ਸਿੰਗਾਪੁਰ ਓਪਨ ਦੇ ਪ੍ਰੀ-ਕੁਆਰਟਰ ਫਾਈਨਲ ''ਚ ਮਾਰਿਨ ਤੋਂ ਹਾਰੀ ਸਿੰਧੂ

ਸਿੰਗਾਪੁਰ, (ਭਾਸ਼ਾ) ਪੀ.ਵੀ. ਸਿੰਧੂ ਨੂੰ ਆਪਣੀ ਕੱਟੜ ਵਿਰੋਧੀ ਕੈਰੋਲੀਨਾ ਮਾਰਿਨ ਖਿਲਾਫ 18-15 ਦੀ ਬੜ੍ਹਤ ਬਣਾਉਣ ਦੇ ਬਾਅਦ ਸਿੰਗਾਪੁਰ ਓਪਨ ਬੈਡਮਿੰਟਨ ਦੇ ਮਹਿਲਾ ਸਿੰਗਲਜ਼ ਪ੍ਰੀ-ਕੁਆਰਟਰ ਫਾਈਨਲ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਸਿੰਧੂ, ਜੋ ਪਿਛਲੇ ਹਫਤੇ ਥਾਈਲੈਂਡ ਓਪਨ ਵਿੱਚ ਉਪ ਜੇਤੂ ਰਹੀ ਸੀ, ਨੇ ਇੱਕ ਘੰਟਾ ਅੱਠ ਮਿੰਟ ਤੱਕ ਚੱਲੇ BWF ਵਰਲਡ ਟੂਰ ਸੁਪਰ 750 ਮੈਚ ਨੂੰ 21-13, 11-20, 20-22 ਨਾਲ ਗੁਆਇਆ। 

ਦੋਵੇਂ ਖਿਡਾਰੀ ਡੈਨਮਾਰਕ ਓਪਨ ਦੇ ਸੈਮੀਫਾਈਨਲ ਦੇ ਸੱਤ ਮਹੀਨਿਆਂ ਬਾਅਦ ਪਹਿਲੀ ਵਾਰ ਇਕ-ਦੂਜੇ ਦਾ ਸਾਹਮਣਾ ਕਰ ਰਹੇ ਸਨ। ਪਹਿਲੀ ਗੇਮ ਹਾਰਨ ਤੋਂ ਬਾਅਦ ਦੁਨੀਆ ਦੇ ਤੀਜੇ ਨੰਬਰ ਦੇ ਖਿਡਾਰੀ ਮਾਰਿਨ ਨੇ ਸ਼ਾਨਦਾਰ ਵਾਪਸੀ ਕੀਤੀ ਅਤੇ ਲਗਾਤਾਰ ਛੇ ਅੰਕ ਬਣਾਏ ਅਤੇ 17-7 ਦਾ ਸਕੋਰ ਬਣਾ ਕੇ ਬੜ੍ਹਤ ਹਾਸਲ ਕੀਤੀ। ਇਸ ਤੋਂ ਬਾਅਦ ਸਿੰਧੂ ਨੂੰ ਵਾਪਸੀ ਦਾ ਮੌਕਾ ਨਾ ਦੇ ਕੇ ਮੈਚ ਨੂੰ ਫੈਸਲਾਕੁੰਨ ਖੇਡ ਵੱਲ ਖਿੱਚਿਆ ਗਿਆ। ਸਿੰਧੂ ਨੇ ਫੈਸਲਾਕੁੰਨ ਗੇਮ 'ਚ ਲੀਡ ਲੈ ਲਈ ਪਰ ਮਾਰਿਨ ਨੇ ਵਾਪਸੀ ਕੀਤੀ। ਸਿੰਧੂ ਖ਼ਿਲਾਫ਼ 17 ਮੈਚਾਂ ਵਿੱਚ ਇਹ ਉਸ ਦੀ 12ਵੀਂ ਜਿੱਤ ਸੀ।