Team INDIA ਤੋਂ ਮਿਲੀ ਹਾਰ ਮਗਰੋਂ ਆਸਟ੍ਰੇਲੀਆਈ ਕਪਤਾਨ ਸਟੀਵ ਸਮਿਥ ਨੇ ਵਨਡੇ ਕ੍ਰਿਕਟ ਤੋਂ ਲਿਆ ਸੰਨਿਆਸ

ਸਪੋਰਟਸ ਡੈਸਕ : ਆਸਟ੍ਰੇਲੀਆਈ ਟੀਮ ਦੇ ਕਪਤਾਨ ਸਟੀਵ ਸਮਿਥ ਨੇ ODI ਕ੍ਰਿਕਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਹੈ। ਭਾਰਤੀ ਟੀਮ ਨੇ ਆਈਸੀਸੀ ਚੈਂਪੀਅਨਜ਼ ਟਰਾਫੀ 2025 ਦੇ ਸੈਮੀਫਾਈਨਲ ਮੈਚ ਵਿੱਚ ਆਸਟ੍ਰੇਲੀਆ ਨੂੰ 4 ਵਿਕਟਾਂ ਨਾਲ ਹਰਾਇਆ।

ਇਸ ਮੈਚ ਵਿੱਚ ਹਾਰ ਤੋਂ ਬਾਅਦ ਸਟੀਵ ਸਮਿਥ ਨੇ ਆਸਟ੍ਰੇਲੀਆਈ ਟੀਮ ਨੂੰ ਇੱਕ ਹੋਰ ਵੱਡਾ ਝਟਕਾ ਦਿੱਤਾ। ਸਟੀਵ ਸਮਿਥ ਨੇ ਵਨਡੇ ਤੋਂ ਸੰਨਿਆਸ ਲੈ ਲਿਆ। ਹਾਲਾਂਕਿ, ਉਹ ਟੈਸਟ ਅਤੇ ਟੀ-20 ਮੈਚਾਂ ਵਿੱਚ ਖੇਡਦਾ ਨਜ਼ਰ ਆਵੇਗਾ।

ਇਹ ਵੀ ਪੜ੍ਹੋ : India ਤੋਂ ਹਾਰ ਮਗਰੋਂ ਪਾਕਿਸਤਾਨ ਕ੍ਰਿਕਟ 'ਚ ਭੁਚਾਲ, ਰਿਜ਼ਵਾਨ ਤੋਂ ਖੋਹੀ ਕਪਤਾਨੀ, ਬਾਬਰ-ਸ਼ਾਹੀਨ ਦੀ ਹੋਈ ਛੁੱਟੀ

ਸਟੀਵ ਸਮਿਥ ਨੇ ਕਿਹਾ ਕਿ ਇਹ ਇੱਕ ਸ਼ਾਨਦਾਰ ਯਾਤਰਾ ਸੀ ਅਤੇ ਮੈਂ ਇਸਦੇ ਹਰ ਮਿੰਟ ਦਾ ਆਨੰਦ ਮਾਣਿਆ। ਬਹੁਤ ਸਾਰੇ ਸ਼ਾਨਦਾਰ ਸਮੇਂ ਅਤੇ ਸ਼ਾਨਦਾਰ ਯਾਦਾਂ ਰਹੀਆਂ ਹਨ। ਦੋ ਵਿਸ਼ਵ ਕੱਪ ਜਿੱਤਣਾ ਇੱਕ ਵੱਡਾ ਆਕਰਸ਼ਣ ਸੀ। ਇਸ ਤੋਂ ਇਲਾਵਾ, ਬਹੁਤ ਸਾਰੇ ਸ਼ਾਨਦਾਰ ਟੀਮ ਸਾਥੀਆਂ ਨੇ ਇਸ ਯਾਤਰਾ ਨੂੰ ਸਾਂਝਾ ਕੀਤਾ।

ਸਮਿਥ ਦਾ ਵਨਡੇ ਰਿਕਾਰਡ
ਸਟੀਵ ਸਮਿਥ ਨੇ ਆਸਟ੍ਰੇਲੀਆ ਲਈ 170 ਵਨਡੇ ਮੁਕਾਬਲੇ ਖੇਡੇ ਹਨ, ਜਿਸ 'ਚ ਉਨ੍ਹਾਂ ਨੇ 43.28 ਦੀ ਔਸਤ ਨਾਲ 86.96 ਦੀ ਸਟ੍ਰਾਈਕ ਰੇਟ ਨਾਲ 5800 ਦੌੜਾਂ ਬਣਾਈਆਂ। ਇਸ 'ਚ 12 ਸੈਂਕੜੇ ਤੇ 35 ਅਰਧ ਸੈਂਕੜੇ ਸ਼ਾਮਲ ਰਹੇ। ਸਟੀਵ ਸਮਿਥ ਦਾ ਵਨਡੇ ਸਰਵਉੱਚ ਸਕੋਰ 164 ਰਿਹਾ ਹੈ, ਜੋ ਸਾਲ 2016 'ਚ ਸਿਡਨੀ ਕ੍ਰਿਕਟ ਗਰਾਊਂਡ 'ਚ ਨਿਊਜ਼ੀਲੈਂਡ ਖਿਲਾਫ ਆਇਆ ਸੀ। ਸਮਿਥ ਨੇ ਵਨਡੇ 'ਚ 28 ਵਿਕਟਾਂ ਵੀ ਲਈਆਂ।

ਇਹ ਵੀ ਪੜ੍ਹੋ : ਜਲੰਧਰ ਦੇ ਸਿੱਖ ਕ੍ਰਿਕਟਰ ਨੂੰ Champions Trophy ਵਿਚਾਲੇ ਮਿਲਿਆ ਖ਼ਾਸ ਤੋਹਫ਼ਾ

ਸਟੀਵ ਸਮਿਥ ਨੇ 64 ਵਨਡੇ ਮੈਚਾਂ 'ਚ ਆਸਟ੍ਰੇਲੀਆ ਦੀ ਕਪਤਾਨੀ ਕੀਤੀ, ਜਿਸ 'ਚ ਕੰਗਾਰੂ ਟੀਮ ਨੂੰ 32 'ਚ ਜਿੱਤ ਮਿਲੀ ਤੇ 28 'ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਜਦਕਿ ਚਾਰ ਮੁਕਾਬਲੇ ਬੇਨਤੀਜਾ ਰਹੇ। ਸਟੀਵ ਸਮਿਥ 2015 ਤੇ 2023 ਦੇ ਵਨਡੇ ਵਰਲਡ ਕੱਪ ਜੇਤੂ ਰਹੀ ਕੰਗਾਰੂ ਟੀਮ ਦੇ ਮੈਂਬਰ ਵੀ ਰਹੇ ਚੁੱਕੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8