ਸਚਿਨ ਦੇ ਉਲਟੇ ਟਵੀਟ ਦਾ ਸਹਿਵਾਗ ਨੇ ਦਿੱਤਾ ਜਵਾਬ, ਬੋਲੇ- ਉੱਪਰ ਵਾਲਾ ਸਭ ਕੁਝ ਦੇਖਦੈ
10/21/2017 4:30:59 PM
ਨਵੀਂ ਦਿੱਲੀ(ਬਿਊਰੋ)— ਇੰਡੀਅਨ ਕ੍ਰਿਕਟ ਟੀਮ ਦੇ ਧਾਕੜ ਬੱਲੇਬਾਜ਼ ਵਰਿੰਦਰ ਸਹਿਵਾਗ ਨੇ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਨੂੰ ਦਿੱਤੀ ਗਈ 'ਉਲਟੀ' ਜਨਮਦਿਨ ਦੀਆਂ ਸ਼ੁਭਕਾਮਨਾਵਾਂ ਦਾ ਜਵਾਬ ਦਿੰਦੇ ਹੋਏ ਕਿਹਾ ਹੈ ਕਿ ਉੱਪਰ ਵਾਲਾ ਸਭ ਵੇਖ ਰਿਹਾ ਹੈ। ਸਹਿਵਾਗ ਨੇ ਸਚਿਨ ਦੇ ਟਵੀਟ ਦੇ ਜਵਾਬ ਵਿਚ ਉਨ੍ਹਾਂ ਨੂੰ 'ਗਾਡ ਜੀ' ਕਹਿ ਕੇ ਸੰਬੋਧਤ ਕੀਤਾ ਹੈ। ਸਹਿਵਾਗ ਨੇ ਸਚਿਨ ਦੇ ਉਲਟੇ ਟਵੀਟ ਦਾ ਜਵਾਬ ਦਿੰਦੇ ਹੋਏ ਕਿਹਾ, ''ਧੰਨਵਾਦ ਗਾਡ ਜੀ। ਉੱਪਰ ਵਾਲਾ ਸਭ ਵੇਖ ਰਿਹਾ ਹੈ, ਇਹ ਤਾਂ ਸੁਣਿਆ ਸੀ, ਤੇ ਅੱਜ ਸਮਝ ਆਇਆ, ਉਹ ਹੇਠਾਂ ਵਾਲਿਆਂ ਲਈ ਲਿਖਦਾ ਕਿਵੇਂ ਹੈ।''
Thank you God ji 🙏🏼Uparwala sab dekh raha hai, yeh to suna tha, par aaj samajh aaya, woh neeche waalon ke liye likhta kaise hai ! https://t.co/stdodewNuJ
— Virender Sehwag (@virendersehwag) October 20, 2017
ਦਰਅਸਲ ਸਚਿਨ ਤੇਂਦੁਲਕਰ ਨੇ ਆਪਣੇ ਬੇਹੱਦ ਖਾਸ ਦੋਸਤ ਸਹਿਵਾਗ ਨੂੰ ਉਨ੍ਹਾਂ ਦੇ ਬਰਥਡੇ ਦੇ ਮੌਕੇ ਉੱਤੇ ਉਲਟੇ ਅੱਖਰਾਂ ਵਿਚ ਟਵੀਟ ਕਰ ਕੇ ਵਿਸ਼ ਕੀਤਾ ਸੀ। ਉਸੀ ਟਵੀਟ ਦਾ ਰੀ-ਪਲਾਈ ਕਰਦੇ ਹੋਏ ਸਹਿਵਾਗ ਨੇ ਸਚਿਨ ਨੂੰ 'ਗਾਡ ਜੀ' ਕਹਿ ਕੇ ਸੰਬੋਧਤ ਕੀਤਾ। ਕ੍ਰਿਕਟ ਦੇ ਭਗਵਾਨ ਕਹੇ ਜਾਣ ਵਾਲੇ ਸਚਿਨ ਨੇ ਆਪਣੇ ਟਵਿੱਟਰ ਹੈਂਡਲ ਉੱਤੇ ਲਿਖਿਆ ਸੀ- 'ਹੈਪੀ ਬਰਥਡੇ, ਵੀਰੂ ਨਵੇਂ ਸਾਲ ਦੀ ਸ਼ੁਰੂਆਤ ਚੰਗੀ ਹੋਵੇ, ਤੁਸੀਂ ਹਮੇਸ਼ਾ ਉਸਦਾ ਉਲਟਾ ਕੀਤਾ ਹੈ ਜੋ ਵੀ ਮੈਂ ਤੁਹਾਨੂੰ ਫੀਲਡ ਉੱਤੇ ਕਿਹਾ, ਤਾਂ ਇਸ ਲਈ ਇਹ ਇੱਕ ਮੇਰੇ ਵਲੋਂ।'
.ǝɯ ɯoɹɟ ǝuo s,ǝɹǝɥ os ˙😜pןǝıɟ uo noʎ pןoʇ ǝʌɐɥ ı ʇɐɥʍ ɟo ɐʇןn ǝuop sʎɐʍןɐ ǝʌ,noʎ ˙ɹɐǝʎ ʍǝu ǝɥʇ oʇ ʇɹɐʇs ʇɐǝɹƃ ɐ ǝʌɐɥ ¡nɹıʌ 'ʎɐpɥʇɹıq ʎddɐɥ pic.twitter.com/L1XTzhzoiU
— sachin tendulkar (@sachin_rt) October 20, 2017
ਤੁਹਾਨੂੰ ਦੱਸ ਦਈਏ ਕਿ ਸਚਿਨ ਅਤੇ ਸਹਿਵਾਗ ਦਰਮਿਆਨ ਬਹੁਤ ਚੰਗੀ ਦੋਸਤੀ ਹੈ। ਦੋਨੋਂ ਹੀ ਮੈਚ ਦੀ ਓਪਨਿੰਗ ਕਰਨ ਲਈ ਇਕੱਠੇ ਮੈਦਾਨ ਵਿੱਚ ਉਤਰਦੇ ਸਨ। ਦੋਨੋਂ ਜਿੰਨੇ ਚੰਗੇ ਦੋਸਤ ਆਨ ਫੀਲਡ ਸਨ, ਉਸ ਤੋਂ ਕਿਤੇ ਜ਼ਿਆਦਾ ਚੰਗੇ ਦੋਸਤ ਅਸਲ ਜਿੰਦਗੀ ਵਿੱਚ ਵੀ ਹਨ। ਕੁਝ ਸਮਾਂ ਪਹਿਲਾਂ ਸਚਿਨ ਨੇ ਸਹਿਵਾਗ ਨੂੰ ਇੱਕ ਲਗਜ਼ਰੀ ਗੱਡੀ ਵੀ ਗਿਫਟ ਕੀਤੀ ਸੀ, ਜਿਸਦੇ ਲਈ ਸਹਿਵਾਗ ਨੇ ਸੋਸ਼ਲ ਮੀਡੀਆ ਦੇ ਜਰੀਏ ਧੰਨਵਾਦ ਕਿਹਾ ਸੀ। ਸਹਿਵਾਗ ਨੂੰ ਸ਼ੁਕਰਵਾਰ ਦੇ ਦਿਨ ਉਨ੍ਹਾਂ ਦੇ ਜਨਮਦਿਨ ਦੇ ਮੌਕੇ ਉੱਤੇ ਢੇਰ ਸਾਰੀਆਂ ਵਧਾਈਆਂ ਮਿਲੀਆਂ ਹਨ। ਟਵਿੱਟਰ ਉੱਤੇ ਵਰਿੰਦਰ ਸਹਿਵਾਗ ਨੂੰ ਸੌਰਭ ਗਾਂਗੁਲੀ, ਯੁਵਰਾਜ ਸਿੰਘ, ਯੋਗੇਸ਼ਵਰ ਦੱਤ, ਰੋਹਿਤ ਸ਼ਰਮਾ, ਸ਼ਿਖਰ ਧਵਨ, ਰਾਬਿਨ ਉਥੱਪਾ, ਮੁਹੰਮਦ ਕੈਫ, ਵੀ.ਵੀ.ਐੱਸ. ਲਕਸ਼ਮਣ ਵਰਗੇ ਦਿੱਗਜ ਖਿਡਾਰੀਆਂ ਅਤੇ ਅਥਲੀਟਾਂ ਨੇ ਵਿਸ਼ ਕੀਤਾ। ਮੁੱਕੇਬਾਜ਼ ਵਿਜੇਂਦਰ ਸਿੰਘ ਨੇ ਵੀ ਅਲੱਗ ਹੀ ਸਟਾਈਲ ਵਿਚ ਵਰਿੰਦਰ ਸਹਿਵਾਗ ਨੂੰ ਬਰਥਡੇ ਵਿਸ਼ ਕੀਤਾ ਸੀ।