ਐੱਮ.ਆਈ. ਐਮੀਰੇਟਸ ਨੇ ਮਾਰਕ ਬਾਊਚਰ ਨੂੰ ਬਣਾਇਆ ਮੁੱਖ ਕੋਚ

ਅਬੂ ਧਾਬੀ : ਪ੍ਰਮੁੱਖ ਫਰੈਂਚਾਈਜ਼ੀ ਐੱਮ.ਆਈ. ਐਮੀਰੇਟਸ ਨੇ ਇੰਟਰਨੈਸ਼ਨਲ ਲੀਗ ਟੀ-20 (ILT20) ਲਈ ਮਾਰਕ ਬਾਊਚਰ ਨੂੰ ਆਪਣਾ ਨਵਾਂ ਮੁੱਖ ਕੋਚ ਨਿਯੁਕਤ ਕੀਤਾ ਹੈ। ਉਹ ਰੌਬਿਨ ਸਿੰਘ ਦੀ ਜਗ੍ਹਾ ਲੈਣਗੇ, ਜਿਨ੍ਹਾਂ ਦੀ ਅਗਵਾਈ ਹੇਠ ਟੀਮ ਨੇ 2024 ਵਿੱਚ ਆਪਣਾ ਪਹਿਲਾ ਆਈ.ਐੱਲ. ਟੀ-20 ਖ਼ਿਤਾਬ ਜਿੱਤਿਆ ਸੀ। ਜ਼ਿਕਰਯੋਗ ਹੈ ਕਿ ਐੱਮ.ਆਈ. ਐਮੀਰੇਟਸ ਦੀ ਟੀਮ 2025-26 ਦੇ ਸੀਜ਼ਨ ਵਿੱਚ ਉਪ-ਜੇਤੂ (ਰਨਰ-ਅੱਪ) ਰਹੀ ਸੀ, ਜਿੱਥੇ ਫਾਈਨਲ ਮੁਕਾਬਲੇ ਵਿੱਚ ਉਸ ਨੂੰ ਡੇਜ਼ਰਟ ਵਾਈਪਰਜ਼ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।

ਮਾਰਕ ਬਾਊਚਰ ਪਹਿਲਾਂ ਵੀ ਇਸ ਫਰੈਂਚਾਈਜ਼ੀ ਨਾਲ ਜੁੜੇ ਰਹੇ ਹਨ। ਉਨ੍ਹਾਂ ਨੇ ਇੰਡੀਅਨ ਪ੍ਰੀਮੀਅਰ ਲੀਗ (IPL) ਦੇ 2023 ਅਤੇ 2024 ਸੀਜ਼ਨ ਦੌਰਾਨ ਮੁੰਬਈ ਇੰਡੀਅਨਜ਼ ਦੇ ਮੁੱਖ ਕੋਚ ਵਜੋਂ ਕੰਮ ਕੀਤਾ ਸੀ। ਇਸ ਤੋਂ ਬਾਅਦ, ਉਹ ਮੇਜਰ ਲੀਗ ਕ੍ਰਿਕਟ (MLC) ਵਿੱਚ ਐੱਮ.ਆਈ. ਨਿਊਯਾਰਕ ਦੇ ਮੁੱਖ ਕੋਚ ਬਣੇ, ਜਿੱਥੇ ਉਨ੍ਹਾਂ ਨੇ 2024 ਵਿੱਚ ਟੀਮ ਨੂੰ ਚੈਂਪੀਅਨਸ਼ਿਪ ਜਿਤਾਈ ਸੀ।