ਪਾਕਿਸਤਾਨ WC 2023 ਤੋਂ ਬਾਹਰ, ਭਾਰਤ ਤੇ ਨਿਊਜ਼ੀਲੈਂਡ ਵਿਚਾਲੇ ਖੇਡਿਆ ਜਾਵੇਗਾ ਪਹਿਲਾ ਸੈਮੀਫਾਈਨਲ
11/11/2023 9:49:29 PM
ਸਪੋਰਟਸ ਡੈਸਕ- ਆਖਿਰਕਾਰ, ਕ੍ਰਿਕਟ ਵਿਸ਼ਵ ਕੱਪ 2023 ਦੇ ਸੈਮੀਫਾਈਨਲ ਤੱਕ ਪਹੁੰਚਣ ਲਈ ਕੁਦਰਤ ਦੇ ਨਿਜ਼ਾਮ 'ਤੇ ਭਰੋਸਾ ਕਰ ਰਹੇ ਪਾਕਿਸਤਾਨੀ ਪ੍ਰਸ਼ੰਸਕਾਂ ਨੂੰ ਕੋਲਕਾਤਾ ਦੇ ਈਡਨ ਗਾਰਡਨ 'ਚ ਜ਼ੋਰ ਦਾ ਝਟਕਾ ਲੱਗ ਹੀ ਗਿਆ। ਸੈਮੀਫਾਈਨਲ 'ਚ ਪਹੁੰਚਣ ਦੀ 0.01 ਫੀਸਦੀ ਸੰਭਾਵਨਾ ਲੈ ਕੇ ਚਲ ਰਿਹਾ ਪਾਕਿਸਤਾਨ ਜੇਕਰ ਇੰਗਲੈਂਡ ਖਿਲਾਫ ਪਹਿਲਾਂ ਬੱਲੇਬਾਜ਼ੀ ਕਰਕੇ ਮਜ਼ਬੂਤ ਦੌੜਾਂ ਬਣਾ ਲੈਂਦਾ ਤਾਂ ਉਸ ਕੋਲ ਕੁਝ ਮੌਕੇ ਹੁੰਦੇ ਪਰ ਅਹਿਮ ਮੌਕੇ 'ਤੇ ਟਾਸ ਹਾਰ ਕੇ ਪਾਕਿਸਤਾਨ ਵਿਸ਼ਵ ਕੱਪ 'ਚੋਂ ਵੀ ਬਾਹਰ ਹੋ ਗਿਆ। ਪਾਕਿਸਤਾਨ ਦੇ ਖਿਲਾਫ ਮੈਚ ਦੇ ਅੱਧ ਤੱਕ ਇੰਨੀਆਂ ਦੌੜਾਂ ਬਣ ਚੁੱਕੀਆਂ ਸਨ ਕਿ ਉਹ 6 ਓਵਰਾਂ 'ਚ ਲਗਾਤਾਰ ਚੌਕੇ ਅਤੇ ਛੱਕੇ ਲਗਾ ਕੇ ਵੀ ਇੰਨੀਆਂ ਦੌੜਾਂ ਬਣਾ ਸਕਦਾ ਸੀ। ਸਕਿਆ। ਅੰਕੜੇ ਸਾਫ ਸਨ- ਜੇਕਰ ਪਾਕਿਸਤਾਨ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 400 ਦੌੜਾਂ ਬਣਾ ਲੈਂਦਾ ਤਾਂ ਉਹ ਇੰਗਲੈਂਡ ਨੂੰ 113 ਦੌੜਾਂ ਤੋਂ ਘੱਟ ਤੱਕ ਰੋਕ ਕੇ ਸੈਮੀਫਾਈਨਲ ਲਈ ਕੁਆਲੀਫਾਈ ਕਰ ਸਕਦਾ ਸੀ। ਪਰ ਟਾਸ ਹਾਰਦੇ ਹੀ ਉਸ ਦੇ ਸਾਹਮਣੇ ਜੋ ਸਮੀਕਰਨ ਆਏ, ਉਹ ਅਸੰਭਵ ਸਨ।
ਇਹ ਵੀ ਪੜ੍ਹੋ : ਤੀਰਅੰਦਾਜ਼ ਧੀਰਜ ਬੋਮਾਦੇਵਰਾ ਨੇ ਏਸ਼ੀਆਈ ਮਹਾਦੀਪ ਚੈਂਪੀਅਨਸ਼ਿਪ 'ਚ ਜਿੱਤਿਆ ਚਾਂਦੀ ਦਾ ਤਗਮਾ
ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਖੇਡਿਆ ਜਾਵੇਗਾ ਸੈਮੀਫਾਈਨਲ
ਪਾਕਿਸਤਾਨ ਦੇ ਬਾਹਰ ਹੋਣ ਤੋਂ ਬਾਅਦ ਵਿਸ਼ਵ ਕੱਪ 2023 ਦਾ ਪਹਿਲਾ ਸੈਮੀਫਾਈਨਲ ਮੈਚ ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਖੇਡਿਆ ਜਾਵੇਗਾ। 2019 'ਚ ਭਾਰਤ ਬਨਾਮ ਨਿਊਜ਼ੀਲੈਂਡ ਦਾ ਸੈਮੀਫਾਈਨਲ ਵੀ ਖੇਡਿਆ ਗਿਆ ਸੀ ਪਰ ਇਸ ਵਾਰ ਦੋਵਾਂ ਵਿਚਾਲੇ ਮੁਕਾਬਲਾ ਭਾਰਤੀ ਜ਼ਮੀਨ 'ਤੇ ਹੈ। ਇਹ ਮੈਚ ਮੁੰਬਈ ਦੇ ਵਾਨਖੇੜੇ ਸਟੇਡੀਅਮ 'ਚ 15 ਨਵੰਬਰ ਨੂੰ ਦੁਪਹਿਰ 2 ਵਜੇ ਤੋਂ ਖੇਡਿਆ ਜਾਵੇਗਾ। ਇਸ ਦੇ ਨਾਲ ਹੀ ਦੂਸਰਾ ਸੈਮੀਫਾਈਨਲ 16 ਨਵੰਬਰ ਨੂੰ ਈਡਨ ਗਾਰਡਨ 'ਚ ਦੱਖਣੀ ਅਫਰੀਕਾ ਅਤੇ ਆਸਟ੍ਰੇਲੀਆ ਵਿਚਾਲੇ ਖੇਡਿਆ ਜਾਵੇਗਾ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:-
https://play.google.com/store/apps/details?id=com.jagbani&hl=en&pli=1
For IOS:-
https://apps.apple.com/in/app/id538323711
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ
