ਜਾਣੋ, ਕਿਉਂ ਹਾਰੀ ਭਾਰਤੀ ਟੀਮ, ਵਿੰਡੀਜ਼ ਕਪਤਾਨ ਦੀਆਂ ਇਨ੍ਹਾਂ ਚਾਲਾਂ ਅੱਗੇ ਨਹੀਂ ਠਹਿਰ ਸਕਦੇ ਸਨ ਕੋਹਲੀ

ਕਿੰਗਸਟਨ— ਭਾਰਤ ਉੱਤੇ ਇੱਕੋਂ-ਇਕ ਟੀ-20 ਮੈਚ ਵਿੱਚ 9 ਵਿਕਟਾਂ ਨਾਲ ਮਿਲੀ ਜਿੱਤ ਤੋਂ ਕੈਰੇਬੀਆਈ ਕਪਤਾਨ ਕਾਰਲੋਸ ਬਰੇਥਵੇਟ ਕਾਫ਼ੀ ਖੁਸ਼ ਹਨ। ਉਨ੍ਹਾਂ ਨੇ ਕਿਹਾ ਕਿ ਉਹ ਖਿਡਾਰੀਆਂ ਦੇ ਪ੍ਰਦਰਸ਼ਨ ਤੋਂ ਸੰਤੁਸ਼ਟ ਹਨ। ਉਨ੍ਹਾਂ ਨੇ ਕਿਹਾ, ''ਮੈਂ ਬਹੁਤ ਖੁਸ਼ ਹਾਂ। ਅਸੀਂ ਬੱਲੇਬਾਜਾਂ ਨੂੰ ਖੁੱਲ ਕੇ ਖੇਡਣ ਲਈ ਕਿਹਾ। ਮੈਂ ਉਨ੍ਹਾਂ ਨੂੰ ਕਿਹਾ ਕਿ ਜੋ ਅਰਧ ਸੈਂਕੜਾ ਬਣਾਵੇਗਾ, ਉਸਨੂੰ ਮੇਰੀ ਮੈਚ ਫੀਸ ਦਾ ਅੱਧਾ ਹਿੱਸਾ ਮਿਲੇਗਾ। ਅਸੀ ਆਪਣੇ ਪ੍ਰਸ਼ੰਸਕਾਂ ਨੂੰ ਖੁਸ਼ ਕਰਨਾ ਚਾਹੁੰਦੇ ਹਾਂ।'' ਇਸਦੇ ਨਾਲ ਹੀ ਬਰੇਥਵੇਟ ਨੇ ਦੱਸਿਆ ਕਿ ਉਨ੍ਹਾਂ ਨੇ ਕਿਹਾ ਸੀ ਕਿ ਅਜਿਹਾ ਕਰਨ ਵਾਲੇ ਨੂੰ ਉਹ ਆਪਣੇ ਕਪਤਾਨ ਦੇ ਤੌਰ ਉੱਤੇ ਮਿਲਣ ਵਾਲੇ ਇਸੈਂਂਟਿਵ ਵੀ ਦੇ ਦੇਣਗੇ।
ਵਿੰਡੀਜ ਦੇ ਕਪਤਾਨ ਨੇ ਕਿਹਾ ਕਿਹਾ ਕਿ ਮੈਂ ਆਪਣੇ ਖਿਡਾਰੀਆਂ ਦੇ ਚਿਹਰੇ ਉੱਤੇ ਮੁਸਕਾਨ ਲਿਆਉਣਾ ਚਾਹੁੰਦਾ ਹਾਂ ਤਾਂਕਿ ਉਹ ਆਪਣੇ ਦਰਸ਼ਕਾਂ ਦੇ ਚੇਹਰਿਆਂ ਉੱਤੇ ਮੁਸਕਾਨ ਲਿਆ ਸਕਣ। ਬਰੇਥਵੇਟ ਨੇ ਭਾਰਤੀ ਟੀਮ ਖਿਲਾਫ ਆਪਣੀ ਇੱਕ ਹੋਰ ਚਾਲ ਨੂੰ ਸਾਹਮਣੇ ਰੱਖਦੇ ਹੋਏ ਕਿਹਾ ਕਿ ਉਨ੍ਹਾਂ ਦੀ ਟੀਮ ਦੇ ਸਾਥੀਆਂ ਨੇ ਆਈ.ਪੀ.ਐਲ. ਵਿੱਚ ਵੇਖਿਆ ਸੀ ਕਿ ਭੁਵਨੇਸ਼ਵਰ ਕੁਮਾਰ ਡੇਥ ਓਵਰਾਂ ਵਿੱਚ ਕਿੰਨੀ ਖਤਰਨਾਕ ਗੇਂਦਬਾਜ਼ੀ ਕਰਦੇ ਹਨ, ਇਸ ਲਈ ਉਨ੍ਹਾਂ ਨੇ ਕੋਸ਼ਿਸ਼ ਕੀਤੀ ਕਿ ਉਹ ਆਪਣੇ ਵਿਕਟ ਨਹੀਂ ਡਿੱਗਣ ਦੇਣਗੇ ਤਾਂ ਜੋ ਭੁਵਨੇਸ਼ਵਰ ਦੇ ਕੋਟੇ ਦੇ ਓਵਰ ਸ਼ੁਰੂਆਤ ਵਿੱਚ ਹੀ ਖਤਮ ਹੋ ਜਾਣ।
ਬਰੇਥਵੇਟ ਨੇ ਆਪਣੇ ਖਿਡਾਰੀਆਂ ਐਵਿਨ ਲੇਵਿਸ ਅਤੇ ਕੇਸਰਿਕ ਵਿਲੀਅੰਸ ਦੀ ਖੂਬ ਤਾਰੀਫ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਕੇਸਰਿਕ ਨੇ ਪਾਕਿਸਤਾਨ, ਅਫਗਾਨਿਸਤਾਨ ਦੇ ਬਾਅਦ ਹੁਣ ਭਾਰਤ ਖਿਲਾਫ ਵੀ ਵਧੀਆ ਖੇਡ ਵਿਖਾਇਆ। ਉਨ੍ਹਾਂ ਨੇ ਕਿਹਾ ਹਾਲਾਂਕਿ ਲੇਵਿਸ ਦੇ ਪਿਛਲੇ ਕੁਝ ਵਨਡੇ ਮੈਚ ਵਧੀਆ ਨਹੀਂ ਰਹੇ ਸਨ, ਪਰ ਉਨ੍ਹਾਂ ਨੇ ਆਪਣੇ ਉੱਤੇ ਭਰੋਸਾ ਰੱਖਿਆ।