ਟੀ-20 ਵਿਸ਼ਵ ਕੱਪ : ਨਿਊਯਾਰਕ ''ਚ ਲਿਆਂਦੀਆਂ ਜਾ ਰਹੀਆਂ ਹਨ ''ਡਰਾਪ ਇਨ'' ਪਿੱਚਾਂ

ਨਿਊਯਾਰਕ : ਆਗਾਮੀ ਟੀ-20 ਵਿਸ਼ਵ ਕੱਪ ਲਈ ਫਲੋਰੀਡਾ ਤੋਂ 'ਡਰਾਪ ਇਨ' ਪਿੱਚਾਂ ਨੂੰ ਨਿਊਯਾਰਕ ਲਿਆਂਦਾ ਜਾ ਰਿਹਾ ਹੈ ਜਿੱਥੇ ਬਾਕੀ ਮੈਚਾਂ ਤੋਂ ਇਲਾਵਾ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਗਰੁੱਪ ਪੜਾਅ ਦਾ ਮੈਚ ਵੀ 9 ਜੂਨ ਨੂੰ ਹੋਣਾ ਹੈ। ਇਹ ਇੱਕ ਪਿੱਚ ਹੈ ਜੋ ਮੈਦਾਨ ਜਾਂ ਸਥਾਨ ਤੋਂ ਕਿਤੇ ਦੂਰ ਬਣਾਈ ਜਾਂਦੀ ਹੈ ਅਤੇ ਬਾਅਦ ਵਿੱਚ ਸਟੇਡੀਅਮ ਵਿੱਚ ਲਿਆ ਕੇ ਵਿਛਾ ਦਿੱਤੀ ਜਾਂਦੀ ਹੈ।
ਦਸੰਬਰ ਤੋਂ ਫਲੋਰੀਡਾ ਵਿੱਚ ਦਸ ਡਰਾਪ-ਇਨ ਪਿੱਚਾਂ ਬਣਾਈਆਂ ਜਾ ਰਹੀਆਂ ਹਨ। ਇਹ ਪਿੱਚਾਂ ਐਡੀਲੇਡ ਓਵਲ ਟਰਫ ਸਲਿਊਸ਼ਨਜ਼ ਦੀ ਅਗਵਾਈ ਹੇਠ ਬਣਾਈਆਂ ਜਾ ਰਹੀਆਂ ਹਨ, ਜਿਸ ਦੀ ਅਗਵਾਈ ਐਡੀਲੇਡ ਓਵਲ ਦੇ ਚੀਫ ਕਿਊਰੇਟਰ ਡੈਮੀਅਰ ਹੌਗ ਨੇ ਕੀਤੀ। ਆਈਸੀਸੀ ਦੀ ਰੀਲੀਜ਼ ਦੇ ਅਨੁਸਾਰ, ਨਸਾਓ ਸਟੇਡੀਅਮ ਵਿੱਚ ਚਾਰ ਪਿੱਚਾਂ ਬਣਾਈਆਂ ਜਾਣਗੀਆਂ ਜਦੋਂ ਕਿ ਛੇ ਨੇੜਲੇ ਅਭਿਆਸ ਕੰਪਲੈਕਸ ਵਿੱਚ ਸਥਾਪਤ ਕੀਤੀਆਂ ਜਾਣਗੀਆਂ।
ਐਡੀਲੇਡ ਓਵਲ ਟਰਫ ਸਲਿਊਸ਼ਨਜ਼ ਟੀਮ ਪਿੱਚ ਦੇ ਰੱਖ-ਰਖਾਅ ਵਿੱਚ ਸਹਾਇਤਾ ਲਈ ਟੂਰਨਾਮੈਂਟ ਦੌਰਾਨ ਨਿਊਯਾਰਕ ਵਿੱਚ ਆਧਾਰਿਤ ਹੋਵੇਗੀ। ਇਹ ਟੂਰਨਾਮੈਂਟ ਅਮਰੀਕਾ ਅਤੇ ਵੈਸਟਇੰਡੀਜ਼ ਵਿੱਚ 2 ਤੋਂ 29 ਜੂਨ ਤੱਕ ਖੇਡਿਆ ਜਾਵੇਗਾ।