ISSF WC 2024 : ਰਿਦਮ ਅਤੇ ਉੱਜਵਲ ਨੇ 10 ਮੀਟਰ ਏਅਰ ਪਿਸਟਲ ਮਿਕਸਡ ਟੀਮ ਈਵੈਂਟ ਵਿੱਚ ਜਿੱਤਿਆ ਸੋਨ ਤਗਮਾ

ਕਾਹਿਰਾ, (ਵਾਰਤਾ)- ਭਾਰਤ ਦੇ ਨਿਸ਼ਾਨੇਬਾਜ਼ ਰਿਦਮ ਸਾਂਗਵਾਨ ਅਤੇ ਉੱਜਵਲ ਮਲਿਕ ਨੇ ਆਈ. ਐਸ. ਐਸ. ਐਫ. ਵਿਸ਼ਵ ਕੱਪ 2024 ਵਿੱਚ ਇੱਥੇ ਖੇਡੇ ਗਏ 10 ਮੀਟਰ ਏਅਰ ਪਿਸਟਲ ਮਿਕਸਡ ਟੀਮ ਮੁਕਾਬਲੇ ਵਿੱਚ ਸੋਨ ਤਗ਼ਮਾ ਜਿੱਤਿਆ। ਸ਼ਨੀਵਾਰ ਨੂੰ ਭਾਰਤੀ ਨਿਸ਼ਾਨੇਬਾਜ਼ੀ ਟੀਮ ਨੇ ਆਈ. ਐਸ. ਐਸ. ਐਫ. ਵਿਸ਼ਵ ਕੱਪ ਫਾਈਨਲ ਵਿੱਚ ਅਰਮੀਨੀਆਈ ਜੋੜੀ ਐਲਮੀਰਾ ਕਾਰਪੇਟਯਾਨ ਅਤੇ ਬੇਨਿਕ ਖਲਘਟਯਾਨ ਨੂੰ 17-7 ਨਾਲ ਹਰਾ ਕੇ ਸੋਨ ਤਗ਼ਮਾ ਜਿੱਤਿਆ। ਕਜ਼ਾਕਿਸਤਾਨ ਦੀ ਇਰੀਨਾ ਯੂਨੁਸੇਮਤੋਵਾ ਅਤੇ ਵੈਲੇਰੀ ਰਾਖਿਮਜਾਨ ਨੇ ਇਟਲੀ ਦੀ ਚਿਆਰਾ ਜਿਆਨਕਾਮਿਲੀ-ਫੇਡੇਰੀਕੋ ਨੀਲੋ ਮਾਲਦੀਨੀ ਨੂੰ 16-8 ਨਾਲ ਹਰਾ ਕੇ ਕਾਂਸੀ ਦਾ ਤਗਮਾ ਜਿੱਤਿਆ। 

ਇਹ ਵੀ ਪੜ੍ਹੋ : ਬੋਪੰਨਾ ਨੇ ਰਚਿਆ ਇਤਿਹਾਸ, ਗ੍ਰੈਂਡ ਸਲੈਮ ਖਿਤਾਬ ਜਿੱਤਣ ਵਾਲੇ ਬਣੇ ਸਭ ਤੋਂ ਵੱਧ ਉਮਰ ਦੇ ਖਿਡਾਰੀ

ਕੁਆਲੀਫਿਕੇਸ਼ਨ ਰਾਊਂਡ ਵਿਚ ਭਾਰਤੀ ਜੋੜੀ 580 ਦੇ ਸਕੋਰ ਨਾਲ ਦੂਜੇ ਸਥਾਨ 'ਤੇ ਰਹੀ, ਜਦਕਿ ਕਰਾਪੇਟਿਆਨ-ਖਲਘਾਟਿਆਨ 581 ਦੇ ਸਕੋਰ ਨਾਲ 24 ਨਿਸ਼ਾਨੇਬਾਜ਼ਾਂ 'ਚ ਸਿਖਰ 'ਤੇ ਰਹੀ। ਮਨੂੰ ਭਾਕਰ ਅਤੇ ਰਵਿੰਦਰ ਸਿੰਘ ਨੇ ਅੱਠਵੇਂ ਸਥਾਨ ਲਈ 575 ਦਾ ਸਕੋਰ ਬਣਾਇਆ ਅਤੇ ਤਮਗਾ ਰਾਊਂਡ 'ਚ ਜਗ੍ਹਾ ਨਹੀਂ ਬਣਾ ਸਕੇ। ਮਨੂ ਭਾਕਰ ਨੇ ਸ਼ੁੱਕਰਵਾਰ ਨੂੰ ਮਹਿਲਾਵਾਂ ਦੇ 10 ਮੀਟਰ ਏਅਰ ਪਿਸਟਲ ਵਿਅਕਤੀਗਤ ਦੌਰ 'ਚ ਵੀ ਨਿਰਾਸ਼ਾਜਨਕ ਪ੍ਰਦਰਸ਼ਨ ਕੀਤਾ ਅਤੇ 18ਵੇਂ ਸਥਾਨ 'ਤੇ ਰਹਿ ਕੇ ਫਾਈਨਲ 'ਚ ਜਗ੍ਹਾ ਬਣਾਉਣ 'ਚ ਅਸਫਲ ਰਹੀ। 

ਇਸ ਦੌਰਾਨ ਅਰਜੁਨ ਬਾਬੂਤਾ ਅਤੇ ਸੋਨਮ ਮਾਸਕਰ ਨੂੰ 10 ਮੀਟਰ ਏਅਰ ਰਾਈਫਲ ਮਿਕਸਡ ਟੀਮ ਮੁਕਾਬਲੇ ਵਿੱਚ ਸੋਨ ਤਗ਼ਮੇ ਦੇ ਮੁਕਾਬਲੇ ਵਿੱਚ ਗ੍ਰੇਟ ਬ੍ਰਿਟੇਨ ਦੇ ਸਿਓਨਾਈਡ ਮੈਕਿੰਟੋਸ਼ ਅਤੇ ਡੀਨ ਬੇਲ ਤੋਂ 16-14 ਨਾਲ ਹਾਰ ਕੇ ਚਾਂਦੀ ਦੇ ਤਗ਼ਮੇ ਨਾਲ ਸਬਰ ਕਰਨਾ ਪਿਆ। ਇਸ ਤੋਂ ਪਹਿਲਾਂ ਅਰਜੁਨ ਬਾਬੂਤਾ ਅਤੇ ਸੋਨਮ ਮਾਸਕਰ ਨੇ 632.3 ਦੇ ਸਕੋਰ ਨਾਲ 38 ਟੀਮਾਂ ਦੇ ਕੁਆਲੀਫਾਇੰਗ ਰਾਊਂਡ 'ਚ ਚੋਟੀ 'ਤੇ ਰਹੀ ਸੀ। ਨੈਨਸੀ ਅਤੇ ਸਾਬਕਾ ਵਿਸ਼ਵ ਚੈਂਪੀਅਨ ਰੁਦਰਾਕਸ਼ ਪਾਟਿਲ 627.4 ਦੇ ਸਕੋਰ ਨਾਲ 20ਵੇਂ ਸਥਾਨ 'ਤੇ ਰਹੇ। 

ਇਹ ਵੀ ਪੜ੍ਹੋ : ਅਨੁਰਾਧਾ ਦੇਵੀ ਨੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ISSF ਵਿਸ਼ਵ ਕੱਪ ਡੈਬਿਊ ਵਿੱਚ ਜਿੱਤਿਆ ਚਾਂਦੀ ਦਾ ਤਮਗਾ

ਅਨੁਰਾਧਾ ਦੇਵੀ ਨੇ ਸ਼ੁੱਕਰਵਾਰ ਨੂੰ ਮਹਿਲਾਵਾਂ ਦੇ 10 ਮੀਟਰ ਏਅਰ ਪਿਸਟਲ ਮੁਕਾਬਲੇ 'ਚ ਚਾਂਦੀ ਦਾ ਤਗਮਾ ਜਿੱਤਿਆ ਸੀ। ਇੱਕ ਸੋਨ ਤਗਮਾ ਅਤੇ ਦੋ ਚਾਂਦੀ ਦੇ ਤਗਮੇ ਨਾਲ, ਭਾਰਤ ISSF ਵਿਸ਼ਵ ਕੱਪ ਦੇ ਪਹਿਲੇ ਪੜਾਅ ਵਿੱਚ ਸਿਖਰ 'ਤੇ ਹੈ। ਕਜ਼ਾਕਿਸਤਾਨ, ਸਪੇਨ, ਗ੍ਰੀਸ, ਬ੍ਰਿਟੇਨ ਅਤੇ ਦੱਖਣੀ ਕੋਰੀਆ ਨੇ ਵੀ ਇਕ-ਇਕ ਸੋਨ ਤਗਮਾ ਜਿੱਤਿਆ ਹੈ, ਪਰ ਘੱਟ ਚਾਂਦੀ ਦੇ ਤਗਮੇ ਹਾਸਲ ਕੀਤੇ ਹਨ। ਸ਼ਨੀਵਾਰ ਨੂੰ ਪੁਰਸ਼ ਅਤੇ ਮਹਿਲਾ ਟਰੈਪ ਈਵੈਂਟ 'ਚ ਕੋਈ ਵੀ ਭਾਰਤੀ ਨਿਸ਼ਾਨੇਬਾਜ਼ ਤਮਗਾ ਦੌਰ 'ਚ ਨਹੀਂ ਪਹੁੰਚ ਸਕਿਆ। 

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8