ਸਾਨੀਆ ਮਿਰਜ਼ਾ ਨੂੰ ਬਰਥਡੇ ''ਤੇ ਯੁਵਰਾਜ ਨੇ ਦਿੱਤਾ ਨਵਾਂ ਨਾਂ ''ਮਿਰਚੀ''

ਨਵੀਂ ਦਿੱਲੀ - ਭਾਰਤੀ ਟੈਨਿਸ ਸਟਾਰ ਸਾਨੀਆ ਮਿਰਜ਼ਾ ਨੂੰ 33ਵੇਂ ਜਨਮ ਦਿਨ 'ਤੇ ਸਾਬਕਾ ਕ੍ਰਿਕਟਰ ਯੁਵਰਾਜ ਸਿੰਘ ਵਲੋਂ ਸੋਸ਼ਲ ਮੀਡੀਆ 'ਤੇ ਕੀਤਾ ਗਿਆ ਕੁਮੈਂਟ ਚਰਚਾ ਵਿਚ ਆ ਗਿਆ ਹੈ। ਯੁਵਰਾਜ ਨੇ ਸਾਨੀਆ ਨਾਲ ਫੋਟੋ ਅਪਲੋਡ ਕਰਕੇ ਉਸ ਨੂੰ ਮਿਰਚੀ ਸ਼ਬਦ ਨਾਲ ਸੰਬੋਧਿਤ ਕੀਤਾ ਹੈ। ਕਮਾਲ ਦੀ ਗੱਲ ਇਹ ਹੈ ਕਿ ਸਾਨੀਆ ਨੇ ਵੀ ਸ਼ੁਭਕਾਮਨਾਵਾਂ ਦੇਣ ਲਈ ਯੁਵਰਾਜ ਲਈ 'ਮੋਟੂ' ਸ਼ਬਦ ਲਿਖ ਕੇ ਧੰਨਵਾਦ ਕੀਤਾ ਹੈ।

Hai hai mirchi 🌶! Janam din mubarak my dear friend lots of love and best wishes always !💓 @MirzaSania 🎂 🧁 🥂 pic.twitter.com/wzYjTIQhPy

— yuvraj singh (@YUVSTRONG12) November 15, 2019

ਦਰਅਸਲ ਸਾਨੀਆ ਦੇ ਜਨਮ ਦਿਨ 'ਤੇ ਯੁਵਰਾਜ ਨੇ ਲਿਖਿਆ ਸੀ, ''ਹਾਏ ਹਾਏ ਮਿਰਚੀ, ਜਨਮ ਦਿਨ ਮੁਬਾਰਕ ਮੇਰੀ ਬੈਸਟ ਫ੍ਰੈਂਡ, ਬਹੁਤ ਸਾਰਾ ਪਿਆਰ ਸਾਨੀਆ ਮਿਰਜ਼ਾ।''

Hai motu 💕 thank you my dearest friend https://t.co/ECIzuLBRXU

— Sania Mirza (@MirzaSania) November 15, 2019

ਟਵੀਟ ਦੇ ਕੁਝ ਹੀ ਦੇਰ ਬਾਅਦ ਸਾਨੀਆ ਮਿਰਜ਼ਾ ਨੇ ਰਿਪਲਾਈ ਕਰਦਿਆਂ ਲਿਖਿਆ, ''ਮੋਟੂ, ਧੰਨਵਾਦ ਮੇਰੇ ਸਭ ਤੋਂ ਪਿਆਰ ਦੋਸਤ।''

ਜ਼ਿਕਰਯੋਗ  ਹੈ ਕਿ ਯੁਵਰਾਜ ਤੇ ਸਾਨੀਆ ਸੋਸ਼ਲ ਮੀਡੀਆ 'ਤੇ ਅਕਸਰ ਇਕ-ਦੂਜੇ ਦੀ ਖਿਚਾਈ ਕਰਦੇ ਦੇਖੇ ਜਾ ਸਕਦੇ ਹਨ। ਇਸੇ ਸਾਲ ਸਤੰਬਰ ਵਿਚ ਯੁਵਰਾਜ ਸਿੰਘ ਨੇ ਆਪਣੀ ਫੋਟੋ ਪੋਸਟ ਕਰਦਿਆਂ ਖੁਦ ਨੂੰ 'ਚਿਕਨਾ ਚਮੇਲਾ' ਲਿਖਿਆ ਸੀ, ਇਸ 'ਤੇ ਸਾਨੀਆ ਨੇ ਕੁਮੈਂਟ ਕੀਤਾ ਸੀ, ''ਚਿੰਨ੍ਹ ਛੁਪਾਉਣ ਲਈ ਤੁਸੀਂ ਪਾਊਟ ਕਰ ਰਹੇ ਹੋ? ਆਪਣੀ ਦਾੜ੍ਹੀ ਵਾਪਸ ਲਿਆਓ।'' ਅਰਥਾਤ ਸਾਨੀਆ ਨੂੰ ਵੀ ਯੁਵਰਾਜ ਸਿੰਘ ਦਾ ਦਾੜ੍ਹੀ ਵਾਲਾ ਸਟਾਈਲ ਹੀ ਪਸੰਦ ਸੀ।

ਫਿਲਹਾਲ, ਯੁਵਰਾਜ ਸਿੰਘ ਅਜੇ ਕੌਮਾਂਤਰੀ ਕ੍ਰਿਕਟ ਤੋਂ ਸੰਨਿਆਸ ਲੈਣ ਤੋਂ ਬਾਅਦ ਵਿਦੇਸ਼ੀ ਟੀ-20 ਲੀਗ ਵਿਚ ਖੇਡ ਰਿਹਾ ਹੈ। ਉਹ ਕੈਨੇਡਾ ਗਲੋਬਲ ਟੀ-20 ਲੀਗ ਵਿਚ ਖੇਡ ਚੁੱਕਾ ਹੈ, ਜਦਕਿ ਆਉਣ ਵਾਲੇ ਦਿਨਾਂ ਵਿਚ ਉਹ ਦੁਬਈ ਵਿਚ ਹੋ ਰਹੇ ਟੀ-10 ਲੀਗ ਵਿਚ ਮਰਾਠਾ ਅਰੇਬੀਅਨ ਟੀਮ ਵਲੋਂ ਖੇਡਦਾ ਹੋਇਆ ਨਜ਼ਰ ਆਵੇਗਾ।