ਪ੍ਰਣਵੀ ਜੋਬਰਗ ਓਪਨ ’ਚ ਸਾਂਝੇ ਤੌਰ ’ਤੇ 30ਵੇਂ ਸਥਾਨ ’ਤੇ ਪਹੁੰਚੀ

ਜੋਹਾਨਸਬਰਗ– ਭਾਰਤੀ ਗੋਲਫਰ ਪ੍ਰਣਵੀ ਉਰਸ ਨੇ ਆਪਣਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਰੱਖਦੇ ਹੋਏ ਤੀਜੇ ਦੌਰ ’ਚ 3 ਅੰਡਰ 70 ਦਾ ਸਕੋਰ ਬਣਾ ਕੇ ਲੇਡੀਜ਼ ਯੂਰਪੀਅਨ ਟੂਰ ਦੇ ਜੋਬਰਗ ਮਹਿਲਾ ਓਪਨ ’ਚ ਸਾਂਝੇ ਤੌਰ ’ਤੇ 30ਵਾਂ ਸਥਾਨ ਹਾਸਲ ਕਰ ਲਿਆ। ਪ੍ਰਣਵੀ ਨੇ ਪਹਿਲੇ ਦੋ ਦਿਨ ’ਚ 70-74 ਦਾ ਸਕੋਰ ਬਣਾਇਆ ਸੀ। ਉਸ ਨੇ ਤੀਜੇ ਦੌਰ ’ਚ 3 ਬੋਗੀਆਂ ਕੀਤੀਆਂ ਪਰ ਇਸ ਦੇ ਨਾਲ ਹੀ 6 ਬਰਡੀਆਂ ਵੀ ਲਗਾਈਆਂ। ਉਸ ਦਾ ਕੁੱਲ ਸਕੋਰ ਹੁਣ 5 ਅੰਡਰ ਹੈ।

ਹੋਰ ਭਾਰਤੀ ਖਿਡਾਰਨਾਂ ਦੀਕਸ਼ਾ ਡਾਗਰ, ਤਵੇਸਾ ਮਲਿਕ, ਅਵਨੀ ਪ੍ਰਸ਼ਾਂਤ ਤੇ ਹਿਤਾਸ਼ੀ ਬਖਸ਼ੀ ਕੱਟ ’ਚ ਜਗ੍ਹਾ ਨਹੀਂ ਬਣਾ ਸਕੀਆਂ ਸਨ। ਫਰਾਂਸ ਦੀਆਂ 3 ਖਿਡਾਰਨਾਂ ਕੈਮਿਲਾ ਸ਼ੈਵਲੀਅਰ, ਸੇਲੀਨ ਹਰਬਿਨ ਤੇ ਅਗਾਥੇ ਲੈਸਨੇ ਸਾਂਝੀ ਬੜ੍ਹਤ ’ਤੇ ਹਨ। ਇਨ੍ਹਾਂ ਤਿੰਨਾਂ ਦਾ ਕੁੱਲ ਸਕੋਰ 16 ਅੰਡਰ ਪਾਰ ਹੈ।