ਭਾਰਤ ਤੋਂ ਹਾਰ ''ਤੇ ਭੜਕੇ ਸ਼ੋਏਬ ਮਲਿਕ, ਬਾਬਰ ਆਜ਼ਮ ਨੂੰ ਕਿਹਾ-ਤੁਹਾਡਾ ਦਿਮਾਗ ਕਦੋਂ ਕੰਮ ਕਰੇਗਾ

ਸਪੋਰਟਸ ਡੈਸਕ- ਟੀ20 ਵਿਸ਼ਵ ਕੱਪ 'ਚ ਭਾਰਤ ਦੇ ਖਿਲਾਫ ਸ਼ਰਮਨਾਕ ਹਾਰ ਤੋਂ ਬਾਅਦ ਪਾਕਿਸਤਾਨ ਦੇ ਅਨੁਭਵੀ ਕ੍ਰਿਕਟਰ ਸ਼ੋਏਬ ਮਲਿਕ ਨੇ ਆਪਣੇ ਸਾਬਕਾ ਸਾਥੀ ਬਾਬਰ ਆਜ਼ਮ 'ਤੇ ਨਿਸ਼ਾਨਾ ਵਿੰਨ੍ਹਿਆ ਹੈ। ਮਲਿਕ ਨੇ ਕਿਹਾ ਕਿ ਬਾਬਰ ਆਜ਼ਮ ਨੂੰ ਟੀ20ਆਈ ਕਪਤਾਨ ਦਾ ਅਹੁਦਾ ਛੱਡ ਦੇਣਾ ਚਾਹੀਦਾ। ਮਲਿਕ ਨੇ ਅਜੇ ਤੱਕ ਅਧਿਕਾਰਿਕ ਤੌਰ 'ਤੇ ਟੀ20ਆਈ ਫਾਰਮੈਟ ਤੋਂ ਸੰਨਿਆਸ ਨਹੀਂ ਲਿਆ ਹੈ, ਨੇ ਪਾਕਿਸਤਾਨ ਵਲੋਂ ਵਿਸ਼ੇਸ਼ਕਰ ਵਰਤਮਾਨ ਕਪਤਾਨ ਲਈ ਕੁਝ ਕਠੋਰ ਸ਼ਬਦ ਰਿਜ਼ਰਵ ਰੱਖੇ ਸਨ। ਮਲਿਕ ਨੇ ਕਿਹਾ ਕਿ ਬਾਬਰ ਨੂੰ ਕਪਤਾਨੀ ਤੋਂ ਹਟਾ ਦੇਣਾ ਚਾਹੀਦਾ ਕਿਉਂਕਿ ਉਹ ਇਕ ਬੱਲੇਬਾਜ਼ ਦੇ ਤੌਰ 'ਤੇ ਪ੍ਰਦਰਸ਼ਨ ਨਹੀਂ ਕਰ ਸਕਦੇ। ਪਾਕਿਸਤਾਨ ਐਤਵਾਰ 9 ਜੂਨ ਨੂੰ ਭਾਰਤ ਦੇ ਖਿਲਾਫ ਮੈਚ ਦੀ ਦੂਜੀ ਪਾਰੀ ਹਾਰ ਗਏ ਜਿਸ ਨਾਲ ਨਿਊਯਾਰਕ ਦੇ ਨਾਸਾਊ ਕਾਊਂਟੀ ਕੌਮਾਂਤਰੀ ਕ੍ਰਿਕਟ ਸਟੇਡੀਅਮ 'ਚ 120 ਦੌੜਾਂ ਦਾ ਆਸਾਨ ਟੀਚੇ ਦਾ ਪਿੱਛਾ ਕਰਨਾ ਮੁਸ਼ਕਿਲ ਹੋ ਗਿਆ। ਬਾਬਰ ਆਜ਼ਮ ਅਤੇ ਮੁਹੰਮਦ ਰਿਜ਼ਵਾਨ ਸਮੇਤ ਪੂਰੀ ਬੈਟਿੰਗ ਲਾਈਨ-ਅਪ ਫੇਲ੍ਹ ਹੋ ਗਈ ਅਤੇ ਪਾਕਿਸਤਾਨ 6 ਦੌੜਾਂ ਨਾਲ ਮੈਚ ਹਾਰ ਗਿਆ।
ਸ਼ੋਏਬ ਮਲਿਕ ਨੇ ਕਿਹਾ ਕਿ ਮੈਂ ਕਾਫੀ ਸਮੇਂ ਤੋਂ ਕਹਿ ਰਿਹਾ ਹਾਂ, ਕਿਰਪਾ ਕਰਕੇ ਕਪਤਾਨੀ ਛੱਡ ਦਿਓ। ਤੁਸੀਂ ਇਕ ਕਲਾਸ ਖਿਡਾਰੀ ਹੋ ਅਤੇ ਤੁਸੀਂ ਆਪਣਾ ਕਲਾਸ ਉਦੋਂ ਦਿਖਾ ਪਾਓਗੇ ਜਦੋਂ ਤੁਹਾਡੇ ਉਪਰ ਹੋਰ ਜ਼ਿੰਮੇਵਾਰੀਆਂ ਨਹੀਂ ਹੋਣਗੀਆਂ। ਜੇਕਰ ਬਾਬਰ ਕਪਤਾਨੀ ਤੋਂ ਦੂਰ ਰਹਿੰਦੇ ਹਨ ਤਾਂ ਅਜਿਹਾ ਹੋਵੇਗਾ। ਉਨ੍ਹਾਂ ਲਈ ਚੰਗਾ ਹੈ। ਸ਼ੋਏਬ ਮਲਿਕ ਨੇ ਤਕਨੀਕੀ ਰੂਪ ਨਾਲ ਗਲਤ ਪਾਰੀ ਖੇਡਣ ਲਈ ਬਾਬਰ ਦੀ ਆਲੋਚਨਾ ਕੀਤੀ ਅਤੇ ਪੁੱਛਿਆ ਕਿ ਕਠਿਟ ਸਥਿਤੀਆਂ 'ਚ ਬਾਬਰ ਦਾ ਦਿਮਾਗ ਕਦੋਂ ਕੰਮ ਕਰੇਗਾ। ਉਨ੍ਹਾਂ ਨੇ ਕਿਹਾ ਕਿ ਲੋਕ ਬਾਬਰ ਅਤੇ ਰਿਜ਼ਵਾਨ ਦੇ ਸਟ੍ਰਾਈਕ ਰੇਟ ਦੇ ਬਾਰੇ 'ਚ ਗੱਲ ਕਰਦੇ ਰਹਿੰਦੇ ਹਨ, ਇਸ ਲਈ ਤੁਸੀਂ ਸਈਮ ਅਯੂਬ ਨੂੰ ਲਿਆਏ। ਐਤਵਾਰ ਇਹ 120 ਦਾ ਪਿੱਛਾ ਸੀ, ਤੁਸੀਂ ਆਪਣੇ ਸਟ੍ਰਾਈਕ ਰੇਟ 'ਚ ਸੁਧਾਰ ਕਰਨ ਦੀ ਕੋਸ਼ਿਸ਼ ਕਿਉਂ ਕਰ ਰਹੇ ਸੀ?
ਮੰਚ ਹਰ ਤਰ੍ਹਾਂ ਨਾਲ ਤਿਆਰ ਕੀਤਾ ਗਿਆ ਸੀ। ਜੇਕਰ ਇਕ ਨੇਤਾ ਦੇ ਰੂਪ 'ਚ ਅਤੇ ਇਕ ਬੱਲੇਬਾਜ਼, ਇਸ ਤਰ੍ਹਾਂ ਦੀਆਂ ਸਥਿਤੀਆਂ 'ਚ ਤੁਹਾਡਾ ਦਿਮਾਗ ਸਰਗਰਮ ਨਹੀਂ ਹੁੰਦਾ ਹੈ ਤਾਂ ਅਜਿਹਾ ਕਦੋਂ ਹੋਵੇਗਾ? ਮੈਂ ਅੱਜ ਕਹਿਣ ਲਈ ਮਜ਼ਬੂਰ ਹਾਂ ਕਿ ਟੀ20ਆਈ ਫਾਰਮੈਟ 'ਚ ਇਸ ਟੀਮ ਦੇ ਮੂਲ ਖਿਡਾਰੀ ਦਾ ਸਮਰਥਨ ਕਰਨਾ ਬੰਦ ਕਰਨਾ ਹੋਵੇਗਾ। 
ਪਾਕਿਸਤਾਨ ਭਾਰੀ ਪਰੇਸ਼ਾਨੀ 'ਚ ਹੈ ਅਤੇ ਉਸ ਨੂੰ ਟੀ20 ਵਿਸ਼ਵ ਕੱਪ 2024 'ਚ ਬਣੇ ਰਹਿਣ ਲਈ ਆਪਣੇ ਅੰਤਿਮ ਦੋ ਮੈਚ ਵੱਡੇ ਅੰਤਰ ਨਾਲ ਜਿੱਤਣ ਦੀ ਲੋੜ ਹੈ ਕਿਉਂਕਿ ਭਾਰਤ ਤੋਂ ਪਹਿਲਾਂ ਪਾਕਿਸਤਾਨ ਨੂੰ ਅਮਰੀਕਾ ਤੋਂ ਵੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਕਰੋ ਜਾਂ ਮਰੋ ਦੇ ਮੁਕਾਬਲੇ 'ਚ ਪਾਕਿਸਤਾਨ ਦਾ ਅਗਲਾ ਮੁਕਾਬਲਾ ਨਿਊਯਾਰਕ 'ਚ ਕੈਨੇਡਾ ਨਾਲ ਹੋਵੇਗਾ।