IND vs NZ : ਟੈਸਟ ਸੀਰੀਜ਼ ’ਚ ਹਾਰ ’ਤੇ ਸਾਬਕਾ ਕ੍ਰਿਕਟਰਾਂ ਨੇ ਟੀਮ ਇੰਡੀਆ ’ਤੇ ਚੁੱਕੇ ਸਵਾਲ

ਨਵੀਂ ਦਿੱਲੀ— ਬਿਸ਼ਨ ਸਿੰਘ ਬੇਦੀ, ਵੀ. ਵੀ. ਐੱਸ ਲਕਸ਼ਮਨ ਅਤੇ ਸੰਜੇ ਮਾਂਜਰੇਕਰ ਸਮੇਤ ਸਾਬਕਾ ਭਾਰਤੀ ਕ੍ਰਿਕਟਟਰਾਂ ਨੇ ਸੋਮਵਾਰ ਨੂੰ ਨਿਊਜ਼ੀਲੈਂਡ ’ਚ ਟੈਸਟ ਸੀਰੀਜ਼ ’ਚ ਭਾਰਤ ਦੀ 0-2 ਦੀ ਹਾਰ ਦੇ ਬਾਅਦ ਵਿਰਾਟ ਕੋਹਲੀ ਦੀ ਅਗਵਾਈ ਵਾਲੀ ਟੀਮ ਦੀ ਰਣਨੀਤੀ ’ਤੇ ਸਵਾਲ ਚੁੱਕੇ। ਟੀਮ ਇੰਡੀਆ ਨੂੰ ਕ੍ਰਾਈਸਟਚਰਚ ’ਚ ਦੂਜੇ ਟੈਸਟ ’ਚ ਤਿੰਨ ਦਿਨ ਦੇ ਅੰਦਰ 7 ਵਿਕਟਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਜਦਕਿ ਵੇਲਿੰਗਟਨ ’ਚ ਟੀਮ ਨੇ ਪਹਿਲਾ ਟੈਸਟ 10 ਵਿਕਟਾਂ ਨਾਲ ਗੁਆਇਆ ਸੀ। 

ਬੇਦੀ ਨੇ ਟਵੀਟ ਕੀਤਾ, ‘‘ਕੀ ਕੋਈ ਦੱਸ ਸਕਦਾ ਹੈ ਕਿ ਨਿਊਜ਼ੀਲੈਂਡ ਨੇ ਦੁਨੀਆ ਦੀ ਨੰਬਰ ਇਕ ਟੀਮ ’ਤੇ ਪੂਰੀ ਤਰ੍ਹਾਂ ਦਬਦਬਾ ਕਿਵੇਂ ਬਣਾਇਆ? ਮੈਨੂੰ ਸਹੀ ਕਾਰਨ ਸਮਝ ਨਹੀਂ ਰਿਹਾ ਹੈ। ਕੀ ਕਿਸੇ ਵਿਅਕਤੀ ਨੂੰ ਬੇਇੱਜ਼ਤ ਕੀਤੇ ਬਗ਼ੈਰ ਕੋਈ ਮੇਰੀ ਮਦਦ ਕਰ ਸਕਦਾ ਹੈ।’’ ਉਨ੍ਹਾਂ ਕਿਹਾ, ‘‘ਇਸ ਵਿਚਾਲੇ ਸੰਜਮ ਰੱਖਣ, ਸ਼ਾਂਤ ਰਹਿਣ ਅਤੇ ਵਚਨਬੱਧਤਾ ਦਿਖਾਉਣ ਲਈ ਨਿਊਜ਼ੀਲੈਂਡ ਦੀ ਸ਼ਲਾਘਾ ਕਰੋ।’’

How does one explain complete Kiwi dominance over No1 Test team..?!! Am struggling to press the right button..could someone pl help without being abusive or atrociously unkind to any individual..?!!Meanwhile let’s praise NZ fr cool & calculated commitment..& staying Calm/Humble!

— Bishan Bedi (@BishanBedi) March 2, 2020

ਲਕਸ਼ਮਨ ਦਾ ਮੰਨਣਾ ਹੈ ਕਿ ਸੀਰੀਜ਼ ਦੇ ਦੌਰਾਨ ਭਾਰਤੀ ਟੀਮ ਅਨੁਸ਼ਾਸਨ ’ਚ ਨਹੀਂ ਹੈ। ਉਨ੍ਹਾਂ ਟਵੀਟ ਕੀਤਾ, ‘‘ਭਾਰਤ ਨੂੰ ਹਰਾਉਣ ਅਤੇ ਟੈਸਟ ਸੀਰੀਜ਼ ਸੌਖਿਆਂ ਹੀ ਜਿੱਤਣ ਲਈ ਨਿਊਜ਼ੀਲੈਂਡ ਨੂੰ ਵਧਾਈ। ਭਾਰਤ ਜ਼ਰੂਰੀ ਅਨੁਸ਼ਾਸਨ ਨਹੀਂ ਦਿਖਾ ਸਕਿਆ ਅਤੇ ਇਹ ਬੇਹੱਦ ਨਿਰਾਸ਼ਾਜਨਕ ਹੈ।’’ 

Many congratulations to the @BLACKCAPS on beating India and winning the Test series comprehensively. India couldn't show the discipline required to stick it out and will be deeply disappointed. #NZvIND pic.twitter.com/znJZHLr8Kx

— VVS Laxman (@VVSLaxman281) March 2, 2020

ਸਾਬਕਾ ਭਾਰਤੀ ਸਲਾਮੀ ਬੱਲੇਬਾਜ਼ ਆਕਾਸ਼ ਚੋਪੜਾ ਨੇ ਕਿਹਾ ਕਿ 2018 ’ਚ ਇੰਗਲੈਂਡ ਅਤੇ ਦੱਖਣੀ ਅਫਰੀਕੀ ਦੌਰਿਆਂ ਦੇ ਉਲਟ ਇਸ ਸੀਰੀਜ਼ ’ਚ ਕੋਹਲੀ ਦੀ ਟੀਮ ਮੁਕਾਬਲੇਬਾਜ਼ੀ ਵੀ ਪੇਸ਼ ਨਾ ਕਰ ਸਕੀ। ਚੋਪੜਾ ਨੇ ਕਿਹਾ, ‘‘ਕੋਹਲੀ ਦੀ ਅਗਵਾਈ ’ਚ ਭਾਰਤ ਨੇ ਵਿਦੇਸ਼ੀ ਸਰਜ਼ਮੀਂ ’ਤੇ ਜ਼ਿਆਦਾਤਰ ਟੈਸਟ ਮੈਚ ’ਚ ਚੰਗੀ ਮੁਕਾਬਲੇਬਾਜ਼ੀ ਪੇਸ਼ ਕੀਤੀ ਹੈ ਪਰ ਇਹ ਸੀਰੀਜ਼ ਵੱਖ ਸੀ। ਭਾਰਤ ਨੇ ਸਿਰਫ ਇਸ ’ਚ ਹਿੱਸਾ ਲਿਆ ਹੈ। ਬੱਲੇਬਾਜ਼ੀ ਅਤੇ ਨਿਊਜ਼ੀਲੈਂਡ ਦੇ ਲੋਅਰ ਆਰਡਰ ਨੂੰ ਅਸਫਲ ਕਰਨ ’ਚ ਭਾਰਤ ਨੇ ਨਿਰਾਸ਼ ਕੀਤਾ।’’

India under Kohli competed in most Tests overseas....but this series was different. India only participated. Batting and the inability to dismiss NZ’s lower-order let India down. #NZvInd

— Aakash Chopra (@cricketaakash) March 2, 2020

ਟਵਿੱਟਰ ’ਤੇ ਸਵਾਲ ਜਵਾਬ ਦੇ ਦੌਰਾਨ ਸਾਬਕਾ ਭਾਰਤੀ ਬੱਲੇਬਾਜ਼ ਸੰਜੇ ਮਾਂਜਰੇਕਰ ਨੇ ਰਾਸ਼ਟਰੀ ਟੀਮ ਨੂੰ ਸਲਾਹ ਦਿੱਤੀ। ਮਾਂਜਰੇਕਰ ਨੇ ਕਿਹਾ, ‘‘ਆਖਰੀ ਤੇ ਘੱਟ ਤਜਰਬੇਕਾਰ ਬੱਲੇਬਾਜ਼ਾਂ ਨੂੰ ਆਊਟ ਕਰਨ ਲਈ ਜ਼ਰੂਰਤ ਤੋਂ ਜ਼ਿਆਦਾ ਕੋਸ਼ਿਸ਼ ਕਰ ਰਹੇ ਹਨ? ਸਰਵਸ੍ਰੇਸ਼ਠ ਇਹ ਹੈ ਕਿ ਆਮ ਯੋਜਨਾ ਅਪਣਾਓ ਜੋ ਤੁਸੀਂ ਟਾਪ ਆਰਡਰ ਦੇ ਖਿਲਾਫ ਅਪਣਾਈ।’’