ਸਰਜੂਬਾਲਾ ਕੁਆਰਟਰ-ਫਾਈਨਲ ''ਚ, ਮਨੋਜ ਬਾਹਰ

ਜਕਾਰਤਾ : ਵਿਸ਼ਵ ਕੱਪ ਦੀ ਸਾਬਕਾ ਚਾਂਦੀ ਤਮਗਾ ਜੇਤੂ ਸਰਜੂਬਾਲਾ ਦੇਵੀ ਨੇ ਕੁਆਰਟਰ-ਫਾਈਨਲ 'ਚ ਜਗ੍ਹਾ ਬਣਾਈ ਪਰ ਤਜ਼ਰਬੇਕਾਰ ਮਨੋਜ ਕੁਮਾਰ ਦੂਜੇ ਦੌਰ 'ਚ ਮਾਤ ਦੇ ਨਾਲ ਏਸ਼ੀਆਈ ਖੇਡਾਂ ਦੀ ਮੁੱਕੇਬਾਜ਼ੀ ਮੁਕਾਬਲੇ ਹੋ ਗਏ। ਲਾਈਟਵੇਟ 51 ਕਿ.ਗ੍ਰਾ ਵਰਗ 'ਚ ਚੁਣੌਤੀ ਪੇਸ਼ ਕਰ ਰਹੀ ਸਰਜੂਬਾਲਾ ਨੇ ਤਾਜਿਕਿਸਤਾਨ ਦੀ ਮਦੀਨਾ ਘਾਫੋਰੋਵਾ ਨੂੰ 5-0 ਨਾਲ ਹਰਾਇਆ ਪਰ ਜਿੱਤ ਦੇ ਫਰਕ ਦੀ ਤੁਲਨਾ 'ਚ ਮੁਕਾਬਲਾ ਜ਼ਿਆਦਾ ਸਖਤ ਸੀ। ਮਨੋਜ ਨੂੰ ਹਾਲਾਂਕਿ ਵੇਲਟਰਵੇਟ 69 ਕਿ.ਗ੍ਰਾ ਵਰਗ ਦੇ ਪ੍ਰੀ-ਕੁਆਰਟਰ-ਫਾਈਨਲ 'ਚ ਕਿਰਗਿਸਤਾਨ ਦੇ ਅਬਦੁਅਖਮਾਨ ਅਬਦੁਰ ਅਖਮਾਨੋਵ ਖਿਲਾਫ ਹਾਰ ਦਾ ਸਾਹਮਣਾ ਕਰਨਾ ਪਿਆ।

ਸਾਬਕਾ ਰਾਸ਼ਟਰੀ ਚੈਂਪੀਅਨ ਸਰਜੂਬਾਲਾ ਨੂੰ ਸਖਤ ਚੁਣੌਤੀ ਦਾ ਸਾਹਮਣਾ ਕਰਨਾ ਪਿਆ ਅਤੇ ਉਸ ਨੇ ਲੈਅ 'ਚ ਆਉਣ 'ਚ ਵੀ ਸਮਾਂ ਲਿਆ। ਪਹਿਲੇ ਦਿਨ ਪਹਿਲੇ ਦੌਰ 'ਚ ਵਿਰੋਧੀ ਖਿਡਾਰੀ ਦੇ ਹਾਵੀ ਰਹਿਣ ਦੇ ਬਾਅਦ ਮਣਿਪੁਰ ਦੀ ਸਰਜੂਬਾਲਾ ਨੇ ਅਗਲੇ ਦੌਰ 'ਚ ਜੋਰਦਾਰ ਵਾਪਸੀ ਕੀਤੀ। ਉਸ ਨੇ ਸਿੱਧੇ ਅਤੇ ਦਮਦਾਰ ਮੁੱਕੇ ਲਗਾਏ ਜਿਸ ਨਾਲ ਜਜਾਂ ਨੇ ਉਸ ਨੂੰ ਆਪਸੀ ਸਹਿਮਤੀ ਨਾਲ ਜੇਤੂ ਐਲਾਨ ਕਰ ਦਿੱਤਾ। ਇਸ ਤੋਂ ਪਹਿਲਾਂ ਰਾਸ਼ਟਰਮੰਡਲ ਖੇਡਾਂ ਦੇ ਦੋ ਵਾਰ ਦੇ ਤਮਗਾ ਜੇਤੂ ਮਨੋਜ ਦੇ ਕੋਲ ਅਬਦੁਰਅਖਮਾਨੋਵ ਦੀ ਚੁਣੌਤੀ ਦਾ ਕੋਈ ਜਵਾਬ ਨਹੀਂ ਸੀ। ਭਾਰਤੀ ਮੁੱਕੇਬਾਜ਼ਾਂ ਦੇ ਮੁੱਕਿਆਂ 'ਚ ਤਾਕਤ ਘੱਟ ਸੀ ਪਰ ਪਹਿਲੇ 2 ਦੌਰ 'ਚ ਉਸ ਨੂੰ ਅਬਦੁਰ ਦੇ ਡਿਫੈਂਸ ਨੂੰ ਭੇਦਣ ਲਈ ਜੂਝਣਾ ਪਿਆ।