ਵੈਂਕਟੇਸ਼ ਅਈਅਰ ਦੀਆਂ ਦੋ ਗੇਂਦਾਂ ''ਤੇ ਦੋ ਵਿਕਟਾਂ, ਰੋਮਾਂਚਕ ਮੈਚ ''ਚ ਜਿੱਤਿਆ ਲੈਂਕਸ਼ਾਇਰ

ਲੰਡਨ— ਵੈਂਕਟੇਸ਼ ਅਈਅਰ ਨੇ ਵਨ ਡੇ ਕੱਪ 'ਚ ਲੈਂਕਸ਼ਾਇਰ ਵਲੋਂ ਖੇਡਦੇ ਹੋਏ 49ਵੇਂ ਓਵਰ 'ਚ ਵੂਸਟਰਸ਼ਾਇਰ ਦੀਆਂ ਲਗਾਤਾਰ ਦੋ ਗੇਂਦਾਂ 'ਤੇ ਦੋ ਵਿਕਟਾਂ ਲੈ ਕੇ ਆਪਣੀ ਟੀਮ ਨੂੰ ਜਿੱਤ ਦਿਵਾਈ। ਬੁੱਧਵਾਰ ਨੂੰ ਖੇਡੇ ਗਏ ਇਸ ਮੈਚ 'ਚ ਲੈਂਕਸ਼ਾਇਰ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 237 ਦੌੜਾਂ ਬਣਾਈਆਂ। ਵੈਂਕਟੇਸ਼ ਨੇ 42 ਗੇਂਦਾਂ ਵਿੱਚ ਦੋ ਚੌਕਿਆਂ ਦੀ ਮਦਦ ਨਾਲ 25 ਦੌੜਾਂ ਦੀ ਪਾਰੀ ਖੇਡੀ।
ਵੈਂਕਟੇਸ਼ ਨੂੰ 49ਵੇਂ ਓਵਰ ਵਿੱਚ ਸੱਤਵੇਂ ਗੇਂਦਬਾਜ਼ੀ ਵਿਕਲਪ ਵਜੋਂ ਦੁਬਾਰਾ ਗੇਂਦ ਦਿੱਤੀ ਗਈ। ਉਹ ਪੰਜ ਓਵਰ ਪਹਿਲਾਂ ਗੇਂਦਬਾਜ਼ੀ ਕਰ ਚੁੱਕੇ ਸਨ। ਉਸ ਸਮੇਂ ਕਪਤਾਨ ਜੇਕ ਲਿਬੀ 104 ਗੇਂਦਾਂ ਵਿੱਚ 83 ਦੌੜਾਂ ਬਣਾ ਕੇ ਖੇਡ ਰਹੇ ਸਨ। ਵੂਸਟਰਸ਼ਾਇਰ ਨੂੰ ਆਖਰੀ ਦੋ ਓਵਰਾਂ ਵਿੱਚ 15 ਦੌੜਾਂ ਦੀ ਲੋੜ ਸੀ ਅਤੇ ਸਿਰਫ਼ ਦੋ ਵਿਕਟਾਂ ਬਾਕੀ ਸਨ। 49ਵੇਂ ਓਵਰ ਦੀ ਗੇਂਦਬਾਜ਼ੀ ਕਰਨ ਆਏ ਵੈਂਕਟੇਸ਼ ਦੀਆਂ ਪਹਿਲੀਆਂ ਦੋ ਗੇਂਦਾਂ 'ਤੇ ਇੱਕ ਚੌਕਾ ਲੈੱਗ ਬਾਈ ਵਜੋਂ ਅਤੇ ਦੂਜਾ ਬਾਈ ਵਜੋਂ ਆਇਆ ਅਤੇ ਲੈਂਕਸ਼ਾਇਰ ਦੀਆਂ ਮੁਸ਼ਕਲਾਂ ਵਧਣ ਲੱਗੀਆਂ। ਵੈਂਕਟੇਸ਼ ਨੇ ਤੀਜੀ ਗੇਂਦ ਵਾਈਡ ਸੁੱਟ ਦਿੱਤੀ। ਇਸ ਤੋਂ ਬਾਅਦ ਅਗਲੀਆਂ ਤਿੰਨ ਗੇਂਦਾਂ 'ਤੇ ਇਕ ਦੌੜ ਅਤੇ ਇਕ ਵਾਈਡ ਆਇਆ।
ਹੁਣ ਅਜਿਹਾ ਲੱਗ ਰਿਹਾ ਸੀ ਕਿ ਵੂਸਟਰਸ਼ਾਇਰ ਇਹ ਮੈਚ ਜਿੱਤ ਲਵੇਗਾ। ਇਸ ਦੌਰਾਨ ਟਾਮ ਹਿਨਲੇ ਡੀਪ ਮਿਡਵਿਕਟ 'ਤੇ ਬਾਊਂਡਰੀ ਖਿੱਚਣ ਦੀ ਕੋਸ਼ਿਸ਼ 'ਚ ਵੈਂਕਟੇਸ਼ ਦੀ ਗੇਂਦ 'ਤੇ ਕੈਚ ਆਊਟ ਹੋ ਗਏ। ਹੈਰੀ ਡੇਰਲੀ ਸਲੋਗ ਕਰਨ ਦੀ ਕੋਸ਼ਿਸ਼ ਕਰਦੇ ਹੋਏ ਅਗਲੀ ਗੇਂਦ 'ਤੇ ਖੁੰਝ ਗਿਆ ਅਤੇ ਐੱਲ.ਬੀ.ਡਬਲਯੂ. ਇਸ ਨਾਲ ਲੈਂਕਸ਼ਾਇਰ ਨੇ ਇਹ ਰੋਮਾਂਚਕ ਮੈਚ ਤਿੰਨ ਦੌੜਾਂ ਨਾਲ ਜਿੱਤ ਲਿਆ। ਵੈਂਕਟੇਸ਼ ਨੇ ਛੇ ਓਵਰਾਂ ਵਿੱਚ 38 ਦੌੜਾਂ ਦੇ ਕੇ ਦੋ ਵਿਕਟਾਂ ਲਈਆਂ।