WTC ਫਾਈਨਲ ਤੋਂ ਬਾਅਦ ਹੁਣ ਪਤਨੀ ਅਨੁਸ਼ਕਾ ਕੋਲੋਂ ਇਹ ਚੈਲੇਂਜ ਹਾਰੇ ਵਿਰਾਟ ਕੋਹਲੀ, ਵੀਡੀਓ ਵਾਇਰਲ
Saturday, Jul 03, 2021 - 12:13 PM (IST)
ਮੁੰਬਈ (ਬਿਊਰੋ)– ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਅਕਸਰ ਕਿਸੇ ਨਾ ਕਿਸੇ ਕਾਰਨ ਸੁਰਖ਼ੀਆਂ ’ਚ ਰਹਿੰਦੇ ਹਨ। ਹਾਲ ਹੀ ’ਚ ਉਨ੍ਹਾਂ ਦੀ ਇਕ ਵੀਡੀਓ ਸੋਸ਼ਲ ਮੀਡੀਆ ’ਤੇ ਕਾਫੀ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ’ਚ ਵਿਰਾਟ ਕੋਹਲੀ ਆਪਣੀ ਪਤਨੀ ਅਨੁਸ਼ਕਾ ਸ਼ਰਮਾ ਨਾਲ ਉਂਗਲਾਂ ਦੇ ਸਹਾਰੇ ਬੈਟ ਨੂੰ ਬੈਲੇਂਸ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਵਿਰਾਟ ਤੇ ਅਨੁਸ਼ਕਾ ਦੇ ਪ੍ਰਸ਼ੰਸਕ ਵੀਡੀਓ ’ਤੇ ਰੱਜ ਕੇ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ।
ਵੀਡੀਓ ’ਚ ਦੇਖਿਆ ਜਾ ਸਕਦਾ ਹੈ ਕਿ ਜਿਥੇ ਇਕ ਪਾਸੇ ਵਿਰਾਟ ਨੂੰ ਬੈਟ ਬੈਲੇਂਸ ਕਰਨ ’ਚ ਥੋੜ੍ਹੀ ਦਿੱਕਤ ਹੋ ਰਹੀ ਹੈ, ਉਥੇ ਅਨੁਸ਼ਕਾ ਇਸ ਨੂੰ ਚੰਗੇ ਤਰੀਕੇ ਨਾਲ ਕਰਦੀ ਨਜ਼ਰ ਆ ਰਹੀ ਹੈ। ਇਸ ਵੀਡੀਓ ’ਚ ਦੋ ਵੱਖ-ਵੱਖ ਕਲਿੱਪਸ ਦਾ ਕੋਲਾਜ ਬਣਾਇਆ ਗਿਆ ਹੈ। ਇਕ ਵੀਡੀਓ ’ਚ ਅਨੁਸ਼ਕਾ ਨਜ਼ਰ ਆ ਰਹੀ ਹੈ, ਉਥੇ ਦੂਜੀ ਵੀਡੀਓ ’ਚ ਵਿਰਾਟ ਕੋਹਲੀ। ਵੀਡੀਓ ’ਚ ਵਿਰਾਟ ਨੂੰ ਬੈਟ ਹੈਂਡਲ ਕਰਨ ’ਚ ਦਿੱਕਤਾਂ ਦਾ ਸਾਹਮਣਾ ਕਰਦੇ ਦੇਖਿਆ ਗਿਆ। ਹਾਲਾਂਕਿ ਉਹ ਇਸ ਦੌਰਾਨ ਮੋਬਾਇਲ ਵੀ ਆਪਰੇਟ ਕਰਦੇ ਦਿਖਾਈ ਦਿੱਤੇ।
ਵੀਡੀਓ ਦੇ ਅਖੀਰ ’ਚ ਵਿਰਾਟ ਕੋਹਲੀ ਕਹਿੰਦੇ ਹਨ, ‘ਚਲੋ ਹੁਣ ਤੁਹਾਡੀ ਵਾਰੀ, ਹੁਣ ਤੁਸੀਂ ਵੀ ਕਰਕੇ ਦਿਖਾਓ।’ ਉਥੇ ਇਸ ਵੀਡੀਓ ਨੂੰ ਸਾਂਝਾ ਕਰਦਿਆਂ ਅਨੁਸ਼ਕਾ ਨੇ ਲਿਖਿਆ, ‘ਮੈਨੂੰ ਵਿਰਾਟ ਨਾਲ ਟਕਾ-ਟਕ ਬੈਟ ਬੈਲੇਂਸ ਚੈਲੇਂਜ ਕਰਦਿਆਂ ਕਾਫੀ ਮਜ਼ਾ ਆਇਆ। ਹੁਣ ਤੁਸੀਂ ਵੀ ਆਪਣਾ ਸਕਿੱਲ ਦਿਖਾਓ।’ ਸੋਸ਼ਲ ਮੀਡੀਆ ’ਤੇ ਵਿਰਾਟ ਤੇ ਅਨੁਸ਼ਕਾ ਦੇ ਪ੍ਰਸ਼ੰਸਕ ਇਸ ਪੋਸਟ ’ਤੇ ਰੱਜ ਕੇ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਪ੍ਰਸ਼ੰਸਕ ਅਨੁਸ਼ਕਾ ਦੀ ਕਾਫੀ ਤਾਰੀਫ਼ ਕਰਦੇ ਵੀ ਨਜ਼ਰ ਆਏ।
ਦੱਸ ਦੇਈਏ ਕਿ ਅਨੁਸ਼ਕਾ ਤੇ ਵਿਰਾਟ ਇਸ ਸਮੇਂ ਲੰਡਨ ’ਚ ਹਨ। ਬੇਟੀ ਵਾਮਿਕਾ ਨੂੰ ਜਨਮ ਦੇਣ ਤੋਂ ਬਾਅਦ ਅਨੁਸ਼ਕਾ ਸੋਸ਼ਲ ਮੀਡੀਆ ’ਤੇ ਕਾਫੀ ਸਰਗਰਮ ਹੈ। ਉਹ ਸਮੇਂ-ਸਮੇਂ ’ਤੇ ਪ੍ਰਸ਼ੰਸਕਾਂ ਨਾਲ ਤਸਵੀਰਾਂ ਤੇ ਵੀਡੀਓਜ਼ ਸਾਂਝੀਆਂ ਕਰ ਰਹੀ ਹੈ। ਅਨੁਸ਼ਕਾ ਇਸੇ ਸਾਲ ਜਨਵਰੀ ’ਚ ਮਾਂ ਬਣੀ ਹੈ ਤੇ ਆਪਣੇ ਪਰਿਵਾਰ ਨਾਲ ਸਮਾਂ ਬਤੀਤ ਕਰ ਰਹੀ ਹੈ।
ਨੋਟ- ਇਸ ਵੀਡੀਓ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
