ਅਫਗਾਨਿਸਤਾਨ ''ਤੇ ਮਿਲੀ ਜਿੱਤ ਸਾਡੇ ਲਈ ਅਹਿਮ : ਕੋਹਲੀ

ਸਾਊਥੰਪਟਨ— ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੇ ਕਿਹਾ ਕਿ ਅਫਗਾਨਿਸਤਾਨ ਖਿਲਾਫ ਵਰਲਡ ਕੱਪ ਮੈਚ 'ਚ ਜਿੱਤ ਦਰਜ ਕਰਨਾ ਬਹੁਤ ਜ਼ਰੂਰੀ ਸੀ ਕਿਉਂਕਿ ਇਸ ਨਾਲ ਦੋ ਵਾਰ ਦੀ ਚੈਂਪੀਅਨ ਟੀਮ ਨੂੰ ਆਪਣਾ ਜ਼ਜ਼ਬਾ ਦਿਖਾਉਣ ਅਤੇ ਹਾਰ ਦੇ ਮੂੰਹ ਤੋਂ ਜਿੱਤ ਹਾਸਲ ਕਰਨ 'ਚ ਮਦਦ ਮਿਲੀ। ਮੁਹੰਮਦ ਸ਼ਮੀ ਦੇ ਅੰਤਿਮ ਓਵਰ 'ਚ ਬਣੀ ਹੈਟ੍ਰਿਕ ਤੋਂ ਭਾਰਤ ਸ਼ਨੀਵਾਰ ਨੂੰ ਵਰਲਡ ਕੱਪ ਸੈਮੀਫਾਈਨਲ 'ਚ ਅਫਗਾਨਿਸਤਾਨ ਨੂੰ 11 ਦੌੜਾਂ ਨਾਲ ਹਰਾਉਣ ਦੇ ਬਾਅਦ ਸੈਮੀਫਾਈਨਲ ਦੇ ਕਰੀਬ ਪਹੁੰਚ ਗਿਆ। ਵਰਲਡ ਕੱਪ 'ਚ ਆਪਣਾ ਪਹਿਲਾ ਮੈਚ ਖੇਡ ਰਹੇ ਸ਼ਮੀ ਨੇ ਆਖਰੀ ਓਵਰ 'ਚ 16 ਦੌੜਾਂ ਬਣਨ ਤੋਂ ਬਚਾਉਣ ਤੋਂ ਇਲਾਵਾ ਲਗਾਤਾਰ ਗੇਂਦਾਂ 'ਚ ਖਤਰਨਾਕ ਦਿਸ ਰਹੇ ਮੁਹੰਮਦ ਨਬੀ (55 ਗੇਂਦਾਂ 'ਚ 52 ਦੌੜਾਂ), ਆਫਤਾਬ ਆਲਮ (0) ਅਤੇ ਮੁਜੀਬ ਰਹਿਮਾਨ (0) ਨੂੰ ਆਊਟ ਕਰਕੇ ਆਪਣੀ ਹੈਟ੍ਰਿਕ ਪੂਰੀ ਕੀਤੀ। 

ਕੋਹਲੀ ਨੇ ਮੈਚ ਤੋਂ ਬਾਅਦ ਕਿਹਾ, ''ਇਹ ਮੈਚ ਸਾਡੇ ਲਈ ਜ਼ਿਆਦਾ ਮਹੱਤਵਪੂਰਨ ਸੀ ਕਿਉਂਕਿ ਰਣਨੀਤੀ ਦੇ ਮੁਤਾਬਕ ਨਹੀਂ ਹੋਈ ਅਤੇ ਅਜਿਹੇ ਹੀ ਸਮੇਂ ਤੁਹਾਨੂੰ ਆਪਣਾ ਜਜ਼ਬਾ ਦਿਖਾਉਂਦੇ ਹੋਏ ਵਾਪਸੀ ਕਰਨੀ ਹੁੰਦੀ ਹੈ।'' ਕੋਹਲੀ ਨੇ ਸ਼ਮੀ ਦੇ ਪ੍ਰਦਰਸ਼ਨ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ, ''ਹਰ ਕੋਈ ਮੌਕੇ ਦਾ ਇੰਤਜ਼ਾਰ ਕਰ ਰਿਹਾ ਹੈ। ਸ਼ੰਮੀ ਨੇ ਅੱਜ ਚੰਗਾ ਪ੍ਰਦਰਸ਼ਨ ਕੀਤਾ। ਉਹ ਕਿਸੇ ਦੂਜੇ ਤੋਂ ਕਿਤੇ ਜ਼ਿਆਦਾ ਗੇਂਦ ਨੂੰ ਮੂਲ ਕਰ ਰਿ ਹਾ ਸੀ। ਅਸੀਂ ਜਾਣਦੇ ਹਾਂ ਕਿ ਖਾਰੀ ਸਰਵਸ੍ਰੇਸ਼ਠ ਦਿਖਾਉਣ ਦੇ ਭੁੱਖੇ ਹਨ।''ਅਫਗਾਨਿਸਤਾਨ ਖਿਲਾਫ ਮਿਲੀ ਜਿੱਤ ਬਾਰੇ ਕੋਹਲੀ ਨੇ ਕਿਹਾ, ''ਇਹ ਜਿੱਤ ਕਾਫੀ ਅਹਿਮ ਰਹੀ। ਤੁਸੀਂ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਦੇ ਹੋ ਅਤੇ ਵਿਕਟ ਨੂੰ ਹੌਲੀ ਹੁੰਦਾ ਹੋਏ ਦੇਖਦੇ ਹੋ ਜਿਸ ਨਾਲ ਤੁਹਾਨੂੰ ਲਗਦਾ ਹੈ ਕਿ 260 ਜਾਂ 270 ਦਾ ਟੀਚਾ ਚੰਗਾ ਹੋਵੇਗਾ।'' ਉਨ੍ਹਾਂ ਕਿਹਾ, ''ਫਿਰ ਜਦੋਂ ਖੇਡਣ ਉਤਰੇ ਤਾਂ ਸਾਨੂੰ ਇਸ ਬਾਰੇ ਥੋੜ੍ਹਾ ਖਦਸ਼ਾ ਹੋਇਆ ਪਰ ਇਸ ਦੇ ਨਾਲ ਹੀ ਅੰਦਰ ਆਤਮਵਿਸ਼ਵਾਸ ਸੀ।''