ਸਾਇਨਾ ਨੇਹਵਾਲ ਦੇ ਫੈਨਜ਼ ਲਈ ਬੁਰੀ ਖਬਰ, ਇਸ ਬਿਮਾਰੀ ਦੇ ਚੱਲਦੇ ਨਹੀਂ ਖੇਡੇਗੀ ਸਵਿਸ ਓਪਨ

ਨਵੀਂ ਦਿੱਲੀ— ਭਾਰਤ ਦੀ ਸਟਾਰ ਸ਼ਟਲਰ ਸਾਇਨਾ ਨੇਹਵਾਲ ਦੇ ਫੈਂਸ ਲਈ ਇਕ ਨਿਰਾਸ਼ਾਜਨਕ ਖਬਰ ਆ ਰਹੀ ਹੈ। ਇਹ ਖਬਰ ਸਾਇਨਾ ਨੇ ਆਪਣੇ ਆਪ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਕੀਤੀ ਹੈ। ਹਾਲ 'ਚ ਹੀ ਆਲ ਇੰਗਲੈਂਡ ਚੈਂਪੀਅਨਸ਼ਿੱਪ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਵਾਲੀ ਇਸ ਖਿਡਾਰੀ ਨੇ ਦੱਸਿਆ ਹੈ ਕਿ ਪੂਰੇ ਟੂਰਨਾਮੈਂਟ ਦੇ ਦੌਰਾਨ ਉਨ੍ਹਾਂ ਨੂੰ ਢਿੱਡ ਦੇ ਤੇਜ਼ ਦਰਦ ਦੇ ਨਾਲ ਜੂਝਨਾ ਪਿਆ ਤੇ ਹੁਣ ਉਹ ਇਸ ਦੇ ਇਲਾਜ ਲਈ ਹਾਸਪਤਾਲ 'ਚ ਭਰਤੀ ਹੋਣ ਜਾ ਰਹੀ ਹੈ।
ਇਸ ਦੇ ਨਾਲ ਹੀ ਨੇਹਵਾਲ ਨੇ ਦੱਸਿਆ ਹੈ ਕਿ ਉਹ ਆਪਣੀ ਰੋਗ ਦੇ ਚੱਲਦੇ ਆਉਣ ਵਾਲੇ ਸਵਿਸ ਓਪਨ 'ਚ ਸ਼ਿਰਕਤ ਨਹੀਂ ਕਰ ਪਾਵੇਂਗੀ। ਸਾਇਨਾ ਨੇ ਆਪਣੇ ਆਧਿਕਾਰਤ ਟਵਿਟਰ ਹੈਂਡਲ 'ਤੇ ਇਹ ਮੈਸੇਜ ਦਿੰਦੇ ਹੋਏ ਲਿੱਖਿਆ- ਕੁਝ ਬੁਰੀ ਖਬਰ ਹੈ... ਪਿਛਲੇ ਸੋਮਵਾਰ ਤੋਂ ਹੀ ਤੇਜ਼ ਪੇਟ 'ਚ ਹੋ ਰਹੀ ਦਰਦ ਨਾਲ ਗੁਜ਼ਰ ਰਹੀ ਸੀ। ਕਿਸੇ ਤਰ੍ਹਾਂ ਨਾਲ ਆਲ ਇੰਗਲੈਂਡ ਦੇ ਕੁਝ ਮੈਚ ਖੇਡ ਪਾਈ। ਹੁਣ ਸਵਿਸ ਓਪਨ ਨੂੰ ਛੱਡਣ ਦਾ ਫੈਸਲਾ ਕੀਤਾ ਹੈ ਤੇ ਭਾਰਤ ਵਾਪਿਸ ਪਰਤਨਾ ਹੈ ਜਿੱਥੇ ਬਿਮਾਰੀ ਦੇ ਕਾਰਨ ਦਾ ਪਤਾ ਲਗਾਇਆ ਤਾਂ ਪਤਾ ਚੱਲਿਆ ਦੀ ਇਹ ਅੰਤੜਾਂ ਦੀ ਸੋਜ ਤੇ Pancreatitis 'ਚ ਥੋੜ੍ਹੀ ਸਮੱਸਿਆ ਦੇ ਕਾਰਨ ਸੀ। ਡਾਕਟਰ ਨੇ ਮੈਨੂੰ ਹਾਸਪਤਾਲ 'ਚ ਭਰਤੀ ਹੋਣ ਦੀ ਸਲਾਹ ਦਿੱਤੀ ਹੈ। ਉਮੀਦ ਕਰਦੀ ਹਾਂ ਕਿ ਇਸ ਤੋਂ ਜਲਦ ਹੀ ਉੱਭਰ ਜਾਵੇਗੀ।