PSL 2023 : ਲਾਹੌਰ ਦੇ ਗੱਦਾਫੀ ਸਟੇਡੀਅਮ 'ਚ ਚੋਰੀ, ਲੱਖਾਂ ਦਾ ਸਾਮਾਨ ਲੈ ਕੇ ਚੋਰ ਹੋਏ ਫਰਾਰ

02/26/2023 5:31:45 PM

ਸਪੋਰਟਸ ਡੈਸਕ : ਪਾਕਿਸਤਾਨ ਸੁਪਰ ਲੀਗ 2023 (PSL) ਟੂਰਨਾਮੈਂਟ 'ਚ ਚੋਰੀ ਦਾ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਪੀ. ਐੱਸ. ਐੱਲ ਦੀ ਨਿਗਰਾਨੀ ਲਈ ਲਾਹੌਰ ਦੇ ਗੱਦਾਫੀ ਸਟੇਡੀਅਮ ਦੇ ਅੰਦਰ ਲੱਗੇ ਅੱਠ ਸੁਰੱਖਿਆ ਕੈਮਰੇ ਚੋਰੀ ਹੋ ਗਏ ਹਨ। ਸਟੇਡੀਅਮ ਤੋਂ ਸਿਰਫ ਸੁਰੱਖਿਆ ਕੈਮਰੇ ਹੀ ਨਹੀਂ, ਸੀਸੀਟੀਵੀ ਫੁਟੇਜ ਦੀ ਲਾਈਵ ਰਿਕਾਰਡਿੰਗ ਅਤੇ ਪੀਐਸਐਲ ਮੈਚਾਂ ਦੀ ਨਿਗਰਾਨੀ ਲਈ ਲੋੜੀਂਦੀਆਂ ਕੁਝ ਜਨਰੇਟਰ ਬੈਟਰੀਆਂ ਅਤੇ ਫਾਈਬਰ ਕੇਬਲ ਵੀ ਕਥਿਤ ਤੌਰ 'ਤੇ ਚੋਰੀ ਹੋ ਗਏ ਹਨ। ਚੋਰੀ ਹੋਏ ਸਾਰੇ ਸਾਮਾਨ ਦੀ ਕੀਮਤ ਲੱਖਾਂ ਰੁਪਏ ਦੱਸੀ ਜਾ ਰਹੀ ਹੈ। 

ਸਟੇਡੀਅਮ ਦੇ ਬਾਹਰ ਲੱਗੇ ਸੀਸੀਟੀਵੀ ਫੁਟੇਜ ਵਿੱਚ ਚੋਰ ਲੁੱਟ ਦੇ ਨਾਲ ਭੱਜਦੇ ਹੋਏ ਰਿਕਾਰਡ ਕੀਤੇ ਗਏ ਹਨ। ਕਥਿਤ ਦੋਸ਼ੀਆਂ ਖਿਲਾਫ ਥਾਣਾ ਗੁਲਬਰਗ ਵਿਖੇ ਦੋ ਵੱਖ-ਵੱਖ ਮਾਮਲੇ ਦਰਜ ਕੀਤੇ ਗਏ ਹਨ, ਜਿਨ੍ਹਾਂ ਦੀ ਫਿਲਹਾਲ ਜਾਂਚ ਕੀਤੀ ਜਾ ਰਹੀ ਹੈ। ਅਜੇ ਤੱਕ ਕੋਈ ਗ੍ਰਿਫਤਾਰੀ ਨਹੀਂ ਹੋਈ ਹੈ ਅਤੇ ਜਾਂਚ ਅਧਿਕਾਰੀਆਂ ਦੇ ਅਧਿਕਾਰਤ ਬਿਆਨ ਦੀ ਉਡੀਕ ਹੈ। ਚੱਲ ਰਹੀ ਪਾਕਿਸਤਾਨ ਸੁਪਰ ਲੀਗ ਲਈ ਸੁਰੱਖਿਆ ਮੁੱਦੇ ਅਸਧਾਰਨ ਨਹੀਂ ਹਨ। ਇਹ ਵੀ ਮਹੱਤਵਪੂਰਨ ਹੈ ਕਿ ਪਾਕਿਸਤਾਨ ਦੀ ਪੰਜਾਬ ਸਰਕਾਰ ਅਤੇ ਪਾਕਿਸਤਾਨ ਕ੍ਰਿਕਟ ਬੋਰਡ (ਪੀ.ਸੀ.ਬੀ.) ਵਿਚਕਾਰ ਹਾਲਾਤ ਬਹੁਤੇ ਸੁਖਾਵੇਂ ਨਹੀਂ ਹਨ। ਦੋਵੇਂ ਗਵਰਨਿੰਗ ਬਾਡੀਜ਼ ਇਸ ਗੱਲ ਨੂੰ ਲੈ ਕੇ ਮਤਭੇਦ 'ਚ  ਹਨ ਕਿ ਕੀ ਪੀਐੱਸਐੱਲ ਦੇ ਸੁਰੱਖਿਆ ਖਰਚੇ ਕੌਣ ਅਦਾ ਕਰੇਗਾ ।

ਇਹ ਵੀ ਪੜ੍ਹੋ : ਸੌਰਵ ਗਾਂਗੁਲੀ ਨੇ ਕੀਤੀ ਵੱਡੀ ਭਵਿੱਖਬਾਣੀ, ਦੱਸਿਆ ਇੰਨੇ ਫ਼ਰਕ ਨਾਲ ਜਿੱਤੇਗਾ ਭਾਰਤ ਸੀਰੀਜ਼

ਇਸ ਮਾਮਲੇ ਤੋਂ ਬਾਅਦ ਲਾਹੌਰ ਅਤੇ ਰਾਵਲਪਿੰਡੀ ਵਿੱਚ ਮੈਚਾਂ ਦਾ ਆਯੋਜਨ ਵੀ ਲਟਕ ਗਿਆ ਹੈ। ਇਸ ਤੋਂ ਇਲਾਵਾ, ਪੀਐਸਐਲ ਲੀਗ ਦਾ ਆਉਟਕੋਰਸ ਆਪਣੇ ਵਿਵਾਦਾਂ ਲਈ ਵਧੇਰੇ ਖ਼ਬਰਾਂ ਵਿੱਚ ਰਿਹਾ ਹੈ। ਜਿੱਥੇ ਪੰਜਾਬ ਸਰਕਾਰ ਨੇ ਸੁਰੱਖਿਆ ਫੰਡ ਦੀ ਆਪਣੀ ਮੰਗ 45 ਕਰੋੜ ਰੁਪਏ ਤੋਂ ਘਟਾ ਕੇ 25 ਕਰੋੜ ਰੁਪਏ ਕਰ ਦਿੱਤੀ ਹੈ, ਉਥੇ ਹੀ ਪੀਸੀਬੀ ਨੇ ਇਹ ਰਾਸ਼ੀ ਨਿਗਰਾਨ ਸਰਕਾਰ ਨੂੰ ਨਾ ਦੇਣ ਦੇ ਆਪਣੇ ਫੈਸਲੇ 'ਤੇ ਕਾਇਮ ਰਹਿਣ ਦਾ ਫੈਸਲਾ ਕੀਤਾ ਹੈ।

ਪੀਸੀਬੀ ਦੇ ਸਾਬਕਾ ਚੇਅਰਮੈਨ ਰਮੀਜ਼ ਰਾਜਾ ਨੇ ਇਸ ਮੁੱਦੇ 'ਤੇ ਪੀਸੀਬੀ ਦੇ ਸਟੈਂਡ ਦੀ ਸ਼ਲਾਘਾ ਕੀਤੀ ਹੈ। ਉਸ ਨੇ ਕਿਹਾ ਹੈ ਕਿ ਪੀਸੀਬੀ ਨੂੰ ਦੂਜਿਆਂ ਦਾ ਕੰਮ ਨਹੀਂ ਲੈਣਾ ਚਾਹੀਦਾ। ਫੰਡਾਂ ਦਾ ਪ੍ਰਬੰਧ ਕਰਨਾ ਅਤੇ ਸਟੇਡੀਅਮ ਦੀ ਸੁਰੱਖਿਆ ਦਾ ਧਿਆਨ ਰੱਖਣਾ ਪੰਜਾਬ ਸਰਕਾਰ ਦੀ ਜ਼ਿੰਮੇਵਾਰੀ ਹੈ। ਉਸ ਨੇ ਅੱਗੇ ਕਿਹਾ ਕਿ ਜੇਕਰ ਕ੍ਰਿਕਟ ਬੋਰਡ ਨੂੰ ਸੁਰੱਖਿਆ ਖਰਚਿਆਂ ਦਾ ਭੁਗਤਾਨ ਕਰਨਾ ਸ਼ੁਰੂ ਕਰਨਾ ਪਿਆ ਤਾਂ ਇਹ ਹੋਰ ਦੀਵਾਲੀਆ ਹੋ ਜਾਵੇਗਾ।

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।


Tarsem Singh

Content Editor

Related News