ਸਪੈਨਿਸ਼ ਟੈਨਿਸ ਖਿਡਾਰੀ ''ਤੇ ਸੱਟੇਬਾਜੀ ਲਈ 4 ਸਾਲ ਦੀ ਲੱਗੀ ਪਾਬੰਦੀ
10/01/2020 10:19:19 AM
ਲੰਡਨ (ਭਾਸ਼ਾ) : ਸਪੈਨਿਸ਼ ਟੈਨਿਸ ਖਿਡਾਰੀ ਗੇਰਾਡ ਜੋਸੇਫ ਪਲੇਟੇਰੋ ਰੋਡਰਿਗਸ 'ਤੇ ਕੋਰਟਸਾਈਡਿੰਗ (ਸੱਟੇਬਾਜੀ ਲਈ ਮੈਚ ਦੀ ਜਾਣਕਾਰੀ ਉਪਲੱਬਧ ਕਰਾਉਣਾ) ਵਿਚ ਸ਼ਮੂਲੀਅਤ ਦੇ ਚਲਦੇ 4 ਸਾਲ ਲਈ ਪਾਬੰਦੀ ਲਗਾ ਦਿੱਤੀ ਗਈ ਹੈ ਅਤੇ ਉਨ੍ਹਾਂ 'ਤੇ 15,000 ਡਾਲਰ ਦਾ ਜੁਰਮਾਨਾ ਵੀ ਲਗਾਇਆ ਗਿਆ ਹੈ। ਉਹ ਪਹਿਲੇ ਅਜਿਹੇ ਖਿਡਾਰੀ ਹਨ, ਜਿਨ੍ਹਾਂ 'ਤੇ ਇਸ ਤਰ੍ਹਾਂ ਦੇ ਦੋਸ਼ ਲੱਗੇ ਹਨ।
ਟੈਨਿਸ ਖੇਡ ਵਿਚ ਇਸ ਤਰ੍ਹਾਂ ਦੇ ਮਾਮਲਿਆਂ 'ਤੇ ਫ਼ੈਸਲਾ ਕਰਣ ਵਾਲੀ ਇਕਾਈ ਨੇ ਬੁੱਧਵਾਰ ਨੂੰ ਕਿਹਾ ਕਿ 6 ਮਹੀਨੇ ਦੀ ਪਾਬੰਦੀ ਮੁਅੱਤਲ ਹੋਵੇਗੀ ਪਰ ਇਹ ਖਿਡਾਰੀ ਦੇ ਭਵਿੱਖ ਵਿਚ ਟੈਨਿਸ ਭ੍ਰਿਸ਼ਟਾਚਾਰ ਰੋਧੀ ਪ੍ਰੋਗਰਾਮ ਦੀ ਉਲੰਘਣਾ ਕਰਦੇ ਹੋਏ ਨਾ ਪਾਏ ਜਾਣ 'ਤੇ ਹੀ ਲਾਗੂ ਹੋਵੇਗਾ। ਜਾਂਚ ਤੋਂ ਪਤਾ ਲੱਗਾ ਕਿ ਰੋਡਰਿਗਸ ਨੇ ਜੁਲਾਈ 2019 ਵਿਚ ਪੈਨਸਿਲਵੇਨੀਆ ਦੇ ਪਿਟਸਬਰਗ ਵਿਚ ਖੇਡੇ ਗਏ ਆਈ.ਟੀ.ਐਫ. ਟੂਰਨਾਮੈਂਟ ਵਿਚ 'ਕੋਰਟਸਾਈਡਰ' ਦੀ ਭੂਮਿਕਾ ਨਿਭਾਈ ਸੀ। ਟੈਨਿਸ ਵਿਚ ਕੋਰਟ ਸਾਈਡਿੰਗ ਕਰਣਾ ਚੋਣ ਜ਼ਾਬਤਾ ਦੀ ਉਲੰਘਣਾ ਹੈ ਜਿਸ ਵਿਚ ਸੱਟੇਬਾਜੀ ਦੇ ਉਦੇਸ਼ ਤੋਂ ਕਿਸੇ ਤੀਸਰੇ ਪੱਖ ਨੂੰ ਮੈਚ ਦਾ ਸਕੋਰ ਉਪਲੱਬਧ ਕਰਾਇਆ ਜਾਂਦਾ ਹੈ। ਰੋਡਰਿਗਸ ਨੂੰ ਜੂਨ 2019 ਦੌਰਾਨ ਟੈਨਿਸ ਮੈਚਾਂ 'ਤੇ 75 ਆਨਲਾਈਨ ਸੱਟੇ ਲਗਾਉਂਦੇ ਹੋਏ ਪਾਇਆ ਗਿਆ ਸੀ। ਇਕਾਈ ਨੇ ਕਿਹਾ ਕਿ ਜਾਂਚ ਦੌਰਾਨ ਉਸ ਨੇ ਕਿਸੇ ਤਰ੍ਹਾਂ ਦਾ ਸਹਿਯੋਗ ਵੀ ਨਹੀਂ ਕੀਤਾ।
