ਰਿਸ਼ਭ ਪੰਤ ਦੀ ਭੈਣ ਦੇ ਵਿਆਹ ਲਈ ਬੁੱਕ ਹੋਟਲ ਕਿਸੇ ਮਹਿਲ ਤੋਂ ਨਹੀਂ ਘੱਟ, ਦੇਖੋ ਖੂਬਸੂਰਤ ਤਸਵੀਰਾਂ

ਸਪੋਰਟਸ ਡੈਸਕ- ਕ੍ਰਿਕਟਰ ਰਿਸ਼ਭ ਪੰਤ ਦੀ ਭੈਣ ਸਾਕਸ਼ੀ ਪੰਤ ਲੰਡਨ ਦੇ ਕਾਰੋਬਾਰੀ ਅੰਕਿਤ ਚੌਧਰੀ ਨਾਲ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਹੀ ਹੈ। ਪੰਤ ਦੀ ਭੈਣ ਦਾ ਵਿਆਹ, ਜੋ ਕਿ ਸਾਲ ਦੇ ਸਭ ਤੋਂ ਵੱਧ ਚਰਚਿਤ ਵਿਆਹਾਂ ਵਿੱਚੋਂ ਇੱਕ ਹੈ, ਮਸੂਰੀ ਦੇ ਸੁੰਦਰ ਆਈਟੀਸੀ ਹੋਟਲ, ਦ ਸੇਵੋਏ (ITC Hotel, The Savoy) ਵਿੱਚ ਹੋ ਰਿਹਾ ਹੈ।

ਮਸੂਰੀ ਵਿੱਚ ਗੜ੍ਹਵਾਲ ਪਹਾੜੀਆਂ ਦੇ ਵਿਚਕਾਰ ਸਮੁੰਦਰ ਤਲ ਤੋਂ 2,500 ਮੀਟਰ ਦੀ ਉਚਾਈ 'ਤੇ ਸਥਿਤ, ਆਈਟੀਸੀ ਹੋਟਲ, ਦ ਸੇਵੋਏ ਅੰਗਰੇਜ਼ੀ ਗੋਥਿਕ ਆਰਕੀਟੈਕਚਰਲ ਸ਼ੈਲੀ ਵਿੱਚ ਬਣਾਇਆ ਗਿਆ ਹੈ। ਇੱਥੇ ਖਾਣੇ ਦੇ ਚਾਰ ਆਪਸ਼ਨ, ਇੱਕ ਸਪਾ ਅਤੇ ਇੱਕ ਜਿੰਮ ਹੈ। ਆਓ ਇੱਥੇ ਹੋਟਲ ਦੀਆਂ ਸਹੂਲਤਾਂ ਅਤੇ ਕਿਰਾਏ ਬਾਰੇ ਗੱਲ ਕਰਦੇ ਹਾਂ -

ਇਹ ਹੋਟਲ ਲਾਲ ਟਿੱਬਾ (ਰੈੱਡ ਹਿੱਲ) ਤੋਂ 7 ਕਿਲੋਮੀਟਰ, ਗਨ ਹਿੱਲ ਤੋਂ 5 ਕਿਲੋਮੀਟਰ ਅਤੇ ਧਨੌਲਟੀ ਹਿਲ ਸਟੇਸ਼ਨ ਤੋਂ 15 ਕਿਲੋਮੀਟਰ ਦੂਰ ਹੈ। ਇਹ ਦੇਹਰਾਦੂਨ ਰੇਲਵੇ ਸਟੇਸ਼ਨ ਤੋਂ 32 ਕਿਲੋਮੀਟਰ ਅਤੇ ਜੌਲੀ ਗ੍ਰਾਂਟ ਹਵਾਈ ਅੱਡੇ ਤੋਂ 55 ਕਿਲੋਮੀਟਰ ਦੂਰ ਹੈ। ਹੋਟਲ ਦੇ ਕਮਰੇ ਏਸੀ ਅਤੇ ਹੀਟਿੰਗ ਸਿਸਟਮ ਨਾਲ ਲੈਸ ਹਨ। ਕਮਰਿਆਂ ਦੇ ਅੰਦਰ ਫਲੈਟ ਸਕਰੀਨ ਟੀਵੀ ਅਤੇ ਮਿਨੀਬਾਰ ਦੀਆਂ ਸਹੂਲਤਾਂ ਹਨ।

ਰਿਸ਼ਭ ਪੰਤ ਦੀ ਭੈਣ ਸਾਕਸ਼ੀ ਨੇ ਇਕ ਯੰਗ ਪ੍ਰੋਫੈਸ਼ਨਲ ਵਜੋਂ ਆਪਣੀ ਪਛਾਣ ਬਣਾਈ ਹੈ। ਐਮਬੀਏ ਪਾਸ ਸਾਕਸ਼ੀ ਨੈਸ਼ਨਲ ਫਾਰਮੇਸੀ ਐਸੋਸੀਏਸ਼ਨ ਵਿੱਚ ਇੱਕ ਸਫਲ ਕਰੀਅਰ ਬਣਾ ਰਹੀ ਹੈ। ਉਹ ਹਮੇਸ਼ਾ ਆਪਣੇ ਸ਼ਾਨਦਾਰ ਲੁੱਕ ਕਾਰਨ ਸੁਰਖੀਆਂ ਵਿੱਚ ਰਹਿੰਦੀ ਹੈ। ਸਾਕਸ਼ੀ ਦੇ ਵਿਆਹ ਦੀ ਡਰੈੱਸ ਵੀ ਕਾਫੀ ਚਰਚਾ ਵਿਚ ਹੈ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਉਹ ਇਕ ਸ਼ਾਨਦਾਰ, ਬਰੀਕ ਕਢਾਈ ਵਾਲਾ ਲਹਿੰਗਾ ਪਹਿਨੇਗੀ।  

ਮਸੂਰੀ ਦੇ ਆਈਟੀਸੀ ਹੋਟਲ, ਦ ਸੇਵੋਏ ਵਿੱਚ ਇੱਕ ਕਮਰੇ ਦਾ ਕਿਰਾਇਆ ਲਗਭਗ 24,200 ਰੁਪਏ ਪ੍ਰਤੀ ਰਾਤ ਤੋਂ ਸ਼ੁਰੂ ਹੁੰਦਾ ਹੈ। ਇੱਥੇ ਵੱਖ-ਵੱਖ ਕੈਟੇਗਰੀ ਦੇ ਕਮਰੇ ਹਨ। ਇਸ ਵਿੱਚ, ਇੱਕ ਸੁਪੀਰੀਅਰ ਕਮਰੇ ਦਾ ਕਿਰਾਇਆ 16,254 ਰੁਪਏ ਤੋਂ ਲੈ ਕੇ ਇੱਕ ਡਬਲ ਕਮਰੇ ਲਈ 38,387 ਰੁਪਏ ਤੱਕ ਅਦਾ ਕਰਨੇ ਹੋਣਗੇ। 

booking.com 'ਤੇ ਦਿੱਤੀ ਗਈ ਜਾਣਕਾਰੀ ਦੇ ਅਨੁਸਾਰ, ITC ਹੋਟਲ, ਦ ਸੇਵੋਏ, ਮਸੂਰੀ ਵਿੱਚ ਇੱਕ ਸਟੈਂਡਰਡ ਕਮਰੇ ਦੀ ਕੀਮਤ 27,505 ਰੁਪਏ ਹੈ। ਇਸ ਤੋਂ ਇਲਾਵਾ, ਸੁਪੀਰੀਅਰ ਰੂਮ ਲਈ 16,254 ਰੁਪਏ, ਡੀਲਕਸ ਰੂਮ ਲਈ 25,366 ਰੁਪਏ, ਕਵੀਨ ਰੂਮ ਲਈ 37,342 ਰੁਪਏ ਅਤੇ ਡਬਲ ਰੂਮ ਲਈ 38,387 ਰੁਪਏ ਦੇਣੇ ਪੈਣਗੇ।

ਮੀਡੀਆ ਰਿਪੋਰਟਾਂ ਵਿੱਚ ਦੱਸਿਆ ਜਾ ਰਿਹਾ ਹੈ ਕਿ ਸਾਕਸ਼ੀ ਅਤੇ ਅੰਕਿਤ ਦੋਵੇਂ ਇੱਕ ਦੂਜੇ ਨੂੰ ਪਿਛਲੇ ਨੌਂ ਸਾਲਾਂ ਤੋਂ ਜਾਣਦੇ ਹਨ। ਮੰਗਲਵਾਰ ਨੂੰ, ਮਹਿੰਦੀ ਦੀ ਰਸਮ ਤੋਂ ਬਾਅਦ, ਹਲਦੀ ਦੀ ਰਸਮ ਹੋਈ। ਇਸ ਦੌਰਾਨ ਪੂਰਾ ਵਿਆਹ ਦਾ ਮਾਹੌਲ ਹੋਲੀ ਦੇ ਰੰਗਾਂ ਵਿੱਚ ਰੰਗਿਆ ਹੋਇਆ ਦਿਖਾਈ ਦਿੱਤਾ।