ਇਹ ਹਨ IPL ''ਚ ਸਭ ਤੋਂ ਜ਼ਿਆਦਾ ਚੌਕੇ ਲਗਾਉਣ ਵਾਲੇ 7 ਬੱਲੇਬਾਜ਼
Sunday, Jan 21, 2018 - 03:52 PM (IST)
ਨਵੀਂ ਦਿੱਲੀ (ਬਿਊਰੋ)— ਆਈ.ਪੀ.ਐੱਲ. ਵਿਚ ਬੱਲੇਬਾਜ਼ਾਂ ਦਾ ਜਲਵਾ ਰਿਹਾ ਹੈ, ਨਾਲ ਹੀ ਜੋ ਬੱਲੇਬਾਜ਼ ਗੇਂਦ ਨੂੰ ਸੀਮਾ ਪਾਰ ਭੇਜਣ ਵਿਚ ਕਿੰਨਾ ਸਮਰੱਥਾਵਾਨ ਹੈ। ਓਨੀ ਹੀ ਜ਼ਿਆਦਾ ਉਸਦੀ ਮੰਗ ਹੈ, ਇਹੀ ਵਜ੍ਹਾ ਹੈ ਕਿ ਹਰ ਸਾਲ ਆਈ.ਪੀ.ਐੱਲ. ਦੀ ਨਿਲਾਮੀ ਵਿਚ ਧਮਾਕੇਦਾਰ ਬੱਲੇਬਾਜ਼ਾਂ ਲਈ ਟੀਮਾਂ ਵੱਡੇ ਵੱਡੇ ਦਾਅ ਖੇਡਣ ਤੋਂ ਵੀ ਪਿੱਛੇ ਨਹੀਂ ਹੱਟਦੀਆਂ ਹਨ। ਅੱਜ ਇਸ ਅਸੀ ਤੁਹਾਨੂੰ ਅਜਿਹੇ 7 ਬੱਲੇਬਾਜਾਂ ਦੇ ਬਾਰੇ ਵਿੱਚ ਦੱਸ ਰਹੇ ਹਾਂ, ਜਿਨ੍ਹਾਂ ਨੇ ਆਈ.ਪੀ.ਐੱਲ. ਵਿਚ ਸਭ ਤੋਂ ਜ਼ਿਆਦਾ ਚੌਕੇ ਲਗਾਏ ਹਨ-
ਗੰਭੀਰ ਨੇ 148 ਮੈਚਾਂ ਦੀਆਂ 147 ਪਾਰੀਆਂ ਵਿਚ 483 ਚੌਕੇ ਲਗਾਏ, ਜੋ ਇਸ ਲਿਸਟ ਵਿਚ ਸਭ ਤੋਂ ਜ਼ਿਆਦਾ ਹਨ। ਗੰਭੀਰ ਨੇ ਆਈ.ਪੀ.ਐੱਲ. ਵਿਚ 35 ਅਰਧ ਸੈਂਕੜੇ ਵੀ ਲਗਾਏ ਹਨ, ਹਾਲਾਂਕਿ ਅਜੇ ਤੱਕ ਉਹ ਇਸ ਲੀਗ ਵਿਚ ਸੈਂਕੜਾ ਨਹੀਂ ਬਣਾ ਸਕੇ ਹਨ।
ਟੀਮ ਇੰਡੀਆ ਤੋਂ ਬਾਹਰ ਚੱਲ ਰਹੇ ਖੱਬੇ ਹੱਥ ਦੇ ਇਸ ਧਮਾਕੇਦਾਰ ਬੱਲੇਬਾਜ਼ ਨੇ ਆਈ.ਪੀ.ਐੱਲ. ਦੇ 161 ਮੈਚਾਂ ਦੀਆਂ 157 ਪਾਰੀਆਂ 'ਚ 402 ਚੌਕੇ ਲਗਾਏ ਹਨ। ਇਸਦੇ ਇਲਾਵਾ ਆਈ.ਪੀ.ਐੱਲ. ਵਿਚ ਉਨ੍ਹਾਂ ਦੇ ਨਾਮ ਸਭ ਤੋਂ ਜ਼ਿਆਦਾ 4540 ਦੌੜਾਂ ਬਣਾਉਣ ਦਾ ਰਿਕਾਰਡ ਵੀ ਦਰਜ ਹੈ।
ਆਸਟਰੇਲੀਆ ਦੇ ਸਲਾਮੀ ਬੱਲੇਬਾਜ਼ ਡੇਵਿਡ ਵਾਰਨਰ ਦਾ ਪ੍ਰਦਰਸ਼ਨ ਵੀ ਆਈ.ਪੀ.ਐੱਲ. ਵਿਚ ਵਧੀਆ ਰਿਹਾ ਹੈ। 114 ਮੈਚਾਂ ਦੀਆਂ 114 ਪਾਰੀਆਂ ਵਿਚ ਉਨ੍ਹਾਂ ਨੇ 401 ਚੌਕੇ ਲਗਾਏ ਹਨ। ਉਨ੍ਹਾਂ ਨੂੰ ਹੈਦਰਾਬਾਦ ਨੇ ਰਿਟੇਨ ਵੀ ਕੀਤਾ ਹੈ।
ਭਾਰਤ ਦੇ ਸਲਾਮੀ ਬੱਲੇਬਾਜ਼ ਸ਼ਿਖਰ ਧਵਨ ਨੇ 127 ਮੈਚਾਂ ਦੀਆਂ 126 ਪਾਰੀਆਂ ਵਿਚ 401 ਚੌਕੇ ਲਗਾਏ ਹਨ। ਹਾਲਾਂਕਿ ਇਸ ਵਾਰ ਉਨ੍ਹਾਂ ਨੂੰ ਹੈਦਰਾਬਾਦ ਦੀ ਟੀਮ ਨੇ ਰਿਟੇਨ ਨਹੀਂ ਕੀਤਾ ਹੈ। ਅਜਿਹੇ ਵਿਚ ਉਹ ਨਿਲਾਮੀ ਦੀ ਪ੍ਰਕਿਰਿਆ ਤੋਂ ਹੋ ਕੇ ਗੁਜਰਨਗੇ।
ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੇ 149 ਮੈਚਾਂ ਦੀਆਂ 141 ਪਾਰੀਆਂ ਵਿਚ 382 ਚੌਕੇ ਲਗਾਏ ਹਨ। ਆਈ.ਪੀ.ਐੱਲ. ਵਿਚ ਉਨ੍ਹਾਂ ਦੇ ਨਾਮ 4 ਸੈਂਕੜੇ ਵੀ ਦਰਜ ਹਨ। ਹਾਲਾਂਕਿ ਕਪਤਾਨ ਕੋਹਲੀ ਆਪਣੀ ਟੀਮ ਨੂੰ ਚੈਂਪੀਅਨ ਬਣਾਉਣ ਵਿਚ ਅਸਫਲ ਰਹੇ ਹਨ।
ਭਾਰਤ ਦੇ ਸਾਬਕਾ ਸਲਾਮੀ ਬੱਲੇਬਾਜ਼ ਉਥੱਪਾ ਨੇ ਆਈ.ਪੀ.ਐੱਲ. ਵਿਚ 149 ਮੈਚਾਂ ਦੀਆਂ 142 ਪਾਰੀਆਂ ਵਿਚ 371 ਚੌਕੇ ਜੜੇ ਹਨ। ਪਿਛਲੀ ਵਾਰ ਕੇ.ਕੇ.ਆਰ. ਲਈ ਖੇਡਣ ਵਾਲੇ ਇਸ ਵਿਕਟਕੀਪਰ ਬੱਲੇਬਾਜ਼ ਨੂੰ ਨਿਲਾਮੀ ਤੋਂ ਹੋ ਕੇ ਲੰਘਣਾ ਪਵੇਗਾ।
ਮੁੰਬਈ ਇੰਡੀਅਨਸ ਦੇ ਸਭ ਤੋਂ ਸਫਲ ਕਪਤਾਨ ਰੋਹਿਤ ਸ਼ਰਮਾ ਨੇ 159 ਮੈਚਾਂ ਦੀਆਂ 154 ਪਾਰੀਆਂ ਵਿਚ 354 ਚੌਕੇ ਲਗਾਏ ਹਨ। ਰੋਹਿਤ ਨੂੰ ਇਸ ਵਾਰ ਵੀ ਮੁੰਬਈ ਨੇ ਰਿਟੇਨ ਕੀਤਾ ਹੋਇਆ ਹੈ।
