ਪ੍ਰਸ਼ੰਸਕਾਂ ਦੇ ਪਿਆਰ ਨੇ ਦਿਖਾਇਆ ਕਿ ਇਹ ਟਰਾਫੀ ਉਨ੍ਹਾਂ ਲਈ ਕੀ ਮਾਇਨੇ ਰੱਖਦੀ ਹੈ : ਰੋਹਿਤ ਸ਼ਰਮਾ

ਮੁੰਬਈ : ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਨੇ ਇੱਥੇ ਹੋਏ ਬੇਮਿਸਾਲ ਸਵਾਗਤ ਤੋਂ ਪ੍ਰਭਾਵਿਤ ਹੋ ਕੇ ਕਿਹਾ ਕਿ ਜਿੱਤ ਦੀ ਪਰੇਡ ਦੌਰਾਨ ਪ੍ਰਸ਼ੰਸਕਾਂ ਦੇ ਅਥਾਹ ਪਿਆਰ ਨੇ ਸਾਬਤ ਕਰ ਦਿੱਤਾ ਕਿ ਇਹ ਟੀ-20 ਵਿਸ਼ਵ ਕੱਪ ਸਿਰਫ਼ ਉਨ੍ਹਾਂ ਦੀ ਟੀਮ ਲਈ ਹੀ ਨਹੀਂ ਸਗੋਂ ਪੂਰੇ ਦੇਸ਼ ਲਈ ਕੀ ਮਾਅਨੇ ਰੱਖਦਾ ਹੈ। ਰੋਹਿਤ ਨੇ ਬੀਸੀਸੀਆਈ ਟੀਵੀ ਨੂੰ ਕਿਹਾ, 'ਤੁਸੀਂ ਇਸ ਉਤਸ਼ਾਹ ਤੋਂ ਅੰਦਾਜ਼ਾ ਲਗਾ ਸਕਦੇ ਹੋ। ਇਸ ਤੋਂ ਇਹ ਸਾਬਤ ਹੁੰਦਾ ਹੈ ਕਿ ਇਸ ਟਰਾਫੀ ਦਾ ਸਾਡੇ ਲਈ ਹੀ ਨਹੀਂ ਸਗੋਂ ਪੂਰੇ ਦੇਸ਼ ਲਈ ਕੀ ਅਰਥ ਹੈ। ਮੈਨੂੰ ਖੁਸ਼ੀ ਹੈ ਕਿ ਅਸੀਂ ਅਜਿਹਾ ਕੁਝ ਹਾਸਲ ਕਰ ਸਕੇ ਹਾਂ।
ਰੋਹਿਤ ਨੇ ਦੂਜੀ ਵਾਰ ਟੀ-20 ਵਿਸ਼ਵ ਕੱਪ ਜਿੱਤਿਆ ਹੈ ਪਰ ਇਹ ਉਨ੍ਹਾਂ ਲਈ ਖਾਸ ਹੈ। ਉਨ੍ਹਾਂ ਕਿਹਾ, '2007 ਵੱਖਰਾ ਸੀ। ਮੈਂ ਇਸ ਨੂੰ ਭੁੱਲ ਨਹੀਂ ਸਕਦਾ ਕਿਉਂਕਿ ਉਹ ਮੇਰਾ ਪਹਿਲਾ ਵਿਸ਼ਵ ਕੱਪ ਸੀ। ਇਹ ਖਾਸ ਹੈ ਕਿਉਂਕਿ ਮੈਂ ਇਸ ਵਾਰ ਕਪਤਾਨ ਸੀ। ਇਹ ਮੇਰੇ ਲਈ ਬਹੁਤ ਮਾਣ ਵਾਲਾ ਪਲ ਹੈ।