ਚਿੰਨਾਸਵਾਮੀ ਜਾਂ ਈਡਨ ਗਾਰਡਨਸ ਨਹੀਂ, ਇਸ ਸਟੇਡੀਅਮ ''ਚ ਖੇਡਿਆ ਜਾਵੇਗਾ IPL 2026 ਦਾ ਫਾਈਨਲ ਮੈਚ

ਸਪੋਰਟਸ ਡੈਸਕ : ਆਈ.ਪੀ.ਐੱਲ. (IPL) 2026 ਦੇ ਫਾਈਨਲ ਮੁਕਾਬਲੇ ਨੂੰ ਲੈ ਕੇ ਇੱਕ ਵੱਡਾ ਅਪਡੇਟ ਸਾਹਮਣੇ ਆਇਆ ਹੈ। ਇਸ ਵਾਰ ਟੂਰਨਾਮੈਂਟ ਦਾ ਫਾਈਨਲ ਮੈਚ 31 ਮਈ ਨੂੰ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ। ਪਹਿਲਾਂ ਇਹ ਉਮੀਦ ਕੀਤੀ ਜਾ ਰਹੀ ਸੀ ਕਿ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੇ ਘਰੇਲੂ ਮੈਦਾਨ ਐਮ. ਚਿੰਨਾਸਵਾਮੀ ਸਟੇਡੀਅਮ ਨੂੰ ਮੇਜ਼ਬਾਨੀ ਮਿਲੇਗੀ, ਪਰ ਹੁਣ ਇਹ ਮੈਚ ਅਹਿਮਦਾਬਾਦ ਵਿੱਚ ਕਰਵਾਉਣ ਦਾ ਫੈਸਲਾ ਲਿਆ ਗਿਆ ਹੈ।

ਬੈਂਗਲੁਰੂ ਤੋਂ ਮੇਜ਼ਬਾਨੀ ਖੋਹਣ ਦਾ ਕਾਰਨ 
ਰਿਪੋਰਟਾਂ ਅਨੁਸਾਰ, ਬੈਂਗਲੁਰੂ ਤੋਂ ਫਾਈਨਲ ਦੀ ਮੇਜ਼ਬਾਨੀ ਖੋਹਣ ਦੇ ਪਿੱਛੇ ਟਿਕਟਾਂ ਦੀ ਵੰਡ ਨਾਲ ਜੁੜਿਆ ਇੱਕ ਵੱਡਾ ਵਿਵਾਦ ਦੱਸਿਆ ਜਾ ਰਿਹਾ ਹੈ। ਹਾਲਾਂਕਿ, ਅਧਿਕਾਰਤ ਤੌਰ 'ਤੇ ਅਜੇ ਤੱਕ ਇਸ ਬਾਰੇ ਕੋਈ ਸਪੱਸ਼ਟ ਬਿਆਨ ਨਹੀਂ ਦਿੱਤਾ ਗਿਆ ਹੈ।

ਪਲੇਆਫ ਮੈਚਾਂ ਦਾ ਪੂਰਾ ਸ਼ਡਿਊਲ 
ਆਈ.ਪੀ.ਐੱਲ. 2026 ਦੇ ਪਲੇਆਫ ਮੈਚਾਂ ਲਈ ਸਟੇਡੀਅਮਾਂ ਦੀ ਚੋਣ ਕਰ ਲਈ ਗਈ ਹੈ :
ਕੁਆਲੀਫਾਇਰ 1: HPCA ਸਟੇਡੀਅਮ, 26 ਮਈ।
ਐਲੀਮੀਨੇਟਰ: ਮਹਾਰਾਜਾ ਯਾਦਵਿੰਦਰ ਸਿੰਘ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ (ਮੁੱਲਾਂਪੁਰ), 27 ਮਈ।
ਕੁਆਲੀਫਾਇਰ 2: ਮੁੱਲਾਂਪੁਰ ਸਟੇਡੀਅਮ, 29 ਮਈ।
ਫਾਈਨਲ: ਨਰਿੰਦਰ ਮੋਦੀ ਸਟੇਡੀਅਮ (ਅਹਿਮਦਾਬਾਦ), 31 ਮਈ।

ਲਗਾਤਾਰ ਦੂਜੀ ਵਾਰ ਅਹਿਮਦਾਬਾਦ ਨੂੰ ਮੌਕਾ 
ਇਹ ਲਗਾਤਾਰ ਦੂਜਾ ਸੀਜ਼ਨ ਹੈ ਜਦੋਂ ਅਹਿਮਦਾਬਾਦ ਫਾਈਨਲ ਦੀ ਮੇਜ਼ਬਾਨੀ ਕਰੇਗਾ। ਇਸ ਤੋਂ ਪਹਿਲਾਂ 2022, 2023 ਅਤੇ ਪਿਛਲੇ ਸਾਲ 2025 ਦਾ ਫਾਈਨਲ ਵੀ ਇਸੇ ਮੈਦਾਨ 'ਤੇ ਖੇਡਿਆ ਗਿਆ ਸੀ।