ਮੁਸਤਫਿਜ਼ੁਰ ਰਹਿਮਾਨ BBL ''ਚ ਡੈਬਿਊ ਲਈ ਤਿਆਰ, ਮੈਲਬਰਨ ਰੇਨੇਗੇਡਜ਼ ਨਾਲ ਕੀਤਾ ਕਰਾਰ

ਸਪੋਰਟਸ ਡੈਸਕ- ਬੰਗਲਾਦੇਸ਼ ਦੇ ਅਨੁਭਵੀ ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਮੁਸਤਫਿਜ਼ੁਰ ਰਹਿਮਾਨ ਬਿਗ ਬੈਸ਼ ਲੀਗ (BBL) 2026-27 ਸੀਜ਼ਨ ਲਈ ਮੈਲਬਰਨ ਰੇਨੇਗੇਡਜ਼ ਨਾਲ ਜੁੜ ਗਏ ਹਨ। 31 ਸਾਲਾ ਮੁਸਤਫਿਜ਼ੁਰ, ਜਿਨ੍ਹਾਂ ਨੇ ਵਿਸ਼ਵ ਭਰ ਵਿੱਚ 331 ਟੀ-20 ਮੈਚਾਂ ਵਿੱਚ 423 ਵਿਕਟਾਂ ਲਈਆਂ ਹਨ, ਪਹਿਲੀ ਵਾਰ BBL ਵਿੱਚ ਖੇਡਦੇ ਨਜ਼ਰ ਆਉਣਗੇ।

ਰੇਨੇਗੇਡਜ਼ ਨੇ ਜ਼ਖ਼ਮੀ ਤੇਜ਼ ਗੇਂਦਬਾਜ਼ ਜੇਸਨ ਬਹਿਰਨਡੋਰਫ ਦੇ ਪੂਰੇ ਸੀਜ਼ਨ ਤੋਂ ਬਾਹਰ ਹੋਣ ਤੋਂ ਬਾਅਦ ਮੁਸਤਫਿਜ਼ੁਰ ਨੂੰ ਟੀਮ ਵਿੱਚ ਸ਼ਾਮਲ ਕੀਤਾ ਹੈ। ILT20 ਨਾਲ ਪ੍ਰਤੀਬੱਧਤਾਵਾਂ ਕਾਰਨ ਉਹ ਪਹਿਲੇ ਮੈਚ ਲਈ ਉਪਲਬਧ ਨਹੀਂ ਹੋਣਗੇ, ਪਰ ਜਨਵਰੀ ਵਿੱਚ ਮੈਲਬਰਨ ਕ੍ਰਿਕਟ ਗ੍ਰਾਊਂਡ (MCG) 'ਤੇ ਹੋਣ ਵਾਲੇ ਮੈਚਾਂ ਲਈ ਟੀਮ ਨਾਲ ਜੁੜਨਗੇ।

ਰੇਨੇਗੇਡਜ਼ ਦੇ ਨਵੇਂ ਕੋਚ ਲੂਕ ਰੋਂਚੀ ਨੇ ਕਿਹਾ ਕਿ ਮੁਸਤਫਿਜ਼ੁਰ ਟੀ-20 ਦੇ ਬਿਹਤਰੀਨ ਮੈਚ-ਵਿਨਰ ਗੇਂਦਬਾਜ਼ ਹਨ ਅਤੇ ਪਾਵਰਪਲੇਅ ਵਾਂਗ ਡੈਥ ਓਵਰਾਂ ਵਿੱਚ ਵੀ ਵਿਕਟਾਂ ਲੈਣ ਦੀ ਉਨ੍ਹਾਂ ਦੀ ਸਮਰੱਥਾ ਟੀਮ ਲਈ ਬਹੁਤ ਫਾਇਦੇਮੰਦ ਸਾਬਤ ਹੋਵੇਗੀ।