ਸੰਜੇ ਮਾਂਜਰੇਕਰ ਦੀ ਭਾਰਤੀ ਚੋਣਕਾਰਾਂ ਨੂੰ ਸਲਾਹ, ਟੈਸਟ ਕ੍ਰਿਕਟ ਲਈ ਅਜਿਹੇ ਖਿਡਾਰੀਆਂ ਨੂੰ ਲੱਭਣ

ਸਪੋਟਸ ਡੈਸਕ- ਜੂਨ ਦੀ ਸ਼ੁਰੂਆਤ 'ਚ ਲੰਡਨ ਦੇ ਓਵਲ 'ਚ ਆਸਟ੍ਰੇਲੀਆ ਖ਼ਿਲਾਫ਼ ਆਈਸੀਸੀ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ (ਡਬਲਯੂਟੀਸੀ) 2023 ਦੇ ਫਾਈਨਲ 'ਚ ਭਾਰਤ ਦੀ ਅਪਮਾਨਜਨਕ ਹਾਰ ਤੋਂ ਬਾਅਦ ਭਾਰਤ ਦੇ ਸਾਬਕਾ ਭਾਰਤੀ ਕ੍ਰਿਕਟਰ ਸੰਜੇ ਮਾਂਜਰੇਕਰ ਨੇ ਚੋਣਕਾਰਾਂ ਲਈ ਇੱਕ ਸੁਝਾਅ ਦਿੱਤਾ ਹੈ। ਸਭ ਤੋਂ ਮਹੱਤਵਪੂਰਨ ਟੈਸਟ ਮੈਚ 'ਚ ਹਾਰ ਨਾਲ ਭਾਰਤੀ ਟੀਮ ਨੂੰ ਆਈਸੀਸੀ ਨਾਕਆਊਟ ਮੈਚਾਂ 'ਚ ਨਿਰਾਸ਼ਾਜਨਕ ਪ੍ਰਦਰਸ਼ਨ ਲਈ ਭਾਰੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪਿਆ। ਜ਼ਿਕਰਯੋਗ ਹੈ ਕਿ ਅਜਿੰਕਯ ਰਹਾਣੇ ਅਤੇ ਸ਼ਾਰਦੁਲ ਠਾਕੁਰ ਤੋਂ ਇਲਾਵਾ ਕਿਸੇ ਵੀ ਭਾਰਤੀ ਬੱਲੇਬਾਜ਼ ਨੇ ਇਕ ਟੈਸਟ 'ਚ ਇਕ ਪਾਰੀ 'ਚ 50 ਤੋਂ ਵੱਧ ਦੌੜਾਂ ਨਹੀਂ ਬਣਾਈਆਂ ਹਨ।

ਇਹ ਵੀ ਪੜ੍ਹੋ:  ਅੱਜ ਹੀ ਦੇ ਦਿਨ ਮੁਹੰਮਦ ਸ਼ਮੀ ਨੇ ਲਈ ਸੀ ਹੈਟ੍ਰਿਕ, ਹਾਰਿਆਂ ਹੋਇਆ ਮੈਚ ਇੰਝ ਜਿੱਤਿਆ ਸੀ ਭਾਰਤ
ਮਾਂਜਰੇਕਰ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਸਟੀਵ ਸਮਿਥ ਅਤੇ ਟ੍ਰੈਵਿਸ ਹੈਡ, ਜੋ ਘੱਟ ਹੀ ਸੀਮਤ ਓਵਰਾਂ ਦੀ ਕ੍ਰਿਕਟ ਖੇਡਦੇ ਹਨ, ਡਬਲਯੂਟੀਸੀ ਫਾਈਨਲ 'ਚ ਆਸਟ੍ਰੇਲੀਆ ਲਈ ਸਟਾਰ ਖਿਡਾਰੀ ਸਨ। ਸਾਬਕਾ ਕ੍ਰਿਕੇਟਰ ਨੇ ਟੀਮ ਇੰਡੀਆ ਨੂੰ ਅਜਿਹੇ ਖਿਡਾਰੀ ਲੱਭਣ ਦੀ ਅਪੀਲ ਕੀਤੀ ਜੋ ਟੀ-20 ਫਾਰਮੈਟ ਤੋਂ ਖੇਡ ਦੇ ਸਭ ਤੋਂ ਲੰਬੇ ਫਾਰਮੈਟ 'ਚ ਤਬਦੀਲੀ ਤੋਂ ਨਾ ਥੱਕਣਗੇ। ਮਾਂਜਰੇਕਰ ਨੇ ਕਿਹਾ, “ਸਟੀਵ ਸਮਿਥ ਅਤੇ ਟ੍ਰੈਵਿਸ ਹੈਡ, ਡਬਲਯੂਟੀਸੀ ਫਾਈਨਲ 'ਚ ਆਸਟ੍ਰੇਲੀਆ ਲਈ ਖੇਡ ਬਦਲਣ ਵਾਲੇ, ਜ਼ਿਆਦਾ ਟੀ-20 ਕ੍ਰਿਕਟ ਨਹੀਂ ਖੇਡਦੇ। ਇਸ ਲਈ ਸਾਨੂੰ ਅਜਿਹੇ ਖਿਡਾਰੀ ਲੱਭਣੇ ਪੈਣਗੇ ਜੋ ਥੱਕਦੇ ਨਹੀਂ ਹਨ ਜਾਂ ਜਿਨ੍ਹਾਂ ਨੂੰ ਆਈਪੀਐੱਲ ਤੋਂ ਟੈਸਟ ਕ੍ਰਿਕਟ 'ਚ ਐਡਜਸਟ ਨਹੀਂ ਕਰਨਾ ਪੈਂਦਾ।

ਇਹ ਵੀ ਪੜ੍ਹੋ: 1st Ashes : 'ਇਹ ਹੈਰਾਨੀਜਨਕ ਹੈ ਕਿ ਦੁਨੀਆ ਕਿਵੇਂ ਘੁੰਮਦੀ ਹੈ', ਲਾਇਨ ਦਾ ਕੈਚ ਛੱਡਣ 'ਤੇ ਸਟੋਕਸ ਬੋਲੇ
57 ਸਾਲਾਂ ਸੰਜੇ ਨੇ ਅੱਗੇ ਕਿਹਾ ਕਿ ਚੋਣਕਾਰਾਂ ਨੂੰ ਉਨ੍ਹਾਂ ਖਿਡਾਰੀਆਂ ਨੂੰ ਇਨਾਮ ਦੇਣ ਦੀ ਜ਼ਰੂਰਤ ਹੈ ਜੋ ਘਰੇਲੂ ਕ੍ਰਿਕਟ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹਨ ਅਤੇ ਵਿਦੇਸ਼ੀ ਹਾਲਾਤ 'ਚ ਕਾਮਯਾਬ ਹੋ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ “ਹੁਣ ਸਮਾਂ ਆ ਗਿਆ ਹੈ ਕਿ ਅਸੀਂ ਉਨ੍ਹਾਂ ਲੋਕਾਂ ਨੂੰ ਇਨਾਮ ਦੇਣਾ ਸ਼ੁਰੂ ਕਰੀਏ ਜੋ ਪਹਿਲੀ ਸ਼੍ਰੇਣੀ ਕ੍ਰਿਕਟ 'ਚ ਚੰਗਾ ਪ੍ਰਦਰਸ਼ਨ ਕਰ ਰਹੇ ਹਨ। ਚੋਣਕਾਰ ਉਨ੍ਹਾਂ ਖਿਡਾਰੀਆਂ 'ਤੇ ਵਿਚਾਰ ਕਰ ਸਕਦੇ ਹਨ, ਜਿਨ੍ਹਾਂ 'ਚ ਭਵਿੱਖ ਦੇ ਟੈਸਟ ਖਿਡਾਰੀ ਬਣਨ ਅਤੇ ਵਿਦੇਸ਼ੀ ਹਾਲਾਤ 'ਚ ਸਫਲ ਹੋਣ ਦੀ ਸਮਰੱਥਾ ਹੈ। ਮੈਂ ਘੱਟੋ-ਘੱਟ ਤਿੰਨ ਨਵੇਂ ਬੱਲੇਬਾਜ਼ਾਂ ਅਤੇ ਨਵੇਂ ਤੇਜ਼ ਗੇਂਦਬਾਜ਼ਾਂ ਨੂੰ ਖੇਡਦੇ ਦੇਖਣਾ ਚਾਹਾਂਗਾ।
ਭਾਰਤ ਦਾ ਅਗਲਾ ਅੰਤਰਰਾਸ਼ਟਰੀ ਦੌਰਾ ਜੁਲਾਈ-ਅਗਸਤ 'ਚ ਵੈਸਟਇੰਡੀਜ਼ ਦਾ ਦੌਰਾ ਹੋਵੇਗਾ ਜਿਸ ਦੌਰਾਨ ਉਹ ਦੋ ਟੈਸਟ, ਤਿੰਨ ਵਨਡੇ ਅਤੇ ਪੰਜ ਟੀ-20 ਮੈਚ ਖੇਡਣਗੇ। ਦੋ ਮੈਚਾਂ ਦੀ ਟੈਸਟ ਲੜੀ 2023-25 ​​ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਚੱਕਰ 'ਚ ਉਨ੍ਹਾਂ ਦੀ ਪਹਿਲੀ ਅਸਾਈਨਮੈਂਟ ਹੋਵੇਗੀ। ਰੋਹਿਤ ਸ਼ਰਮਾ ਐਂਡ ਕੰਪਨੀ ਦੇ 1 ਜੁਲਾਈ ਤੱਕ ਵੈਸਟਇੰਡੀਜ਼ ਪਹੁੰਚਣ ਦੀ ਉਮੀਦ ਹੈ।

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।