ਸ਼ੀਤਲ, ਸਰਿਤਾ ਨੇ ਵਿਸ਼ਵ ਪੈਰਾ ਤੀਰਅੰਦਾਜ਼ੀ ਵਿੱਚ ਜਿੱਤਿਆ ਚਾਂਦੀ ਦਾ ਤਮਗਾ

ਗਵਾਂਗਜੂ (ਦੱਖਣੀ ਕੋਰੀਆ)- ਭਾਰਤ ਦੀ ਸ਼ੀਤਲ ਦੇਵੀ ਅਤੇ ਸਰਿਤਾ ਨੇ ਸ਼ਨੀਵਾਰ ਨੂੰ ਇੱਥੇ ਵਿਸ਼ਵ ਤੀਰਅੰਦਾਜ਼ੀ ਪੈਰਾ ਚੈਂਪੀਅਨਸ਼ਿਪ ਦੇ ਕੰਪਾਊਂਡ ਮਹਿਲਾ ਓਪਨ ਟੀਮ ਮੁਕਾਬਲੇ ਦੇ ਫਾਈਨਲ ਵਿੱਚ ਤੁਰਕੀ ਤੋਂ ਹਾਰਨ ਤੋਂ ਬਾਅਦ ਚਾਂਦੀ ਦਾ ਤਗਮਾ ਜਿੱਤਿਆ। ਭਾਰਤੀ ਜੋੜੀ ਨੇ ਸ਼ਾਨਦਾਰ ਸ਼ੁਰੂਆਤ ਕੀਤੀ ਅਤੇ ਪਹਿਲੇ ਦੌਰ ਵਿੱਚ ਓਜ਼ਨੂਰ ਕਿਊਰ ਗਿਰਦੀ ਅਤੇ ਬਰਸਾ ਫਾਤਮਾ ਉਨ ਦੀ ਤੁਰਕੀ ਜੋੜੀ 'ਤੇ 38-37 ਦੀ ਬੜ੍ਹਤ ਬਣਾਈ। ਭਾਰਤੀ ਜੋੜੀ ਨੇ ਆਪਣੇ ਪਹਿਲੇ ਚਾਰ ਤੀਰਾਂ ਵਿੱਚ ਤਿੰਨ ਵਾਰ 10 ਅੰਕ ਬਣਾਏ ਜਦੋਂ ਕਿ ਤੁਰਕੀ ਜੋੜੀ ਸਿਰਫ ਇੱਕ ਵਾਰ 10 ਅੰਕ ਹੀ ਬਣਾ ਸਕੀ। 

ਤੁਰਕੀ ਤੀਰਅੰਦਾਜ਼ਾਂ ਨੇ ਦੂਜੇ ਦੌਰ ਵਿੱਚ ਤਿੰਨ ਵਾਰ 10 ਅੰਕਾਂ ਨਾਲ 39 ਅੰਕ ਬਣਾ ਕੇ ਵਾਪਸੀ ਕੀਤੀ ਅਤੇ ਸਕੋਰ 76-76 'ਤੇ ਬਰਾਬਰ ਕਰ ਦਿੱਤਾ। ਤੀਜੇ ਦੌਰ ਵਿੱਚ ਭਾਰਤੀ ਜੋੜੀ ਦਬਾਅ ਵਿੱਚ ਆ ਗਈ। ਸ਼ੀਤਲ ਅਤੇ ਸਰਿਤਾ ਇੱਕ ਵਾਰ 10 ਅੰਕ, ਦੋ ਵਾਰ 9 ਅੰਕ ਅਤੇ ਇੱਕ ਵਾਰ 8 ਅੰਕ ਬਣਾ ਕੇ ਕੁੱਲ 36 ਅੰਕ ਬਣਾ ਸਕੀ। ਤੁਰਕੀ ਜੋੜੀ ਨੇ ਵਧੇਰੇ ਇਕਸਾਰਤਾ ਦਿਖਾਈ, ਇੱਕ 10 ਅਤੇ ਤਿੰਨ 9 ਨਿਸ਼ਾਨੇਬਾਜ਼ੀ ਕਰਕੇ ਕੁੱਲ ਸਕੋਰ ਵਿੱਚ ਇੱਕ ਅੰਕ ਦੀ ਬੜ੍ਹਤ ਬਣਾਈ। ਗਿਰਦੀ ਅਤੇ ਉਨ ਨੇ ਅਗਲੇ ਦੌਰ ਵਿੱਚ ਸੰਭਾਵਿਤ 40 ਵਿੱਚੋਂ 39 ਅੰਕ ਪ੍ਰਾਪਤ ਕਰਕੇ ਜਿੱਤ ਪ੍ਰਾਪਤ ਕੀਤੀ, ਜਦੋਂ ਕਿ ਭਾਰਤੀ ਟੀਮ ਸਿਰਫ਼ 36 ਅੰਕ ਹੀ ਬਣਾ ਸਕੀ, ਜਿਸ ਵਿੱਚ ਇੱਕ ਤੀਰ ਸੱਤ ਅੰਕਾਂ ਨਾਲ ਲੱਗਿਆ। ਤੁਰਕੀ ਨੇ 152-148 ਨਾਲ ਜਿੱਤ ਪ੍ਰਾਪਤ ਕਰਕੇ ਸੋਨ ਤਗਮਾ ਜਿੱਤਿਆ