ਅੰਡਰ-19 ਏਸ਼ੀਆ ਕੱਪ : ਨੇਪਾਲ ਨੇ ਅਫਗਾਨਿਸਤਾਨ ਨੂੰ 1 ਵਿਕਟ ਨਾਲ ਹਰਾਇਆ

ਸ਼ਾਰਜਾਹ- ਸੰਤੋਸ਼ ਯਾਦਵ, ਉਨਿਸ਼ ਠਾਕੁਰੀ (ਤਿੰਨ-ਤਿੰਨ ਵਿਕਟਾਂ) ਤੇ ਹੋਰਨਾਂ ਦੀ ਸ਼ਾਨਦਾਰ ਗੇਂਦਬਾਜ਼ੀ ਤੋਂ ਬਾਅਦ ਨਰੇਨ ਸੂਦ (26) ਅਤੇ ਕਪਤਾਨ ਹੇਮੰਤ ਧਾਮੀ (ਅਜੇਤੂ 22) ਦੇ ਹਰਫਨਮੌਲਾ ਪ੍ਰਦਰਸ਼ਨ ਦੀ ਬਦੌਲਤ ਨੇਪਾਲ ਨੇ ਮੰਗਲਵਾਰ ਨੂੰ ਅੰਡਰ-19 ਏਸ਼ੀਆ ਕੱਪ ਦੇ 10ਵੇਂ ਵਨਡੇ 'ਚ ਅਫਗਾਨਿਸਤਾਨ ਨੂੰ ਇਕ ਵਿਕਟ ਨਾਲ ਹਰਾ ਦਿੱਤਾ। 123 ਦੌੜਾਂ ਦੇ ਛੋਟੇ ਸਕੋਰ ਦਾ ਪਿੱਛਾ ਕਰਨ ਉਤਰੀ ਨੇਪਾਲ ਦੀ ਸ਼ੁਰੂਆਤ ਬੇਹੱਦ ਖ਼ਰਾਬ ਰਹੀ ਅਤੇ 54 ਦੇ ਸਕੋਰ ਤੱਕ ਛੇ ਵਿਕਟਾਂ ਗੁਆ ਦਿੱਤੀਆਂ। ਮਦਨ ਯਾਦਵ (ਇਕ), ਆਕਾਸ਼ ਤ੍ਰਿਪਾਠੀ (ਨੌਂ), ਸੰਤੋਸ਼ ਯਾਦਵ (ਸੱਤ), ਨਰੇਨ ਭੱਟਾ (ਦੋ), ਰੋਸ਼ਨ ਬਿਸ਼ਵਕਰਮਾ (ਨੌਂ) ਅਤੇ ਉੱਤਮ ਮਗਰ (ਦੋ) ਦੌੜਾਂ ਬਣਾ ਕੇ ਆਊਟ ਹੋਏ। ਅਜਿਹੇ ਸੰਕਟ ਵਿੱਚ ਅਰਜੁਨ ਕੁਮਲ (21) ਅਤੇ ਨਾਰਾਇਣ ਸੂਦ (26) ਦੀ ਸੰਘਰਸ਼ਪੂਰਨ ਪਾਰੀ ਨੇ ਨੇਪਾਲ ਨੂੰ ਜਿੱਤ ਵੱਲ ਲੈ ਗਈ। 

ਅਭਿਸ਼ੇਕ ਤਿਵਾਰੀ ਨੇ 13 ਗੇਂਦਾਂ ਵਿੱਚ ਇੱਕ ਛੱਕਾ ਅਤੇ ਇੱਕ ਚੌਕਾ ਜੜ ਕੇ (13) ਦੌੜਾਂ ਬਣਾਈਆਂ। ਇਸ ਤੋਂ ਬਾਅਦ ਕਪਤਾਨ ਹੇਮੰਤ ਧਾਮੀ ਨੇ 33 ਗੇਂਦਾਂ 'ਤੇ ਦੋ ਚੌਕੇ ਲਗਾ ਕੇ (ਨਾਬਾਦ 22) ਦੌੜਾਂ ਦੀ ਅਹਿਮ ਪਾਰੀ ਖੇਡੀ। ਨੇਪਾਲ ਨੇ 41.3 ਓਵਰਾਂ 'ਚ 9 ਵਿਕਟਾਂ 'ਤੇ 124 ਦੌੜਾਂ ਬਣਾ ਕੇ ਮੈਚ ਇਕ ਵਿਕਟ ਨਾਲ ਜਿੱਤ ਲਿਆ। ਅਫਗਾਨਿਸਤਾਨ ਲਈ ਏਐਮ ਗਜ਼ਨਫਰ ਅਤੇ ਖਾਤਿਰ ਸਟੈਨਿਕਜ਼ਈ ਨੇ ਤਿੰਨ-ਤਿੰਨ ਵਿਕਟਾਂ ਲਈਆਂ। ਮਹਿਬੂਬ ਖਾਨ ਅਤੇ ਅਬਦੁਲ ਅਜ਼ੀਜ਼ ਨੇ ਇਕ-ਇਕ ਬੱਲੇਬਾਜ਼ ਨੂੰ ਆਊਟ ਕੀਤਾ। 

ਇਸ ਤੋਂ ਪਹਿਲਾਂ ਅੱਜ ਅਫਗਾਨਿਸਤਾਨ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਬੱਲੇਬਾਜ਼ੀ ਕਰਨ ਆਈ ਅਫਗਾਨਿਸਤਾਨ ਦੀ ਸ਼ੁਰੂਆਤ ਬੇਹੱਦ ਖਰਾਬ ਰਹੀ ਅਤੇ ਦੋ ਦੌੜਾਂ ਦੇ ਸਕੋਰ 'ਤੇ ਉਸ ਨੇ ਦੋ ਵਿਕਟਾਂ ਗੁਆ ਦਿੱਤੀਆਂ। ਕਪਤਾਨ ਮਹਿਬੂਬ ਖਾਨ (0) ਨੂੰ ਹੇਮੰਤ ਧਾਮੀ ਨੇ ਆਊਟ ਕੀਤਾ ਜਦੋਂਕਿ ਉਜ਼ੈਰੁੱਲ੍ਹਾ ਨਿਆਜ਼ਈ (0) ਨੂੰ ਅਭਿਸ਼ੇਕ ਤਿਵਾਰੀ ਨੇ ਆਊਟ ਕੀਤਾ। ਇਸ ਤੋਂ ਬਾਅਦ ਬੱਲੇਬਾਜ਼ੀ ਕਰਨ ਆਏ ਫੈਜ਼ਲ ਸ਼ਿਨੋਜ਼ਾਦਾ ਨੇ ਪਾਰੀ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ। ਪਰ ਊਨਿਸ਼ ਠਾਕੁਰੀ ਨੇ ਕਿਸੇ ਵੀ ਬੱਲੇਬਾਜ਼ ਨੂੰ ਪਿੱਚ 'ਤੇ ਟਿਕਣ ਨਹੀਂ ਦਿੱਤਾ। ਠਾਕੁਰੀ ਨੇ 11ਵੇਂ ਓਵਰ ਵਿੱਚ ਹਮਜ਼ਾ ਖਾਨ (ਨੌ) ਨੂੰ ਆਊਟ ਕੀਤਾ। ਇਸ ਤੋਂ ਬਾਅਦ ਉਸ ਨੇ ਏਜਾਤ ਬਰਾਕਜ਼ਈ (ਇਕ) ਨੂੰ ਐੱਲ.ਬੀ.ਡਬਲਯੂ ਆਊਟ ਕੀਤਾ। ਇਸ ਤੋਂ ਬਾਅਦ ਏਜ਼ਾਤ ਬਰਕਤ ਇਬਰਾਹਿਮਜ਼ਈ (12) ਨੂੰ ਅਭਿਸ਼ੇਕ ਤਿਵਾਰੀ ਨੇ ਆਊਟ ਕੀਤਾ। ਨਜ਼ੀਫੁੱਲਾ ਅਮੀਰੀ (1), ਨਸੀਰ ਖਾਨ (10), ਏਐਮ ਗਜ਼ਨਫਰ (11), ਖਾਤਿਰ ਸਟੈਨਿਕਜ਼ਈ (15) ਦੌੜਾਂ ਬਣਾ ਕੇ ਆਊਟ ਹੋ ਗਏ। ਟੀਮ ਲਈ ਫੈਜ਼ਲ ਸ਼ਿਨੋਜ਼ਾਦਾ ਨੇ ਸਭ ਤੋਂ ਵੱਧ (50) ਦੌੜਾਂ ਬਣਾਈਆਂ। ਨੇਪਾਲ ਦੇ ਗੇਂਦਬਾਜ਼ੀ ਹਮਲੇ ਦੇ ਸਾਹਮਣੇ ਅਫਗਾਨਿਸਤਾਨ ਦੀ ਪੂਰੀ ਟੀਮ 35.4 ਓਵਰਾਂ 'ਚ 123 ਦੌੜਾਂ 'ਤੇ ਸਿਮਟ ਗਈ। ਨੇਪਾਲ ਲਈ ਸੰਤੋਸ਼ ਯਾਦਵ ਅਤੇ ਉਨਿਸ਼ ਠਾਕੁਰੀ ਨੇ ਤਿੰਨ-ਤਿੰਨ ਵਿਕਟਾਂ ਲਈਆਂ। ਹੇਮੰਤ ਧਾਮੀ ਅਤੇ ਅਭਿਸ਼ੇਕ ਤਿਵਾਰੀ ਨੇ ਦੋ-ਦੋ ਬੱਲੇਬਾਜ਼ਾਂ ਨੂੰ ਆਊਟ ਕੀਤਾ।