ਪੰਜਾਬ ਸਰਕਾਰ 'ਤੇ ਭੜਕੀ ਬਾਕਸਰ, ਕਿਹਾ -TikTok ਬਣਾਉਣ ਵਾਲਿਆਂ ਲਈ ਪੈਸੇ ਹਨ, ਸਾਡੇ ਲਈ ਨਹੀਂ
08/25/2020 5:12:07 PM
ਸਪੋਰਟਸ ਡੈਸਕ : ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ 5 ਮਹੀਨੇ ਪਹਿਲਾਂ ਓਲੰਪਿਕ ਮੁੱਕੇਬਾਜ ਸਿਮਰਨਜੀਤ ਕੌਰ ਨੂੰ ਨੌਕਰੀ ਦੇਣ ਦੀ ਗੱਲ ਕਹੀ ਸੀ ਪਰ ਹੁਣ ਤੱਕ ਉਸ ਨੂੰ ਪੂਰਾ ਨਹੀਂ ਕੀਤਾ ਗਿਆ ਹੈ। ਇਸ 'ਤੇ ਪੰਜਾਬ ਸਰਕਾਰ ਖ਼ਿਲਾਫ ਭੜਾਸ ਕੱਢਦੇ ਹੋਏ ਬਾਕਸਰ ਸਿਮਰਨਜੀਤ ਨੇ ਕਿਹਾ ਕਿ ਉਨ੍ਹਾਂ ਕੋਲ ਟਿਕ ਟਾਕ ਬਣਾਉਣ ਵਾਲਿਆਂ ਲਈ ਤਾਂ ਪੈਸੇ ਹਨ ਪਰ ਸਾਡੇ ਲਈ ਨਹੀਂ।
ਇਹ ਵੀ ਪੜ੍ਹੋ : ਬੱਲੇਬਾਜ ਕ੍ਰਿਸ ਗੇਲ ਦੀ ਕੋਰੋਨਾ ਰਿਪੋਰਟ ਆਈ ਸਾਹਮਣੇ
ਟੋਕੀਓ ਓਲੰਪਿਕ ਲਈ ਕਵਾਲੀਫਾਇ ਕਰਨ ਵਾਲੀ ਸਿਮਰਨਜੀਤ ਨੇ ਆਪਣੀ ਆਰਥਿਕ ਹਾਲਤ ਠੀਕ ਨਾ ਹੋਣ ਦੀ ਜਾਣਕਾਰੀ ਦਿੱਤੀ ਸੀ, ਜਿਸ ਦੇ ਬਾਅਦ ਕੈਪਟਨ ਅਮਰਿੰਦਰ ਸਿੰਘ ਨੇ ਟਵੀਟ ਕਰਦੇ ਹੋਏ ਭਾਰਤੀ ਬਾਕਸਰ ਦੀ ਸਹਾਇਤਾ ਕਰਣ ਦੀ ਗੱਲ ਕਹੀ ਸੀ। ਕ੍ਰਿਕਟਰ ਹਰਭਜਨ ਸਿੰਘ ਅਤੇ ਖੇਡ ਮੰਤਰੀ ਕਿਰਨ ਰੀਜਿਜੂ ਨੇ ਉਸ ਸਮੇਂ ਸਿਮਰਨਜੀਤ ਦੇ ਸੰਘਰਸ਼ ਉਜਾਗਰ ਕਰਨ ਲਈ ਮੀਡੀਆ ਦਾ ਧੰਨਵਾਦ ਵੀ ਕੀਤਾ ਸੀ।
ਇਹ ਵੀ ਪੜ੍ਹੋ : ਵੰਦੇ ਭਾਰਤ ਮਿਸ਼ਨ ਦੀਆਂ ਉਡਾਣਾਂ ਲਈ ਕੇਂਦਰ ਸਰਕਾਰ ਨੇ ਜਾਰੀ ਕੀਤੇ ਨਵੇਂ ਦਿਸ਼ਾ-ਨਿਰਦੇਸ਼, ਜਾਣੋ ਕੀ ਕੀਤਾ ਬਦਲਾਅ
ਸਿਮਰਨਜੀਤ ਦਾ ਇਸ ਬਾਰੇ ਵਿਚ ਦਾਅਵਾ ਹੈ ਕਿ ਉਨ੍ਹਾਂ ਨੂੰ ਰਾਜ ਸਰਕਾਰ ਵੱਲੋਂ ਕੋਈ ਸਹਾਇਤਾ ਨਹੀਂ ਮਿਲੀ ਹੈ। ਉਨ੍ਹਾਂ ਕਿਹਾ, 'ਮੈਨੂੰ ਉਨ੍ਹਾਂ ਦੇ ਮਾਪਦੰਡ ਦੇ ਬਾਰੇ ਵਿਚ ਕੁੱਝ ਨਹੀਂ ਪਤਾ ਹੈ। ਮੇਰੇ ਨਾਲ 5 ਲੱਖ ਰੁਪਏ ਦੇਣ ਦਾ ਵਾਅਦਾ ਕੀਤਾ ਗਿਆ ਸੀ ਪਰ ਕਿਸ ਨੂੰ ਪ੍ਰਵਾਹ ਹੈ? ਜਦੋਂਕਿ ਟਿਕ ਟਾਕ ਸਿਤਾਰਿਆਂ ਨੂੰ ਸਮੇਂ 'ਤੇ ਪੰਜਾਬ ਸਰਕਾਰ ਵੱਲੋਂ ਆਪਣਾ ਪੈਸਾ ਮਿਲ ਗਿਆ। ਉਨ੍ਹਾਂ ਕਿਹਾ, 'ਜਦੋਂ ਮੈਂ ਮਾਰਚ ਵਿਚ ਸੀ.ਐਮ. ਨੂੰ ਮਿਲੀ ਸੀ ਤਾਂ ਮੈਨੂੰ ਪੰਜਾਬ ਸਰਕਾਰ ਵਿਚ ਨੌਕਰੀ ਦੇਣ ਦੀ ਵੀ ਗੱਲ ਕਹੀ ਗਈ ਸੀ ਪਰ ਪ੍ਰਵਾਹ ਕਿਸ ਨੂੰ ਹੈ? ਉਹ ਐਥਲੀਟਸ ਨੂੰ ਕਿਉਂ ਚਾਹੁੰਣਗੇ, ਜਿਸ ਦੇ ਅਸੀਂ ਕਾਬਲ ਹਾਂ ਜਾਂ ਸਾਡੇ ਨਾਲ ਜੋ ਵਾਅਦਾ ਕੀਤਾ ਸੀ ,ਉਹ ਚਾਹੁੰਦੇ ਨੇ ਉਸ ਲਈ ਭੀਖ ਮੰਗੀਏ।'
ਇਹ ਵੀ ਪੜ੍ਹੋ : ਕੀ ਧੋਨੀ ਅਤੇ ਉਨ੍ਹਾਂ ਦੀ ਪਤਨੀ ਫੜਨਗੇ ਭਾਜਪਾ ਦਾ ਪੱਲਾ, ਦੋਵਾਂ 'ਤੇ ਟਿਕੀਆਂ ਪਾਰਟੀ ਦੀਆਂ ਨਜ਼ਰਾਂ
ਬਾਕਸਰ ਨੇ ਕਿਹਾ, 'ਮੈਨੂੰ ਹੁਣ ਤੱਕ ਲਿਖਤੀ ਭਰੋਸਾ ਨਹੀਂ ਮਿਲਿਆ ਹੈ। ਲਿਖਤੀ ਵਿਚ ਇਕ ਵੀ ਪੇਪਰ ਨਹੀਂ ਦਿੱਤਾ। ਮੈਨੂੰ ਨਹੀਂ ਪਤਾ ਕਿ ਕਿਸ ਨੂੰ ਮਿਲਣਾ ਹੈ ਜਾਂ ਬੇਨਤੀ ਕਰਣੀ ਹੈ। ਮੈਂ ਜ਼ਿਆਦਾ ਕੁੱਝ ਨਹੀਂ ਕਰ ਸਕਦੀ। ਤਾਲਾਬੰਦੀ ਨੇ ਹਰ ਜਗ੍ਹਾ ਸਭ ਕੁੱਝ ਰੋਕ ਦਿੱਤਾ, ਤਾਂ ਚਲੋ ਵੇਖਦੇ ਹਾਂ ਕਿ ਇਹ ਸਭ ਕਦੋਂ ਖ਼ਤਮ ਹੁੰਦਾ ਹੈ ਅਤੇ ਕਦੋਂ ਮੈਨੂੰ ਨੌਕਰੀ ਮਿਲਦੀ ਹੈ। ਉਨ੍ਹਾਂ ਨੂੰ ਸੱਮਝਣਾ ਚਾਹੀਦਾ ਹੈ ਮੈਨੂੰ ਅਸਲ ਵਿਚ ਇਸ ਦੀ (ਨੌਕਰੀ) ਲੋੜ ਹੈ।'
ਇਹ ਵੀ ਪੜ੍ਹੋ : CPL 2020: ਮੁਨਰੋ ਨੂੰ ਆਊਟ ਕਰਕੇ ਵਿੰਡੀਜ ਗੇਂਦਬਾਜ ਨੇ ਦਿਖਾਇਆ 'ਬਾਬਾ ਜੀ ਕਾ ਠੁੱਲੂ'
ਲੁਧਿਆਣਾ ਦੇ ਚੱਕਰ ਪਿੰਡ ਦੀ ਰਹਿਣ ਵਾਲੀ ਸਿਮਰਨਜੀਤ ਦੇ ਪਰਿਵਾਰ ਵਿਚ 5 ਲੋਕ ਹਨ ਜਿਸ ਵਿਚ 2 ਛੋਟੇ ਭਰਾ, ਵੱਡੀ ਭੈਣ ਅਤੇ ਮਾਂ ਸ਼ਾਮਲ ਹਨ। ਇਕ ਸਥਾਨਕ ਕਰਿਆਣਾ ਦੁਕਾਨ ਵਿਚ ਕੰਮ ਕਰਣ ਵਾਲੇ ਉਸ ਦੇ ਪਿਤਾ ਦੀ ਜੁਲਾਈ 2018 ਵਿਚ ਦਿਲ ਦਾ ਦੌਰਾ ਪੈਣ ਨਾਲ ਮੌਤ ਹੋ ਗਈ ਸੀ। ਉਦੋਂ ਤੋਂ ਪਰਿਵਾਰ ਪੂਰੀ ਤਰ੍ਹਾਂ ਨਾਲ ਇਸ ਗੱਲ 'ਤੇ ਨਿਰਭਰ ਹੈ ਕਿ ਸਿਮਰਨਜੀਤ ਅੰਤਰਰਾਸ਼ਟਰੀ ਟੂਰਨਾਮੈਂਟ ਵਿਚ ਭਾਗ ਲੈਣ ਨਾਲ ਕੀ ਕਮਾਉਂਦੀ ਹੈ।
ਇਹ ਵੀ ਪੜ੍ਹੋ : ਇਹ ਹੈ ਇਕ ਅਜਿਹਾ ਮਾਸਕ ਜੋ ਸਕਿੰਟਾਂ 'ਚ ਵਾਇਰਸ ਨੂੰ ਕਰਦਾ ਹੈ ਨਸ਼ਟ, ਕੀਮਤ ਹੈ ਸਿਰਫ਼ ਇੰਨੀ
ਇਸ ਸਮੇਂ ਸਿਮਰਨਜੀਤ ਨੈਸ਼ਨਲ ਕੈਂਪ ਪਟਿਆਲਾ ਵਿਚ ਹੈ। ਉਨ੍ਹਾਂ ਮੁਤਾਬਕ ਟ੍ਰੇਨਿੰਗ ਵਧੀਆ ਚੱਲ ਰਹੀ ਹੈ। ਉਨ੍ਹਾਂ ਕਿਹਾ, 'ਮੈਂ ਟੋਕੀਓ ਖੇਡਾਂ ਵਿਚ ਤਮਗਾ ਜਿੱਤਣਾ ਚਾਹੁੰਦੀ ਹਾਂ। ਰਾਸ਼ਟਰਵਿਆਪੀ ਬੰਦ ਕਾਰਨ ਲੰਬੇ ਇੰਤਜਾਰ ਦੇ ਬਾਅਦ ਸਿਖਲਾਈ ਫਿਰ ਤੋਂ ਸ਼ੁਰੂ ਕਰਣਾ ਬਹੁਤ ਚੰਗਾ ਸੀ।'
ਇਹ ਵੀ ਪੜ੍ਹੋ : ਹਾਂਗਕਾਂਗ 'ਚ ਵਿਅਕਤੀ ਨੂੰ ਦੂਜੀ ਵਾਰ ਹੋਇਆ 'ਕੋਰੋਨਾ', ਵਿਗਿਆਨੀਆਂ ਦੀ WHO ਨੂੰ ਖ਼ਾਸ ਸਲਾਹ
