4 ਵਿਕਟਾਂ ਹਾਸਲ ਕਰਨ ਵਾਲੇ ਮੁਹੰਮਦ ਨਬੀ ਨੇ ਰਚਿਆ ਇਤਿਹਾਸ, ਬਣਾਇਆ ਇਹ ਰਿਕਾਰਡ

ਹੈਦਰਾਬਾਦ : ਰਾਇਲ ਚੈਲੰਜਰਜ਼ ਬੈਂਗਲੁਰੂ ਨੂੰ ਸਨਰਾਈਜ਼ਰਸ ਹੈਦਰਾਬਾਦ ਹੱਥੋਂ ਆਈ. ਪੀ. ਐੱਲ. 2019 ਦੇ 11ਵੇਂ ਮੈਚ ਵਿਚ 118 ਦੌੜਾਂ ਨਾਲ ਹਾਰ ਸਾਹਮਣਾ ਕਰਨਾ ਪਿਆ। ਹੈਦਰਾਬਾਦ ਦੀ ਇਸ ਜਿੱਤ ਵਿਚ ਜਾਨੀ ਬੇਅਰਸਟੋ (114) ਅਤੇ ਵਾਰਨਰ (100) ਦੀ ਪਾਰੀ ਦੇ ਨਾਲ ਹੀ ਮੁਹੰਮਦ ਨਬੀ ਦੀ ਗੇਂਦਬਾਜ਼ੀ ਦਾ ਵੀ ਵੱਡਾ ਯੋਗਦਾਨ ਰਿਹਾ ਹੈ ਜਿਸ ਨੇ ਸਹੀ ਸਮੇਂ 'ਤੇ ਵਿਕਟ ਲੈ ਕੇ ਆਰ. ਸੀ. ਬੀ. ਨੂੰ ਟੀਚੇ ਤੱਕ ਪਹੁੰਚਣ ਤੋਂ ਰੋਕਿਆ।

ਮੁਹੰਮਦ ਨਬੀ ਨੇ 4 ਓਵਰ ਵਿਚ 11 ਦੌੜਾਂ ਦੇ ਕੇ 4 ਵਿਕਟਾਂ ਲਈ ਅਤੇ ਨਾਲ ਹੀ ਇਕ ਖਾਸ ਰਿਕਾਰਡ ਆਪਣੇ ਨਾਂ ਕਰ ਲਿਆ। ਮੁਹੰਮਦ ਨਬੀ ਦਾ ਇਹ ਗੇਂਦਬਾਜ਼ੀ ਪ੍ਰਦਰਸ਼ਨ ਆਈ. ਪੀ. ਐੱਲ. ਵਿਚ ਸਨਰਾਈਜ਼ਰਸ ਹੈਦਰਾਬਾਦ ਲਈ ਦੂਜਾ ਸਭ ਤੋਂ ਬੈਸਟ ਗੇਂਦਬਾਜ਼ੀ ਪ੍ਰਦਰਸ਼ਨ ਹੈ। ਦੱਸ ਦਈਏ ਕਿ ਆਈ. ਪੀ. ਐੱਲ. ਵਿਚ ਇਸ ਤੋਂ ਪਹਿਲਾਂ ਭੁਵਨੇਸ਼ਵਰ ਕੁਮਾਰ ਨੇ ਸਾਲ 2017 ਵਿਚ ਕਿੰਗਜ਼ ਇਲੈਵਨ ਪੰਜਾਬ ਖਿਲਾਫ ਹੈਦਰਾਬਾਦ ਵਿਚ ਖੇਡੇ ਗਏ ਮੈਚ ਵਿਚ 4 ਵਰ ਵਿਚ 19 ਦੌੜਾਂ ਦੇ ਕੇ 5 ਵਿਕਟਾਂ ਲਈਆਂ ਸੀ।

ਉੱਥੇ ਹੀ ਸਾਲ 2014 ਵਿਚ ਭੁਵਨੇਸ਼ਵਰ ਨੇ ਅਹਿਮਦਾਬਾਦ ਵਿਚ ਰਾਜਸਥਾਨ ਖਿਲਾਫ 4 ਓਵਰਾਂ ਵਿਚ 14 ਦੌੜਾਂ ਦੇ ਕੇ 4 ਵਿਕਟਾਂ ਹਾਸਲ ਕੀਤੀਆਂ। ਦੱਸ ਦਈਏ ਕਿ ਮੁਹੰਮਦ ਨਬੀ ਨੇ ਇਸ ਮੈਚ ਵਿਚ ਪਾਰਥਿਵ ਪਟੇਲ, ਸ਼ਿਰਮੋਨ ਹੇਟਮਾਇਰ, ਏ. ਬੀ. ਡਿਵਿਲੀਅਰਜ਼ ਅਤੇ ਸ਼ਿਵਮ ਦੂਬੇ ਨੂੰ ਆਊ ਕੀਤਾ ਅਤੇ ਇਸ ਹਿਸਾਬ ਨਾਲ ਇੱਥੇ ਹੈਦਰਾਬਾਦ ਨੂੰ ਵੱਡੀ ਜਿੱਤ ਦਿਵਾਉਣ ਵਿਚ ਉਸਦਾ ਬਹੁਤ ਮਹੱਤਵ ਹੈ। ਜ਼ਿਕਰਯੋਗ ਹੈ ਕਿ ਮੁਹੰਮਦ ਨਬੀ ਅਫਗਾਨਿਸਤਾਨ ਦੇ ਖਿਡਾਰੀ ਹਨ ਅਤੇ ਰਾਸ਼ਿਦ ਖਾਨ ਦੀ ਤਰ੍ਹਾਂ ਇਹ ਵੀ ਆਈ. ਪੀ. ਐੱਲ. ਵਿਚ ਤਹਿਲਕਾ ਮਚਾ ਰਹੇ ਹਨ। ਰਾਸ਼ਿਦ ਖਾਨ ਵੀ ਹੈਦਰਾਬਾਦ ਟੀਮ ਦਾ ਹਿੱਸਾ ਹਨ। ਆਗਾਮੀ ਵਿਸ਼ਵ ਕੱਪ ਵਿਚ ਵੀ ਇਸ ਖਿਡਾਰੀ ਦੀ ਅਫਗਾਨਿਸਤਾਨ ਟੀਮ ਲਈ ਵੱਡੀ ਭੂਮਿਕਾ ਹੋਵੇਗੀ।