ਸਾਨਿਆ ਵਤਸ ਬੈਲਾਰਟ ਓਪਨ ਸਕੁਐਸ਼ ਵਿੱਚ ਉਪ ਜੇਤੂ ਰਹੀ

ਨਵੀਂ ਦਿੱਲੀ- ਭਾਰਤ ਦੀ ਸਾਨਿਆ ਵਤਸ ਐਤਵਾਰ ਨੂੰ ਆਸਟ੍ਰੇਲੀਆ ਦੇ ਵਿਕਟੋਰੀਆ ਵਿੱਚ 3,000 ਅਮਰੀਕੀ ਡਾਲਰ ਦੇ ਪੀ.ਐਸ.ਏ. ਚੈਲੇਂਜਰ ਈਵੈਂਟ, ਬੈਲਾਰਟ ਓਪਨ ਸਕੁਐਸ਼ ਵਿੱਚ ਉਪ ਜੇਤੂ ਰਹੀ। ਦੂਜਾ ਦਰਜਾ ਪ੍ਰਾਪਤ ਸਾਨਿਆ ਮਹਿਲਾ ਸਿੰਗਲਜ਼ ਫਾਈਨਲ ਵਿੱਚ ਆਸਟ੍ਰੇਲੀਆ ਦੀ ਚੋਟੀ ਦੀ ਦਰਜਾ ਪ੍ਰਾਪਤ ਸਾਰਾਹ ਕਾਰਡਵੈਲ ਤੋਂ 6-11, 8-11, 6-11 ਨਾਲ ਹਾਰ ਗਈ। 

ਦਿੱਲੀ ਦੀ ਇਸ ਖਿਡਾਰਨ ਨੇ ਇਸ ਤੋਂ ਪਹਿਲਾਂ ਕੁਆਰਟਰ ਫਾਈਨਲ ਵਿੱਚ ਦੱਖਣੀ ਕੋਰੀਆ ਦੀ ਸੁੰਘੀ ਓਹ ਨੂੰ 6-11, 11-9, 12-10, 11-4 ਅਤੇ ਸੈਮੀਫਾਈਨਲ ਵਿੱਚ ਦੱਖਣੀ ਕੋਰੀਆ ਦੀ ਐਨ ਨੂੰ 11-5, 11-8, 11-4 ਨਾਲ ਹਰਾਇਆ ਸੀ।