ਮੁਹੰਮਦ ਸ਼ੰਮੀ ਦਾ ਪਾਕਿ ਪ੍ਰਸ਼ੰਸਕਾਂ ਨੂੰ ਕਰਾਰਾ ਜਵਾਬ - ਆਪਣੇ ਵਸੀਮ ਅਕਰਮ 'ਤੇ ਭਰੋਸਾ ਨਹੀਂ ਤੁਹਾਨੂੰ

ਸਪੋਰਟਸ ਡੈਸਕ : ਕ੍ਰਿਕਟ ਵਿਸ਼ਵ ਕੱਪ 2023 'ਚ ਟੀਮ ਇੰਡੀਆ ਦਾ ਪ੍ਰਦਰਸ਼ਨ ਸ਼ਾਨਦਾਰ ਰਿਹਾ ਹੈ। ਟੀਮ ਨੇ ਸਾਰੇ ਮੈਚ ਜਿੱਤ ਕੇ ਸੈਮੀਫਾਈਨਲ ਲਈ ਕੁਆਲੀਫਾਈ ਕਰ ਲਿਆ ਹੈ। ਇਸ ਦੌਰਾਨ ਟੀਮ ਇੰਡੀਆ ਦੇ ਸ਼ਾਨਦਾਰ ਪ੍ਰਦਰਸ਼ਨ ਨੂੰ ਦੇਖ ਕੇ ਕੁਝ ਪਾਕਿਸਤਾਨੀ ਪ੍ਰਸ਼ੰਸਕ ਨਿਰਾਸ਼ ਹੋ ਰਹੇ ਹਨ। ਕੁਝ ਤਾਂ ਸੋਸ਼ਲ ਮੀਡੀਆ 'ਤੇ ਵੀ ਆਪਣਾ ਗੁੱਸਾ ਕੱਢ ਰਹੇ ਹਨ। ਮੁਹੰਮਦ ਸ਼ੰਮੀ ਨੇ ਵੀ ਅਜਿਹੇ ਹੀ ਇੱਕ ਫੈਨ ਦੀ ਕਲਾਸ ਲਾਈ ਹੈ। ਜਦੋਂ ਉਕਤ ਪ੍ਰਸ਼ੰਸਕਾਂ ਨੇ ਵਰਲਡ ਕੱਪ ਫਿਕਸ ਹੋਣ ਦੀ ਗੱਲ ਕੀਤੀ ਤਾਂ ਸ਼ੰਮੀ ਨੇ ਆਪਣੀ ਇੰਸਟਾ ਸਟੋਰੀ ਸ਼ੇਅਰ ਕਰਕੇ ਕਰਾਰਾ ਜਵਾਬ ਦਿੱਤਾ।

ਇਹ ਵੀ ਪੜ੍ਹੋ : MS ਧੋਨੀ ਨੇ ਖਰੀਦੀ ਨਵੀਂ ਜਾਵਾ 42 ਬਾਬਰ (ਦੇਖੋ ਤਸਵੀਰਾਂ)

ਦਰਅਸਲ, ਕੁਝ ਦਿਨ ਪਹਿਲਾਂ ਪਾਕਿਸਤਾਨ ਕ੍ਰਿਕਟ ਟੀਮ ਦੇ ਸਾਬਕਾ ਖਿਡਾਰੀ ਹਸਨ ਰਜ਼ਾ ਨੇ ਇਕ ਨਿਊਜ਼ ਚੈਨਲ 'ਤੇ ਦਾਅਵਾ ਕੀਤਾ ਸੀ ਕਿ ਭਾਰਤੀ ਗੇਂਦਬਾਜ਼ਾਂ ਨੂੰ ਵੱਖ-ਵੱਖ ਗੇਂਦਾਂ ਮਿਲ ਰਹੀਆਂ ਹਨ। ਉਸ ਨੇ ਆਈ. ਸੀ. ਸੀ. ਨੂੰ ਰੋਹਿਤ ਸ਼ਰਮਾ ਦੀ ਅਗਵਾਈ ਵਾਲੀ ਟੀਮ ਨੂੰ ਦਿੱਤੀਆਂ ਗੇਂਦਾਂ ਦੀ ਜਾਂਚ ਕਰਨ ਦੀ ਅਪੀਲ ਕੀਤੀ ਸੀ। ਰਜ਼ਾ ਦੇ ਇਸ ਬਿਆਨ ਦੀ ਪਾਕਿਸਤਾਨ ਦੇ ਮਹਾਨ ਖਿਡਾਰੀ ਵਸੀਮ ਅਕਰਮ ਨੇ ਆਲੋਚਨਾ ਕੀਤੀ ਸੀ। ਅਕਰਮ ਨੇ ਕਿਹਾ ਸੀ- ਮੈਂ ਪਿਛਲੇ ਦੋ ਦਿਨਾਂ ਤੋਂ ਇਸ ਬਾਰੇ ਪੜ੍ਹ ਰਿਹਾ ਹਾਂ। ਮੈਨੂੰ ਇਹੋ ਕਹਿਣਾ ਚਾਹੁੰਦਾ ਹਾਂ ਕਿ ਇਹ ਲੋਕ ਕੀ ਕਰ ਰਹੇ ਹਨ, ਮਸਤੀ ਕਰ ਰਹੇ ਹਨ। ਦਿਮਾਗ ਨਹੀਂ। ਤੁਸੀਂ ਸਿਰਫ ਆਪਣੇ ਆਪ ਨੂੰ ਹੀ ਨਹੀਂ ਸਗੋਂ ਸਾਨੂੰ ਵੀ ਸ਼ਰਮਿੰਦਾ ਕਰ ਰਹੇ ਹੋ।

ਰਜ਼ਾ ਨੇ ਇਹ ਵੀ ਦੋਸ਼ ਲਾਇਆ ਸੀ ਕਿ ਭਾਰਤੀ ਟੀਮ 'ਡੀ. ਆਰ. ਐਸ.' ਨਾਲ ਛੇੜਛਾੜ ਕਰ ਰਹੀ ਹੈ। ਉਸਨੇ ਰਵਿੰਦਰ ਜਡੇਜਾ ਵਲੋਂ ਵਾਨ ਡੀ ਡੁਸੇਨ ਨੂੰ ਐੱਲ. ਬੀ. ਡਬਲਯੂ. ਆਊਟ ਕੀਤੇ ਜਾਣ 'ਤੇ ਚਰਚਾ ਕੀਤੀ ਅਤੇ ਪੁੱਛਿਆ ਕਿ ਜੇਕਰ ਗੇਂਦ ਲੈੱਗ ਸਟੰਪ 'ਤੇ ਪਿਚ ਹੋਈ ਸੀ ਤਾਂ ਮੱਧ ਸਟੰਪ ਨੂੰ ਕਿਉਂ ਮਾਰ ਰਹੀ ਸੀ। ਇਹ ਕਿਵੇਂ ਸੰਭਵ ਹੈ? ਇਸ ਦੀ ਜਾਂਚ ਹੋਣੀ ਚਾਹੀਦੀ ਹੈ।

ਇਹ ਵੀ ਪੜ੍ਹੋ : ਨਿਊਜ਼ੀਲੈਂਡ, ਅਫ਼ਗਾਨਿਸਤਾਨ ਜਾਂ ਪਾਕਿ? ਸੈਮੀਫਾਈਨਲ 'ਚ ਕਿਸ ਨਾਲ ਭਿੜੇਗੀ ਭਾਰਤੀ ਟੀਮ, ਜਾਣੋ ਪੂਰਾ ਸਮੀਕਰਨ

ਸ਼ੰਮੀ ਨੇ ਹੁਣ ਇਨ੍ਹਾਂ ਸਾਰੇ ਮਾਮਲਿਆਂ 'ਤੇ ਆਪਣੀ ਇੰਸਟਾ ਸਟੋਰੀ ਸ਼ੇਅਰ ਕੀਤੀ ਹੈ ਅਤੇ ਲਿਖਿਆ ਹੈ - ਸ਼ਰਮ ਕਰੋ ਯਾਰ, ਗੇਮ 'ਤੇ ਫੋਕਸ ਕਰੋ ਨਾ ਕਿ ਫਾਲਤੂ ਬਕਵਾਸ 'ਤੇ। ਕਦੇ-ਕਦੇ ਦੂਜਿਆਂ ਦੀ ਸਫਲਤਾ ਦਾ ਆਨੰਦ ਮਾਣੋ। ਯਾਰ, ਇਹ ਆਈ. ਸੀ. ਸੀ. ਵਿਸ਼ਵ ਕੱਪ ਹੈ। ਏ. ਪੀ. ਕੇ. ਸਥਾਨਕ ਟੂਰਨਾਮੈਂਟ ਨਹੀਂ ਹੈ ਜਾਂ ਕੋਈ ਏ. ਪੀ. ਖਿਡਾਰੀ ਨਹੀਂ ਹਨ। ਵਸੀਮ ਭਾਈ ਨੇ ਤੈਨੂੰ ਸਮਝਾਇਆ ਸੀ। ਫਿਰ ਵੀ ਹਾਹਾਹਾਹਾਹਾਹਾਹਾ। ਤੁਹਾਨੂੰ ਆਪਣੇ ਖਿਡਾਰੀ ਵਸੀਮ ਅਕਰਮ 'ਤੇ ਭਰੋਸਾ ਨਹੀਂ ਹੈ। ਜਨਾਬ, ਤੁਸੀਂ ਆਪਣੀ ਤਾਰੀਫ਼ ਕਰਨ ਵਿਚ ਰੁੱਝੇ ਹੋਏ ਹੋ। ਜਸਟ ਲੁਕਿੰਗ ਲਾਈਕ ਏ ਵਾਓ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:- 
https://play.google.com/store/apps/details?id=com.jagbani&hl=en&pli=1

For IOS:- 
https://apps.apple.com/in/app/id538323711

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ