ਮੈਕਸਵੇਲ ਬਣਨ ਦੇ ਚੱਕਰ ''ਚ ਇਸ ਤਰ੍ਹਾਂ ਆਊਟ ਹੋਇਆ ਇਹ ਬੱਲੇਬਾਜ਼, ਲੋਕਾਂ ਨੇ ਕੀਤਾ ਖੂਬ ਟਰੋਲ

ਕੋਲੰਬੋ— ਭਾਰਤੀ ਕ੍ਰਿਕਟ ਟੀਮ ਨੇ ਦੂਜੇ ਟੈਸਟ ਮੈਚ ਦੇ ਚੌਥੇ ਦਿਨ ਐਤਵਾਰ ਨੂੰ ਸ਼੍ਰੀਲੰਕਾ ਨੂੰ ਇੱਕ ਪਾਰੀ ਅਤੇ 53 ਦੌੜਾਂ ਨਾਲ ਹਰਾ ਦਿੱਤਾ। ਇਸਦੇ ਨਾਲ ਭਾਰਤ ਨੇ ਤਿੰਨ ਮੈਚਾਂ ਦੀ ਸੀਰੀਜ਼ ਵਿਚ ਅਜੇਤੂ ਲੀਡ ਬਣਾ ਲਈ। ਆਪਣੀ ਪਹਿਲੀ ਪਾਰੀ 183 ਦੌੜਾਂ ਉੱਤੇ ਸਿਮਟਣ ਦੇ ਬਾਅਦ ਫਾਲੋਆਨ ਨੂੰ ਮਜ਼ਬੂਰ ਮੇਜ਼ਬਾਨ ਟੀਮ ਦਿਮੁਥ ਕਰੁਣਾਰਤਨੇ (ਅਜੇਤੂ 141) ਅਤੇ ਕੁਸ਼ਲ ਮੇਂਡਿਸ (110) ਦੀ ਸ਼ਾਨਦਾਰ ਸੈਂਕੜਿਆਂ ਦੇ ਬਾਵਜੂਦ ਦੂਜੀ ਪਾਰੀ ਵਿੱਚ 386 ਦੌੜਾਂ ਉੱਤੇ ਢੇਰ ਹੋ ਗਈ। ਬਦਕਿਸਮਤੀ ਨਾਲ ਘਰੇਲੂ ਟੀਮ ਲਈ ਪੁਸ਼ਪਕੁਮਾਰ ਦਾ ਅਨੁਭਵ ਵਧੀਆ ਨਹੀਂ ਰਿਹਾ ਕਿਉਂਕਿ ਉਹ ਅਲੱਗ ਤਰ੍ਹਾਂ ਨਾਲ ਸ਼ਾਰਟ ਮਾਰਨ ਦੇ ਚੱਕਰ ਵਿਚ ਆਊਟ ਹੋ ਗਏ। ਟੀਮ ਨੂੰ ਮੈਚ ਅਤੇ ਸੀਰੀਜ਼ ਨੂੰ ਬਚਾਉਣ ਲਈ ਪੁਸ਼ਪਕੁਮਾਰ ਤੋਂ ਬਹੁਤ ਉਂਮੀਦਾਂ ਸਨ। ਕੇਵਲ ਸ਼੍ਰੀਲੰਕਾ ਦੇ ਫੈਂਸ ਨੇ ਹੀ ਨਹੀਂ ਸਗੋਂ ਸੁਨੀਲ ਗਾਵਸਕਰ ਨੇ ਵੀ ਉਨ੍ਹਾਂ ਦੀ ਪਸੰਦ ਦੇ ਸ਼ਾਰਟ ਲਈ ਉਨ੍ਹਾਂ ਦੀ ਆਲੋਚਨਾ ਕੀਤੀ। ਇਸਦੇ ਬਾਅਦ ਲੋਕਾਂ ਨੇ ਟਵਿਟਰ ਉੱਤੇ ਤਰ੍ਹਾਂ-ਤਰ੍ਹਾਂ ਦੇ ਕੁਮੈਂਟ ਕੀਤੇ। ਇਕ ਯੂਜ਼ਰ ਨੇ ਲਿਖਿਆ ਕਿ ਤਾਂ ਕੀ ਤੁਹਾਨੂੰ ਲੱਗਦਾ ਹੈ ਕਿ ਮਲਿੰਡਾ ਪੁਸ਼ਪਕੁਮਾਰ ਕੋਲ ਖੜੇ ਰਹਿਣ ਦੇ ਦੌਰਾਨ ਕੋਹਲੀ ਨੇ ਉਨ੍ਹਾਂ ਨੂੰ ਆਈ.ਪੀ.ਐਲ. ਕਾਂਟਰੈਕਟ ਆਫਰ ਕੀਤਾ ਸੀ।

ਉੱਥੇ ਹੀ ਸ਼੍ਰੀਲੰਕਾਈ ਯੂਜ਼ਰ ਨੇ ਲਿਖਿਆ, ਪੁਸ਼ਪਾਕੁਮਾਰ ਇੱਕ ਲੋਅਰ ਆਰਡਰ ਬੱਲੇਬਾਜ਼ ਹਨ, ਇਹ ਇੱਕ ਬਹਾਨਾ ਨਹੀਂ ਹੈ। ਇਹ ਇੱਕ ਖ਼ਰਾਬ ਸ਼ਾਰਟ ਸੀ। ਇਕ ਟਵਿੱਟਰ ਯੂਜ਼ਰ ਨੇ ਇੱਥੋਂ ਤੱਕ ਲਿਖ ਦਿੱਤਾ ਕਿ ਪੁਸ਼ਪਕਕੁਮਾਰ ਨੇ ਆਪਣੀ ਭੂਮਿਕਾ ਬਹੁਤ ਚੰਗੀ ਤਰ੍ਹਾਂ ਨਾਲ ਨਿਭਾਈ ਪਰ ਅੰਤ ਵਿੱਚ ਉਹ ਆਪਣੀ ਭੂਮਿਕਾ ਨੂੰ ਭੁੱਲ ਗਏ ਅਤੇ ਗਲੇਨ ਮੈਕਸਵੇਲ ਬਣਨ ਦੇ ਚੱਕਰ ਵਿੱਚ ਅਜਿਹਾ ਹੋ ਗਿਆ।