ਅੰਮ੍ਰਿਤਸਰ ਟਰੇਨ ਹਾਦਸਾ: ਵਰਿੰਦਰ ਸਹਿਵਾਗ ਨੇ ਕੀਤੀ ਖੂਨ ਦਾਨ ਕਰਨ ਦੀ ਅਪੀਲ

ਨਵੀਂ ਦਿੱਲੀ—ਵਿਜੈ ਦਸ਼ਮੀ ਦੇ ਮੌਕੇ 'ਤੇ ਪੰਜਾਬ ਦੇ ਅੰਮ੍ਰਿਤਸਰ 'ਚ ਹੋਏ ਇਕ ਵੱਡੇ ਟਰੇਨ ਹਾਦਸੇ ਨਾਲ ਪੂਰਾ ਦੇਸ਼ ਸ਼ੋਕ 'ਚ ਡੁੱਬਿਆ ਹੋਇਆ ਹੈ। ਸਾਬਕਾ ਕ੍ਰਿਕਟਰ ਵਰਿੰਦਰ ਸਹਿਵਾਗ ਨੇ ਇਸ ਮੌਕੇ 'ਤੇ ਸ਼ੋਕ ਜਤਾਉਂਦੇ ਹੋਏ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਸਿਵਲ ਹਾਸਪਤਾਲ ਅਤੇ ਗੁਰੂ ਨਾਨਕ ਹਸਪਤਾਲ ਜਾਓ ਅਤੇ ਬਲਡ ਡੋਨੇਟ ਕਰੋ। ਰਿਪੋਰਟਸ ਦੀ ਮੰਨੀਆਂ ਤਾਂ ਸ਼ੁੱਕਰਵਾਰ ਨੂੰ ਪੰਜਾਬ ਦੇ ਅੰਮ੍ਰਿਤਸਰ 'ਚ ਹੋਏ ਇਸ ਵੱਡੇ ਟ੍ਰੇਨ ਹਾਦਸੇ 'ਚ 60 ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ ਵੱਡੀ ਸੰਖਿਆ 'ਚ ਲੋਕ ਜ਼ਖਮੀ ਹਨ, ਜਿਨ੍ਹਾਂ ਦਾ ਇਲਾਜ ਹਸਪਤਾਲ 'ਚ ਜਾਰੀ ਹੈ।

ਦਿੱਗਜ਼ ਓਪਨਰ ਬੱਲੇਬਾਜ਼ ਨੇ ਟਵੀਟ ਕਰਦੇ ਹੋਏ ਹਾਦਸੇ 'ਚ ਮਾਰੇ ਗਏ ਲੋਕਾਂ ਦੇ ਪਰਿਵਾਰ ਲਈ ਦੁੱਖ ਪ੍ਰਗਟ ਕੀਤਾ। ਉਨ੍ਹਾਂ ਲਿਖਿਆ, 'ਮੈਂ ਹੁਣੇ ਅੰਮ੍ਰਿਤਸਰ ਟ੍ਰੇਨ ਹਾਦਸੇ ਦੇ ਬਾਰੇ ਸੁਣਿਆ ਹੈ। ਮੇਰੀ ਗਹਿਰੀ ਸੰਵੇਦਨਾ ਮ੍ਰਿਤਕਾ ਦੇ ਪਰਿਵਾਰ ਵਾਲਿਆਂ ਨਾਲ ਹੈ। ਜੋ ਲੋਕ ਖੂਨ ਦਾਨ ਕਰਨਾ ਚਾਹੁੰਦੇ ਹਨ ਉਨ੍ਹਾਂ ਨੂੰ ਅੰਮ੍ਰਿਤਸਰ ਦੇ ਸਿਵਲ ਹਸਪਤਾਲ ਅਤੇ ਗੁਰੂ ਨਾਨਕ ਹਸਪਤਾਨ 'ਚ ਜਾਣਾ ਚਾਹੀਦਾ ਹੈ।'

Just heard about the Heart-wrenching news of the terrible train accident in Amtitsar. My prayers for the families affected.
Those who wish to donate blood should arrive at the Civil Hospital and Guru Nanak Hospital in Amritsar.

— Virender Sehwag (@virendersehwag) October 19, 2018

ਜ਼ਿਕਰਯੋਗ ਹੈ ਕਿ ਇਹ ਹਾਦਸਾ ਅੰਮ੍ਰਿਤਸਰ ਅਤੇ ਮਨਾਵਲਾ ਦੇ ਵਿਚਕਾਰ ਫਾਟਕ ਨੰਬਰ 27 ਦੇ ਕੋਲ ਉਸ ਸਮੇਂ ਹੋਇਆ ਜਦੋਂ ਉਥੇ ਰਾਵਨ ਦਹਿਨ ਦੇਖਣ ਲਈ ਲੋਕਾਂ ਦੀ ਭੀੜ ਲੱਗੀ ਹੋਈ ਸੀ। ਇਸੇ ਦੌਰਾਨ ਡੀ.ਐੱਮ.ਯੂ. ਟ੍ਰੇਨ ਨੰਬਰ 74943 ਉਥੋਂ ਲੰਘ ਰਹੀ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਰਾਵਨ ਦਹਿਨ ਦੇ ਸਮੇਂ ਪਟਾਖਿਆਂ ਦੀ ਤੇਜ਼ ਆਵਾਜ਼ ਦੇ ਕਾਰਨ ਟ੍ਰੇਨ ਹਾਰਨ ਲੋਕਾਂ ਨੂੰ ਨਹੀਂ ਸੁਣਿਆ ਜਿਸ ਵਜ੍ਹਾ ਕਰਕੇ ਇਹ ਹਾਦਸਾ ਹੋਇਆ।