਖਬਰਾਂ ਆਈਆਂ ਸਨ। ਹਾਲਾਂਕਿ ਉਦੋਂ ਯੁਜਵੇਂਦਰ ਨੇ ਇਨ੍ਹਾਂ ਖਬਰਾਂ ਨੂੰ ਮਹਿਜ਼ ਅਫਵਾਹ ਕਰਾਰ ਦਿੱਤਾ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8