ਸਾਊਦੀ ਅਰਬ ਵਿੱਚ ਰੋਨਾਲਡੋ ਦੀ ਇੱਕ ਹੋਰ ਹੈਟ੍ਰਿਕ

ਆਭਾ (ਸਾਊਦੀ ਅਰਬ), (ਭਾਸ਼ਾ) ਅਨੁਭਵੀ ਫੁੱਟਬਾਲਰ ਕ੍ਰਿਸਟੀਆਨੋ ਰੋਨਾਲਡੋ ਨੇ 72 ਘੰਟਿਆਂ ਦੇ ਅੰਦਰ ਆਪਣੀ ਦੂਜੀ ਹੈਟ੍ਰਿਕ ਬਣਾਈ, ਜਿਸ ਨਾਲ ਅਲ ਨਾਸਰ ਨੇ ਸਾਊਦੀ ਪ੍ਰੋ ਲੀਗ ਵਿਚ ਆਭਾ ਨੂੰ 8-0 ਨਾਲ ਹਰਾਇਆ। ਰੋਨਾਲਡੋ ਨੇ ਪਹਿਲੇ ਹਾਫ ਵਿੱਚ ਤਿੰਨ ਗੋਲ ਕੀਤੇ ਅਤੇ ਦੋ ਗੋਲ ਵਿੱਚ ਸਹਾਇਤਾ ਕੀਤੀ। ਉਸ ਦੇ ਪ੍ਰਦਰਸ਼ਨ ਦੀ ਬਦੌਲਤ ਨੌਂ ਵਾਰ ਦੇ ਚੈਂਪੀਅਨ ਅਲ ਨਾਸਰ ਨੇ ਸਾਊਦੀ ਅਰਬ ਵਿੱਚ ਵੱਡੀ ਜਿੱਤ ਹਾਸਲ ਕੀਤੀ। ਲੀਗ ਦੇ ਮੌਜੂਦਾ ਸੀਜ਼ਨ ਵਿੱਚ ਪੁਰਤਗਾਲ ਦੇ ਇਸ ਸਟਾਰ ਖਿਡਾਰੀ ਦੀ ਇਹ ਤੀਜੀ ਹੈਟ੍ਰਿਕ ਹੈ। ਉਸ ਨੇ ਸ਼ਨੀਵਾਰ ਨੂੰ ਅਲ ਤਾਈ 'ਤੇ ਅਲ ਨਾਸਰ ਦੀ 5-1 ਦੀ ਜਿੱਤ ਦੌਰਾਨ ਹੈਟ੍ਰਿਕ ਵੀ ਬਣਾਈ। ਉਹ ਲੀਗ 'ਚ ਹੁਣ ਤੱਕ 29 ਗੋਲ ਕਰ ਚੁੱਕਾ ਹੈ ਅਤੇ ਇਸ ਮਾਮਲੇ 'ਚ ਚੋਟੀ 'ਤੇ ਹੈ। ਇਸ ਜਿੱਤ ਦੇ ਬਾਵਜੂਦ ਅਲ ਨਾਸਰ ਲੀਗ ਅੰਕ ਸੂਚੀ 'ਚ ਦੂਜੇ ਸਥਾਨ 'ਤੇ ਬਰਕਰਾਰ ਹੈ। ਇਹ ਚੋਟੀ 'ਤੇ ਕਾਬਜ਼ ਅਲ ਹਿਲਾਲ ਤੋਂ 12 ਅੰਕ ਪਿੱਛੇ ਹੈ। ਲੀਗ ਵਿੱਚ ਅਜੇ ਅੱਠ ਗੇੜ ਦੇ ਮੈਚ ਹੋਣੇ ਬਾਕੀ ਹਨ।