ਪਾਕਿਸਤਾਨ ਨੇ ਰਚਿਆ ਇਤਿਹਾਸ, ਸਿਰਫ 31 ਗੇਂਦਾਂ 'ਚ ਜਿੱਤਿਆ ਮੈਚ

ਸਪੋਰਟਸ ਡੈਸਕ - ਪਾਕਿਸਤਾਨ ਦੀ ਟੀਮ ਨੇ ਬੁਲਵਾਇਓ ਦੇ ਮੈਦਾਨ 'ਤੇ ਇਤਿਹਾਸ ਰਚ ਦਿੱਤਾ ਹੈ। ਮੰਗਲਵਾਰ ਨੂੰ ਪਾਕਿਸਤਾਨ ਨੇ ਦੂਜੇ ਟੀ-20 ਵਿੱਚ ਜ਼ਿੰਬਾਬਵੇ ਨੂੰ 10 ਵਿਕਟਾਂ ਨਾਲ ਹਰਾਇਆ। ਵੱਡੀ ਗੱਲ ਇਹ ਹੈ ਕਿ ਪਾਕਿਸਤਾਨ ਨੇ ਇਹ ਜਿੱਤ ਸਿਰਫ 33 ਗੇਂਦਾਂ 'ਚ ਹਾਸਲ ਕੀਤੀ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਜ਼ਿੰਬਾਬਵੇ ਨੇ 12.4 ਓਵਰਾਂ 'ਚ ਸਿਰਫ 57 ਦੌੜਾਂ ਬਣਾਈਆਂ। ਜਵਾਬ 'ਚ ਪਾਕਿਸਤਾਨ ਨੇ 5.1 ਓਵਰਾਂ 'ਚ ਮੈਚ ਖਤਮ ਕਰ ਦਿੱਤਾ। ਸੈਮ ਅਯੂਬ ਨੇ 18 ਗੇਂਦਾਂ ਵਿੱਚ ਨਾਬਾਦ 36 ਦੌੜਾਂ ਅਤੇ ਓਮੇਰ ਯੂਸਫ਼ ਨੇ 15 ਗੇਂਦਾਂ ਵਿੱਚ 22 ਦੌੜਾਂ ਬਣਾਈਆਂ। ਪਾਕਿਸਤਾਨ ਦੀ ਜਿੱਤ ਦਾ ਹੀਰੋ ਲੈਫਟ ਆਰਮ ਸਪਿਨਰ ਸੂਫੀਆਨ ਮੁਕੀਮ ਰਿਹਾ, ਜਿਸ ਨੇ 3 ਦੌੜਾਂ ਦੇ ਕੇ 5 ਵਿਕਟਾਂ ਲਈਆਂ।

20 ਦੌੜਾਂ 'ਤੇ 10 ਵਿਕਟਾਂ ਕੀਤੀਆਂ ਹਾਸਲ
ਸੂਫੀਆਨ ਮੁਕੀਮ ਨੂੰ ਪਲੇਅਰ ਆਫ ਦਾ ਮੈਚ ਚੁਣਿਆ ਗਿਆ ਕਿਉਂਕਿ ਇਸ ਖਿਡਾਰੀ ਨੇ ਜ਼ਿੰਬਾਬਵੇ ਦੀ ਪਾਰੀ ਨੂੰ ਪੂਰੀ ਤਰ੍ਹਾਂ ਤਬਾਹ ਕਰ ਦਿੱਤਾ ਸੀ। ਇਕ ਸਮੇਂ ਜ਼ਿੰਬਾਬਵੇ ਦੇ ਸਲਾਮੀ ਬੱਲੇਬਾਜ਼ਾਂ ਨੇ 37 ਦੌੜਾਂ ਜੋੜੀਆਂ ਸਨ ਪਰ ਇਸ ਤੋਂ ਬਾਅਦ ਅੱਬਾਸ ਅਫਰੀਦੀ ਨੇ ਪਹਿਲਾਂ ਜ਼ਿੰਬਾਬਵੇ ਨੂੰ ਝਟਕਾ ਦਿੱਤਾ ਅਤੇ ਫਿਰ ਹੈਰਿਸ ਰਾਊਫ, ਸਲਮਾਨ ਆਗਾ ਨੇ ਵੀ ਟੀਮ ਨੂੰ ਨੁਕਸਾਨ ਪਹੁੰਚਾਇਆ। ਮੁਕਿਮ ਨੇ ਜ਼ਿੰਬਾਬਵੇ ਦੇ ਪੂਰੇ ਮੱਧਕ੍ਰਮ ਨੂੰ ਤਬਾਹ ਕਰ ਦਿੱਤਾ। ਇਸ ਖੱਬੇ ਹੱਥ ਦੇ ਸਪਿਨਰ ਨੇ 16 ਗੇਂਦਾਂ 'ਚ ਸਿਰਫ 3 ਦੌੜਾਂ ਦੇ ਕੇ 5 ਵਿਕਟਾਂ ਲਈਆਂ।

The best bowling figures for Pakistan in the history of T20I cricket 🔥

Sufiyan Muqeem is enjoying his time as an international cricketer. 5/3 in a T20I match is just crazy 🇵🇰❤️#ZIMvPAK #tapmad #DontStopStreaming #CatchEveryMatch pic.twitter.com/frBmzxW8R2

— Farid Khan (@_FaridKhan) December 3, 2024

ਪਾਕਿਸਤਾਨ ਨੇ ਬਣਾਇਆ ਇਹ ਰਿਕਾਰਡ
ਇਸ ਜਿੱਤ ਨਾਲ ਪਾਕਿਸਤਾਨ ਨੇ ਇਕ ਵੱਡਾ ਰਿਕਾਰਡ ਆਪਣੇ ਨਾਂ ਕਰ ਲਿਆ ਹੈ। ਟੀ-20 'ਚ ਪਾਕਿਸਤਾਨ ਦੀ ਇਹ ਸਭ ਤੋਂ ਵੱਡੀ ਜਿੱਤ ਹੈ। ਪਹਿਲੀ ਵਾਰ ਪਾਕਿਸਤਾਨ ਨੇ ਇੰਨੀਆਂ ਘੱਟ ਗੇਂਦਾਂ 'ਤੇ ਟੀ-20 ਮੈਚ ਜਿੱਤਿਆ ਹੈ। ਇੰਗਲੈਂਡ ਨੇ ਆਈ.ਸੀ.ਸੀ. ਦੀ ਪੂਰੀ ਮੈਂਬਰ ਟੀਮਾਂ ਵਿੱਚੋਂ ਸਭ ਤੋਂ ਘੱਟ 19 ਗੇਂਦਾਂ ਵਿੱਚ ਟੀ-20 ਅੰਤਰਰਾਸ਼ਟਰੀ ਮੈਚ ਜਿੱਤਿਆ ਹੈ। ਇਸ ਸਾਲ ਟੀ-20 ਵਿਸ਼ਵ ਕੱਪ ਵਿੱਚ ਇੰਗਲੈਂਡ ਨੇ ਓਮਾਨ ਨੂੰ 19 ਗੇਂਦਾਂ ਵਿੱਚ ਹਰਾਇਆ ਸੀ।

ਪਾਕਿਸਤਾਨ ਹੀ ਨਹੀਂ ਇਸ ਦੇ ਨੌਜਵਾਨ ਸਪਿਨਰ ਨੇ ਵੀ ਇਕ ਵੱਡਾ ਰਿਕਾਰਡ ਆਪਣੇ ਨਾਂ ਕਰ ਲਿਆ ਹੈ। ਸੂਫੀਆਨ ਮੁਕੀਮ ਨੇ ਸਿਰਫ 3 ਦੌੜਾਂ ਦੇ ਕੇ 5 ਵਿਕਟਾਂ ਲਈਆਂ, ਜੋ ਕਿ ਟੀ-20 ਵਿੱਚ ਕਿਸੇ ਵੀ ਪਾਕਿਸਤਾਨੀ ਗੇਂਦਬਾਜ਼ ਦਾ ਸਰਵੋਤਮ ਪ੍ਰਦਰਸ਼ਨ ਹੈ। ਇਸ ਤੋਂ ਪਹਿਲਾਂ ਇਹ ਰਿਕਾਰਡ ਉਮਰ ਗੁਲ ਦੇ ਨਾਂ ਸੀ। ਜਿਸ ਨੇ 6 ਦੌੜਾਂ ਦੇ ਕੇ 5 ਵਿਕਟਾਂ ਲਈਆਂ।